ဒီဇင်ဘာကဗျာပွဲ

December 22, 2013 at 9:03pm


စင်္ကာပူရောက် ကဗျာချစ်သူများရဲ့ ပထမဆုံးအကြိမ် ... လို့ စာတန်းတပ်ထားပါတယ်။ ဒါပေမဲ့ စင်္ကာပူမှာ အရင်က ရွတ်ပွဲတွေ ကျင်းပခဲ့ဖူးတယ်လို့ ကြားဖူးပါတယ်။ (ကျွန်တော် မရောက်ဖြစ်ခဲ့ပါ။) ဒီဇင်ဘာကဗျာပွဲ အနေနဲ့ ပထမအကြိမ်လို့ ဆိုလိုချင်ပုံရပြီး။ နံပါတ်စဉ်တပ်ထားခြင်းအားဖြင့် နောက်အကြိမ်တွေ လုပ်ကြဖို့ ရည်ရွယ်ဟန်ရှိပါတယ်။

လွန်ခဲ့တဲ့ တပါတ်လောက်ကမှ ဒီပွဲလုပ်မယ့်အကြောင်း အိန္ဒြာက မျက်နှာစာအုပ်မှာ တင်ထားတာ တွေ့မိပါတယ်။ ကိုခင်အောင်အေး ဒီကို လာဖြစ်တာကို အကြောင်းပြုပြီးပေါ့။ သူလာမယ် ဆိုတာလည်း သိထားပါတယ်။ သူ့ကိုလည်းတွေ့ချင်၊ ကဗျာပွဲ့ရယ်လို့ မတက်ဖူးတာနဲ့ ဒီပွဲကို လာဖြစ်တယ် ဆိုပါတော့။

နေရာက Lakeside Condo Function Room မှာပါ။ (ကို) သွယ်လင်းဆက်နဲ့ သူ့သူငယ်ချင်း စီစဉ်ပေးတာကြောင့် တကယ်ကို အဆင်ပြေတဲ့ နေရာမှာ ကျင်းပခွင့်ရပါတယ်။ လာတဲ့သူတွေကလည်း ကိုခင်အောင်အေးလို ဝါရင့် သက်ရင့် ကဗျာဆရာ၊ ကျွန်တော့်လို ဝါနု သက်ရင့်ကစလို့၊ လူငယ်ကဗျာသမားတွေရော၊ ကဗျာချစ်သူတွေအပြင် သွယ်လင်းဆက် အမျိုးတချို့ပါပေါင်းတော့ လူလည်း စုံသလို။ အတော်လည်း အင်အားတောင့်ပါတယ်။ နောက်ပိုင်းရောက်လာသူတွေရော ပေါင်းရင် ၂၅-၃၀ လောက်ရှိပါတယ်။ မိန်းကလေး ကဗျာဆရာမကတော့ အိန္ဒြာနဲ့ ဖြူနှင်းဖွေးပေါင်းမှ ၂ ယောက်တိတိ။ (မသက်ဝေက ပွဲအစပိုင်းပြန်သွားရ၊ မချစ်ကြည်က လူနေမကောင်းလို့ ခေါက်ဆွဲကြော်ပဲ လာလိုက်ရလို့ မိန်းကလေး အင်အားတော်တော်နည်းပါတယ်။)

ပထမပိုင်း ၁၂ ကနေ ၃ နာရီအထိ ကဗျာရွတ်မယ် ကဗျာအကြောင်းပြောမယ်။ ၃ နာရီနောက်ပိုင်းကတော့ စား၊ သောက်၊ ပွား အစီအစဉ်။ စတာက ၁ နာရီမှ စဖြစ်သွားတယ်။ ကျွန်တော်အပါအဝင် မြန်မာ စစ်စစ်များ နောက်ကျကြလို့ပါ။

ပထမဆုံး ခေတ်ပေါ်နဲ့ ခေတ်ပြိုင်ကဗျာကို ပေးစားချင်နေတဲ့ ကိုခင်အောင်အေးက အဲဒီအကြောင်း စာတမ်းဖတ်ပါတယ်။ နောက်ကဗျာရွတ်ကြ။ အခန်းအနားဆန်ဆန် မဟုတ်ဘဲရွတ်ကြ၊ အကုန်လုံးကိုလည်း ရွတ်ဖို့ တိုက်တွန်းကြဆိုတော့ ဘယ်ကိုမှ မပို့ ဘယ်မှာမှ မတင်ဘဲ ကိုယ့်ဖာသာ ရေးပြီး သိမ်းထားတတ်သူတွေရဲ့ ကဗျာတွေပါ နားထောင်ခွင့်ရပါတယ်။ တချို့ကလည်း ကဗျာအကြောင်း စာတမ်းဆန်ဆန် (လက်တန်း) ပြော။ ဆရာဇေယျာလင်းက ဒီပွဲအတွက် သီးသန့်ရေးပို့ပေးတဲ့ စာတမ်းတစောင်ဖတ် (အိန္ဒြာဝေါလ်မှာ တင်ထား)။

ဖြူနှင်းဖွေး ယူလာတဲ့ တော်လှန်ကြောင် (ခရီးရှည်ချီတက်ပွဲ)၊ အိန္ဒြာ ရဲ့ ကဗျာရေးသလိုလို နဲ့ သူ့ရဲ့ လက်ဆောင် ပိတောက်ပွင့်သစ်တွေ၊ ကိုခင်အောင်အေးရဲ့ ငှက်ကလေးတို့လည်း လက်ဆောင်အဖြစ် မဲဖောက်ပေးပါသေးတယ်။



နောက်တော့ အကင်လုပ်တဲ့နေရာကို ရွေ့၊ စားရင်း သောက်ရင်း ဝိုင်းအသေး ၃-၄ ဝိုင်းခွဲပြီး အသီးသီး ပွား။ ပြောရင်းနဲ့ စိတ်ပါလာတော့ ကဗျာတကြော့ ထပ်ရွတ်ကြ။ ပြီးတော့ အဖိုးကြီး သီချင်းတွေ တီးကြ ဆိုကြသေးတယ်။

အချိန်ပေးပြီး အဓိကနေရာနေ ပြောပြ၊ ရွတ်ပြသွားတဲ့ ကိုခင်အောင်အေး၊ ပွဲစီစဉ်တဲ့ သွယ်လင်းဆက်နဲ့ သူငယ်ချင်းများ၊ ဖြူနှင်းဖွေးနဲ့ မကြီးအိမ်တို့လည်း ကျေးဇူးအထူးပါ။

တကယ်ကို အဆင်ပြေတဲ့ ရင်းရင်းနှီးနှီးရှိတဲ့ ပွဲ တခုပါပဲ။ ဒီနေ့ လာဖြစ်တဲ့ သူတွေရယ် လာချင်ပေမယ့် မလာလိုက်ရတဲ့ သူတွေ စုပြီး ဒီလို ပွဲလေးတွေ ထပ်လုပ်ဖြစ်စေချင်ပါတယ်။ လုပ်လည်း လုပ်ကြမယ်လေ။


ဝန်ခံချင်တာက။ ။
(၁) ကျွန်တော်က ကဗျာနဲ့ ပတ်သက်ရင် ကိုယ့်ဖာသာ ဘဝင်ခပ်မြင့်မြင့်ရယ်။ ဒီနေ့တော့ ဘယ်မှ မပို့ဘဲ သိမ်းထားတယ်၊ ကိုယ့်ဖာသာ ဖတ်ဖို့လောက်ပဲ တင်ထားတယ် ဆိုတဲ့သူတွေ ကဗျာတွေ နားထောင်ပြီး ဖျားသွားပါတယ်။ ဘဝင်နည်းနည်းကျသွားတယ်။ ကျေးဇူးပါ။

(၂) ကဗျာရှည်ရှည်တွေဆို ရှမ်းဖတ်ဖြစ်၊ ဆောင်းပါးဆို အမြန်ဖတ်ဖြစ် ဆိုတာတွေ အကျင့်နည်းနည်းပါနေတာ။ ဒီနေ့တော့ အခြားအာရုံမရှိဘဲ ဒီထဲမှာ အာရုံစိုက်နားထောင်ဖြစ်တော့ ပိုရတာ သတိထားမိတယ်။ ကျွန်တော် အာရုံစိုက်တာ နည်းသေးတာကို ပြတာပဲ။

တင်မင်းထက်
22 Dec 2013

လောကအမြင်နဲ့ကမ္ဘာ



`လောကအမြင်´ဆိုတာ စကားလုံးကြီးပေမယ့် အနက်အဓိပ္ပါယ်တွေထုတ်ယူရရင် လူတစ်ယောက်ရဲ့ ပုဂ္ဂလဘ၀ subjectivity ရဲ့ အချုပ် ဖြစ်ပါတယ်။ အဇျတ္တဘ၀လို့လည်းခေါ်လို့ရမယ်ထင်ပါတယ်။ ဒီပုဂ္ဂလ/အဇျတ္တဘ၀ထဲမှာ ပါဝင်ဖွဲ့စည်းပြီး အပြန်အလှန်ဆက် နွယ်ဆက်သွယ်နေတာတွေကတော့ သင်ယူမှုသညာအစုအဝေး knowledge ၊ အမှတ်သညာအစုအဝေး memory ၊ မိမိဘယ်သူဘယ်ဝါ သတ်မှတ်ချက် self – identity ၊ မိမိကိုယ်မိမိ အသိုင်းအ၀ိုင်း/ (လူ့) အဖွဲ့အစည်းတစ်ခုခုအတွင်းထားရှိနေရာယူမှု self – positioning ၊ မိမိရဲ့ယုံကြည်မှု အစုအဝေး beliefs ၊မိမိရဲ့အမူအကျင့် အစုအဝေး habits ၊မိမိရဲ့အစွဲအလန်းတွေ prejudices၊ မိမိရဲ့အကြောက်တရား တွေ fears ၊ မိမိရဲ့ဆင်ခြင်သုံးသပ်စဉ်းစားတွေးခေါ်ပုံ cognition စသည်ဖြင့် အကုန်လုံးအကျုံးဝင်နေကြပြီး အဲဒါတွေဟာ မိမိရဲ့နေ့စဉ် ဘ၀ကို ပြာဋ္ဌာန်းသလို မိမိရဲ့ လောကချင်းရာအဖြစ်အပျက်တွေပေါ်အမြင်နဲ့ တုန့်ပြန်မှုတို့ကိုလည်းကြိုးကိုင်ပါတယ်။ အဲဒီ Complex ဖြစ်တဲ့ အစုအဝေးကြီးတွေဟာ တစ်ခုနဲ့ တစ်ခု Jigsaw puzzle လိုအံကိုက်ချိတ်ဆက်ပြီး ပုံဖေါ်နေတာမျိုးမဟုတ်ပဲ ချိတ်လိုက်လွဲလိုက်နဲ့ flux လှုပ်ရွေ့နေကြတာဖြစ်ပါတယ်။ အဲ flux ဖြစ်နေတဲ့ ပုဂ္ဂလ/အဇျတ္တဘ၀ကြီးကိုပဲ `လောကအမြင်´လို့ `ချုပ်´ပြီးပြောကြည့်တာဖြစ် ပါတယ်။
ကဗျာရေးသူတစ်ယောက်ရဲ့ လောကအမြင်နဲ့ သူရေးတဲ့ ကဗျာဟာ ရာခိုင်နှုံးတော်တော်များများ ပတ်သက်မှုရှိတယ်လို့ ကျွန်တော်ဆိုချင်ပါတယ်။ ကဗျာရေးသူရဲ့ content အကြောင်းအရာရွေးချယ်မှု (၀ါ) အကြောင်းအရာရဲ့ စွဲကပ်ခံရမှုနဲ့ form ပုံသဏ္ဍာန်ဖွဲ့ စည်းတည်ဆောက်ယူခြင်း (၀ါ) ၊ ဖွဲ့စည်းတည်ဆောက်မှုတစ်မျိုးမဟုတ်တစ်မျိုးလာစွဲကပ်ခံရခြင်းတို့ဟာ သူ့လောကအမြင်ကလာတာ တွေပဲဖြစ်ပါတယ်။ ဒါဟာ ကိုယ့်စိတ်ကိုယ်မှတ်ကျင့်ရှိသူတွေတောင် အနည်းအကျင်းပဲသိနိုင်တဲ့အတွက် သီအိုရီလို့ပဲ သဘောထားချင်ရင် ကျွန်တော့်ဘက်ကငြင်းမှာ မဟုတ်ပါဘူး။ သီအိုရီဆိုတာ စဉ်းစားတွေးခေါ်မှုရဲ့ ငြမ်းလို့ ကျွန်တော်ယူဆတဲ့အတွက်ဖြစ်ပါတယ်။
ကဗျာရေးသူအဖို့ သူရွေးချယ်တဲ့ စကားလုံး/နိမိတ်ပုံ/အသံကအစ သူချိတ်ဆက်တဲ့ လိုင်းတွေနဲ့ ချိတ်ဆက်ပုံတွေအလယ် ၊ နောက်ဆုံးလိုင်းကို ဘယ်လိုတာဝန်ထမ်းဆောင်ခိုင်းပုံ အဆုံးဟာ `အလိုလို´ဖြစ်လာတာမျိုးမဟုတ်သလို ပုံသေပြုလုပ်မှုမျိုးလည်းမဟုတ် ဘူးဆိုတာ ကဗျာရေးသူတိုင်းသိနိုင်ပါတယ်။ `ရင်ဘတ်´နဲ့ ရေးတာလို့ တလွဲနာမည်ကြီးတဲ့ ကျွန်တော်တို့ရဲ့ ကဗျာဆရာကြီးကိုချော (ခ) မောင်ချောနွယ်ကိုယ်တိုင် သူ့ဒိုင်ယာရီထဲမှာ သူအထပ်ထပ်အခါခါပြင်ထားတဲ့ မူကြမ်းတွေ ၊ လိုင်းတွေ ကျွန်တော်မျက်စိနဲ့ မြင်ခဲ့ရဘူးပါ တယ်။ ပါရမီရှင်တစ်ပါးလို ရေးတိုင်းကဗျာဖြစ်တာမဟုတ်ဘူးဆိုတာ ကိုချောဟာ သက်သေပါ။ နေရင်းထိုင်ရင်း ၊ သွားရင်းလာရင်း ၊ စားရင်းသောက်ရင်း ၊ စကားစမြည်ပြောဆိုရင် သူကောက်ရလိုက်တဲ့ လိုင်းတွေ ၊ စကားလုံးတွေ ၊နိမိတ်ပုံတွေ ၊ သူကောက်ကာငင်ကာ ရွတ်ပြနိုင်ပေမယ့် အဲဒါတွေဟာ ကဗျာတွေမဟုတ်သေးပါဘူး။ သူတည်ဆောက်ရပါသေးတယ်။ ထို့အတူ အူလီပို Oulipo လို ပုံသေပုံစံ တွေနဲ့ ကဗျာရေးရင်တောင်မှ ပုံသေစကားလုံးနဲ့ ရေးတာမဟုတ်ပဲ စကားလုံးတွေ ရှာဖွေတည်ဆောက်ရပါသေးတယ်။ ကံအားလျော်စွာပဲ ၊ ကိုချောနဲ့ အူလီပိုအကြောင်းပြောမိခြင်းမှာ ဆီလျော်စွာပဲ ကျွန်တော်ပြောချင်တဲ့အကြောင်းပြန်ရောက်သွားပါတယ်။ ကိုချောဟာ သူ့ ကဗျာကို သူက ဗဟိုပြုပြီး သူ့ကဗျာပါ ခံစားမှုဟာ သူ့ခံစားမှုလို့ သူယုံကြည်စွာ ရေးသားခဲ့ပါတယ်။ သူ့ကဗျာထဲက `ငါ´ဟာ သူကိုယ်တိုင် ဖြစ်ပြီး သူ့မိသားစုဝင်တွေရဲ့ နာမည်တွေကိုပါ သူ့ကဗျာတွေထဲမှာ တွေ့ရပါတယ်။ သူ့ကဗျာရဲ့ မူလဖြစ်ဖျားခံရာဟာ သူကိုယ်တိုင်ရဲ့ လောကအမြင် (၀ါ) ပုဂ္ဂလ/အဇျတ္တဘ၀ဖြစ်ပါတယ်။ အလွယ်ပြောရင် သူ့ဘ၀ပေါ့။ အူလီပိုသမားတွေကတော့ ကဗျာကို တည်ဆောက် construct တဲ့ဘက်ပိုဦးတည်ကြပါတယ်။ ရေးသူရဲ့ ဖွင့်ဟဖေါ်ထုတ်လိုမှု expression ထက် ဘာသာစကားနဲ့ တည်ဆောက်ပြလိုမှု construction ဘက်ပိုကဲပါတယ်။ အဲဒီ ဘာသာစကားနဲ့ တည်ဆောက်ပြမှုဟာ ခံစားမှုကိုလည်းဖြစ်စေပါတယ်။ ခံစားမှုကိုတည်ပြီး ဘာသာစကားနဲ့ ပုံဖေါ်တာမဟုတ်ပဲ ဘာသာစကားရဲ့ တစ်နည်းတစ်ဖုံပုံဖေါ်ထားမှုကြောင့် ခံစားမှုဖြစ်ပေါ်စေတယ်ဆိုတဲ့ သဘောဖြစ်ပါ တယ်။ ကဗျာဗေဒအသုံးအနှုံးနဲ့ ဆိုရင် Lyric method နဲ့ anti-Lyric method တို့ဖြစ်ပါတယ်။ ဒီနေရာမှာ ဘယ်ဟာပို ကဗျာမြောက် တယ်မမြောက်ဘူးဆိုတာ လောကအမြင်နဲ့ပဲ ဆိုင်ပါတယ်။
ကဗျာရေးသူတစ်ယေက်ဟာ လောကကို အထက်အောက်ဖွဲ့စည်းမှု ၊ ကွင်းဆက်ချိတ်ဆက်မှု ၊ ယုတ္တိနဲ့ တည်ဆောက်မှု ၊ အနက်အဆက်အစပ်ရှိမှု ၊ သူ့ ကဏ္ဍနဲ့ သူအချိုးကျ ပါဝင်တာဝန်ယူရမှု ၊ အစဉ်အလာလူမှုဆက်ဆံရေးကို လက်ခံကျင့်သုံးမှု ၊ စ- လယ်- ဆုံး ညီညွတ်မှု ၊ စသည်ဖြင့်နဲ့ မိမိကို မိမိခိုင်မာတဲ့ အိုင်ဒင်တတီရှိထားမှု ၊ မိမိသိမှုကို မိမိယုံကြည်လက်ခံမှု ၊ မိမိရဲ့ ပုဂ္ဂလအမြင် - အတွေး -ခံစားမှုတို့ကို လုံဝဥဿုံယုံကြည်မှု စသည်တို့နဲ့ မကွဲမပြတ် ချိတ်ဆက်ထားရင် သူရေးတဲ့ ကဗျာရဲ့ ပုံသဏ္ဍာန်မှာလည်း သူ့အမြင်ကို တွေ့ရှိရမှာဖြစ်ပြီး အထက်ပါလောကအမြင်နဲ့ ကွဲပြားခြားနားသူရဲ့ ကဗျာပုံသဏ္ဍာန်ဟာလည်း လိုက်ခြားနားမှာပဲဖြစ်ပါတယ်။
ဒီနေရာမှာကဗျာရေးသူ လူပုဂ္ဂိုလ်ကနေ ကမ္ဘာကြီးအထိချဲ့တွေးကြည့်ချင်ပါတယ်။ ကမ္ဘာကြီး ပြောင်းလဲသွားတိုင်း အသိအမြင် /လောကအမြင်တွေလိုက်ပြောင်းလဲစမြဲပါပဲ။ ပထမကမ္ဘာစစ်မဖြစ်မီနဲ့ ဖြစ်ပြီးကာလမှာ modernism ဟာ ပညာရပ်လောကမှာရော အနုပညာလောကမှာ ပါပေါ်လာပြီး လူတွေရဲ့ ဘ၀နေထိုင်မှုပုံစံတွေပေါ် အကျိုးသက်ရောက်ခဲ့ပါတယ်။ ဒုတိယကမ္ဘာစစ်အပြီးမှာ postmodern ပေါ်လာတယ်လို့ဆိုကြပါတယ်။ စစ်အေးကာလအတွင်းမှာ အတွေးအခေါ်တွေပြောင်းလဲလာပြီး `၆၀ ခုနှစ်နဲ့ `၇၀ ခုနှစ် တွေမှာ အထူးသဖြင့် ပြင်သစ်က တွေးခေါ်ပညာရှင်တွေရဲ့ တင်ပြလာမှုတွေဟာ အခု ကျွန်တော်တို့သိထားတဲ့ postmodern theory တွေပဲပေါ့။ ဒီဘက် ၂၁ ရာစုပိုင်းမှာတော့ ခေတ်စားလာတဲ့ အသုံးအနှုံးဟာ contemporary ပါပဲ။ ဒါကို အချို့က post- postmodern လို့ လည်း ခေါ်ဝေါ်သုံးစွဲကြပါတယ်။ ဒီကိစ္စတွေကို online မှာ တက်ဖတ်လို့ရတဲ့အတွက် ကျွန်တော်အကျယ်တ၀င့်မပြောတော့တာပါ။ `အချို့´ဆိုပြီးတော့လည်း လုံးချနေတယ်လို့ ကျွန်တော့်ကို ထင်ရင်လည်းထင်စေဗျာ ၊ ကျွန်တော့်ရဲ့ အချိန်ကန့်သတ်ချက်နဲ့ ဒီစာလေး ရေးချင်လို့ ရေးလိုက်ရတဲ့အတွက် ချုံ့ပြောလိုက်တာပဲလို့ ယူဆစေချင်ပါတယ်။
လိုရင်းဆက်ပြောရရင် postmodern ကဗျာလို့ သတ်မှတ်တဲ့ ကဗျာတွေရဲ့ ဖွဲ့စည်းတည်ဆောက်မှု ပုံသဏ္ဍာန် ၊ ဦးတည်ချက် ၊ နဲ့ အသုံးပြုပစ္စည်းတွေ နောက်ကွယ်မှာ ပြောင်းလဲသွားတဲ့ လောကအမြင်တွေရှိပါတယ်။ ပြင်ပအပြောင်းအလဲတွေဟာ ကဗျာရေးသူရဲ့ သိမှုပေါ်လာသက်ရောက်ပြီး ကဗျာရေးသူရဲ့ အမြင်ပြောင်းလဲမှုတွေဟာ သူ့အတိုင်းအတာနဲ့ သူဖြစ်ခဲ့ကြတာပါပဲ။ အဲသလို လောက အမြင်အပြောင်းအလဲတွေနဲ့ ကဗျာပေါ်အယူအဆ ၊ ကဗျာပြုလုပ်ပုံပြုလုပ်နည်းအပြင် ကဗျာဖတ်ပုံဖတ်နည်းပါ ပြောင်းလဲရေးလှုပ်ရှားမှု တွေ လုပ်လာကြတာဖြစ်ပါတယ်။ ဥပမာ ၊ အမေရိကန် LP ပေါ့။ အမေရိကန် Conceptual Poetry ပေါ့။ ကဗျာပြုလုပ်ဖွဲ့စည်းပုံမှာလည်း အသုံးပြုပစ္စည်း Poetic devices တွေအပေါ်အမြင်ပြောင်းတာမျိုး ၊ ဥပမာ metaphor အခြေပြုနဲ့ metonymy အခြေပြု ၊ သုံးတဲ့ပစ္စည်း ချင်းတူပေမယ့် သုံးပုံသုံးနည်းမတူတာတို့ ၊ ဥပမာ hypotaxis ကနေ parataxis ၊ closure ကနေ anti-closure ၊ အချိုးဟပ်စပ်ပြီး ညီ ညွတ်မှုဆီ ဦးတည်တာနဲ့ အချိုးဖျက်ပြီး `အပွင့်´ ရေးတာမျိုး ၊ ယခင် ဆူရီယလ်နည်းတွေကို ဘာသာစကားကဗျာနည်းနဲ့ ရောစပ်သုံးတာ မျိုး ၊ စသဖြင့်။
အခုဒီဘက်ပိုင်း contemporary ကဗျာမှာတော့ synthesis (၀ါ) recombination ဆီသွားနေကြတာတွေ့ရပါတယ်။ narrative ဇာတ်လမ်းစင်မှု ၊ ခံစားမှုနဲ့ စဉ်းစားဆင်ခြင်မှုတို့ကို ပေါင်းစပ်မှု ၊ Lyric ရဲ့ `ငါ´ဗဟိုပြုမှုကို ယူပေမယ့်လည်း အဲဒီ`ငါ´ခံစားမှု သရုပ်ပြဖို့ ထက်စဉ်းစားတွေခေါ်မှုဘက်လှည့်လိုက်မှု (Lyric postmodernisms) ၊ အရေးအသားပုံစံများ ရောနှောဖွဲ့စည်းမှု ၊ အဓိပ္ပါယ်ဆက်စပ်မှု တိုက်ရိုက်မရှိတဲ့လိုင်းတွေ ချိတ်ဆက်မှု ၊ မျဉ်းဖြောင့်ယုတ္တိဆင်ခြင်မှုထက် associative စိတ်ကူးအတွေး ခုန်ကျော်ဆက်စပ်မှု ၊ စတာတွေ တွေ့ရှိဖတ်ရှုနေရပါတယ်။ ဒါတွေဟာ အလွယ်တကူယူသုံးလို့ရတဲ့ နည်းတွေ ၊ တက္ကနိတွေလို့ အယူလွဲသုံးမှုတွေ ကမ္ဘာမှာလည်းကမ္ဘာနဲ့ ချီပါပဲ။ ဒါပေမယ့် လူသိသူသိ ကဗျာရေးသူတွေဖြစ်လာကြသလား။ online သော်လည်းကောင်း print သော်လည်းကောင်း နီးစပ်ရာ အသိုင်းအ၀ိုင်းလေးထဲမှာပဲ ရှိတတ်ကြပါတယ်။ ကဗျာကိုအလေးအနက်ထား ကိုင်ဆွဲသူတစ်ယောက်အတွက်တော့ သူ့လောက အမြင်နဲ့ သူ့ကဗျာရဲ့ ဆက်သွယ်မှုကို ရှာဖွေဖော်ထုတ် တင်ပြကြတာတွေ ရှာဖွေဖတ်ရှုလို့ရပါတယ်။ ထို့အတူ မိမိကိုယ်မိမိ ကဗျာကိုအလေးအ နက်ထားသူအဖြစ်ခံယူရင် မိမိကိုယ်မိမိလည်း စူးစမ်းကြည့်တာ မမှားပါဘူး။ မိမိရေးတဲ့ ကဗျာနဲ့ မိမိထားရှိတဲ့ အမြင်တွေနဲ့ ဆက်စပ် စူးစမ်းလို့ရပါတယ်။ အဲဒီမှာ မိမိရဲ့မိမိကိုယ်တိုင် သိချင်မှသိမယ့် လောကအမြင်ကို သတိထားမိရင် ထားမိသွားပါလိမ့်မယ် ၊ လှုပ်ရင်လည်း လှုပ်သွားပါလိမ့်မယ်။ ရေးပြီးတဲ့ ကဗျာကို စုတ်တောင်ဖြဲလိုက်မိပါလိမ့်မယ် `သဟဇာတ´ဆိုတဲ့ စကားလုံးလေးရဲ့ အဓိပ္ပါယ်ကိုလည်း အထိတ်တလန့် မြင်ကောင်းမြင်သွားပါလိမ့်မယ်။ အသက်အရွယ်နဲ့ အတွေ့အကြုံလည်း ဆိုင်မယ်ထင်ပါတယ်။
ထင်ရှားတာကတော့ ကဗျာပေါ်မှာ ဘယ်ပုဂ္ဂိုလ် ၊ ဘယ်ဝါဒ ၊ ဘယ်ဂိုဏ်းကမှ လက်ဝါးကြီးအုပ်လို့မရတော့ခြင်းပါပဲ။ လူ့အဖွဲ့ အစည်းတစ်ခုတည်းမှာတင်ပဲ အစဉ်အလာ ဂန္တ၀င်ကဗျာ ၊ မော်ဒန်ကဗျာ ၊ ပို့စ်မော်ဒန်ကဗျာနဲ့ ကွန်တမ်ပိုရာရီကဗျာတို့အတူတကွ ယှဉ်တွဲ နေထိုင်နေကြတာလည်း တွေ့ရပေါ့။ ကွဲပြားခြားနားမှုဟာ ပြိုကွဲမှုမဟုတ် ၊ ရန်ဘက်မဟုတ် ၊ အန္တာရယ်မဟုတ်လို့ လက်ခံလိုက်ရင် ကဗျာ ရေးသူရဲ့ လောကအမြင်ဟာ နည်းနည်းတော့ ရွေ့သွားမလား။ အဲဒီအရွေ့ဟာ ကဗျာရေးမှုပေါ်မသက်ရောက်ဘူးလို့ ပြောနိုင်မလား။ မိမိရဲ့ကိုယ်ပိုင်တည်ဆောက်ယူထားတဲ့ ကဗျာဗေဒကော ဖြစ်မလာနိုင်ဘူးလို့ပြောနိုင်မလား။



ကျေးဇူးတင်ပါတယ်။


ဇေယျာလင်း
21 – Dec - 13


တကယ်တမ်းက ဒီလို ( Please don't try these at home . Not good for kids )

ခွဲစိတ်ခန်းထဲက ထွက်လာပြီးပြီးချင်း
Coca Cola တစ်ဗူး ဖောက်သောက်လိုက်တာနဲ့
ကျီးကန်းဟာ ဒေါင်းစင်စစ်ဖြစ်သွားတော့တယ် ။
ဖိနပ်က မိထွေးသမီးအကြီးမနဲ့ပဲ အတော်ပဲ ။
iPad ကိုယ်စီနဲ့လင်းတတွေကတော့ ပျော်တာပေါ့ ။

နှံကောင်ဟာ ပုရွက်ဆိတ်ရဲ့
ခြေတွေလက်တွေကို ဖြတ်ပြီးစားပစ်တယ် ။
Freddy ဆီက လွှစက်ကြီးငှားလာပြီး ဖြတ်ပစ်တာ တဇွီးဇွီး ။
တောင်ကြီးနှစ်လုံးကို မူလနေရာမှာ ပြန်လာထားသွားကြတယ် ။

ဆင်းရဲသားတွေကို သေနတ်ထောက် ဓားပြတိုက်ပြီး
သူဌေးတွေကို ပေးဝေနေကျပဲ ။

Vodka နဲ့မတည့်လို့တဲ့
ဘဲတွေအကုန် ရုပ်ဆိုးကုန်တယ် ။
ဗေဒါလည်း တစ်စစီစုတ်ပြတ်သတ်ပြီး လွတ်မြောက်သွားတယ် ။

ဝှက်ယူလာတဲ့ပုဆိန်နဲ့
မြစ်စောင့်နတ်ကို ကောက်ပေါက်ပစ်တယ် ။
ဘယ် password နဲ့ဖွင့်ဖွင့်
ကျောက်ဂူတံခါး မပွင့် ။

မိုးတွေရွာချလာလည်း သူခိုးအေးဆေးပဲ
တဲအမိုးပေါ် အပြုံးမပျက် ပုန်းလျက်
ဘုန်းကြီးကျောင်းထွက်သူခိုးဟာ
ပါဠိစကား နားလည် ။
သားမက်ဟာ ဖုတ်ဝင်ပြီး
ကျောင်းကို ဓါတ်ဆီလောင်း မီးရှို့ပစ်တယ် ။

မြေမှုန်ကဖြစ်တဲ့မိန်းမကို မက်မုံသီးတွေနဲ့မပေါက်ကြပါနဲ့
ဝင်လျှာရှည်တဲ့ Captain America ကို ပေါင်ကျိုးအောင်ထိုးပစ်ပြီ ၊ ဒချိဒချိ ။

အမြီးပြတ်တဲ့မြေခွေးဟာ ကျန်တဲ့မြေခွေးအပေါင်းရဲ့
အမြီးတွေကို လိုက်ကိုက်ဖြတ်ပစ်တယ်။
စိတ်ကောက်သွားပြီးတဲ့နောက်ပိုင်းမှာ
ညှပ်ကြီးဟာ ဘာလာလာညှပ်ပစ်တယ် ။
မျှော်စင်ကို ဆက်ဆောက်ဖို့ သက်ဆိုင်ရာက ခွင့်ပြုလိုက်တယ် ။

ဗမာတွေ ဖွင့်လို့လားတော့မသိဘူး
သေတ္တာထဲမှာ ဘာဆိုဘာမှ မရှိဘူး ။
သစ်ပင်ပေါ်က မျောက်အသည်းကို
ခင်ပုပ်တစ်လှည့် မြည်းတစ်လှည့် ပင့်ဆောင်သွားကြတယ် ။

ခြင်္သေ့ဟာ ယုန်ရဲ့နှာခေါင်းကို ပလာယာနဲ့ဆွဲဖြုတ်ပစ်တယ် ။
ပြီးမှတစ်ကောင်လုံး မီးကင်စားပစ်တယ် ။
မြေခွေးကို ကြိုးတုပ်ပြီး
စပျစ်သီးတွေနဲ့ ၀ိုင်းပေါက်ကြတယ် ။

ကြောင်ဟာ နတ်သမီးတွေရဲ့အ၀တ်တွေကို ဖွက်ပြီး
ပြန်မပေးတော့ဘူး အစဖျောက်ပစ်တယ် ။
ပြိတ္တာက ကားသော့ကို ဘောင်းဘီအိတ်ထဲ မထည့်ဘဲ
လူမြင်အောင်ကိုင်လာတယ် တချွင်ချွင် ။

မိကျောင်းဟာ ဘာဂျာဆရာကိုအမှတ်တမဲ့ မျိုချမိတယ်
ဘာဂျာဆရာ မိကျောင်းရေချိုးဂိမ်း ကစားလိုက်တာ
အရှင်လတ်လတ်ကြီး ပြန်ထွက်လာနိုင်တယ် ။
ဘာဂျာဆရာကို ပျဉ်းတော်သိမ်ရွက်တွေ ပြုတ်တိုက်ကြတယ် ။

စာကလေးလို လျှာအဖြတ်ခံရလည်း
ခြေဟန်လက်ဟန်နဲ့ ဆက်ပြောပြနေတုန်းပဲ ညစဉ် ။
ဝံပုလွေဟာ သိုးကျောင်းသားကိုပါကိုက်စားပစ်ပြီ ။
ခြေစုန်းဟာ Medusa ကို အနိုင်ယူဖို့ ကြံစည်နေတယ် ။
ကုန်းချောတဲ့ကြောင်မ နေ၀င်မှ လတ်ခမောင်းထခတ်တယ် ။

ပါဝါရိန်းဂျားအနီကောင်ကတော့ နောက်ဆုံးမှရောက်လာ ၊ ရဲတွေနဲ့အတူ ။
သူနမ်းလိုက်မှပဲ တစ်ခါတည်း အသက်ပါထွက်သွားတော့တယ် ။
Adam Smith ဟာ သူ့ Samsung ဖုန်းကို ဘက္ထရီဆွဲဖြုတ်ဖို့ ကြိုးစားနေတုန်းပဲ ။

ဗုဒံ္ဓသရဏံသီးတွေကို ပုတီးလုပ်ပြီး လည်မှာဆွဲထားတဲ့ကြောင်ဟာ
ဘော်ဒီဂတ်တွေနဲ့အတူ ဓာတ်လှေကားစီးပြီး ဘုရားပေါ်တက်သွားတယ် ။
ကြောင်ရဲ့ဘွတ်ဖိနပ်တွေဟာ ဂေါပကလူကြီးလက်ထဲမှာ ။

၂၇ကြိမ်မြောက်ဆီးဂိမ်းရဲ့ ပုံမလာဇီးကွက်တွေဟာ မျက်မှောင်တွေကြုတ်ပြီး
ဓမ္မစေတီခေါင်းလောင်းကိုဆယ်ဖို့ ကြံစည်ကြတယ် ။
ခြူးတွေကတော့ ပျော်တာပေါ့ ။
ဒူးတွေ ဘာတွေ နှန့်ပြီး ဂေါက်ရိုက်ကြတာပေါ့ ။
တစ်ချက်တည်းကျင်းဝင်တဲ့အကြောင်းတောင်
နေ့စဉ်ထုတ်သတင်းစာတွေမှာ ဖတ်လိုက်ကြရတယ် ၊ ကောင်းထှာ ။



ဟံလင်း
၁၇ ၊ ၁၂ ၊ ၁၃