တောင်ပံရ အရေးသမား

ခြားနားဖို့ လွယ်ကူတယ်
တူညီလိုက်ဖို့လည်း မခက်ခဲဘူး

တောင်ပံရ အရေးရသ ပညာရှင်
တောင်ပံရ ခေတ်ရေးခေတ်ရာ အရေးသမား
တောင်ပံရ အမြင့်ကြောက်ပြီး အမြင့်တက်သူ

ရင့် တာဟာ အတွေ့အကြုံ ကြိုးစားရသလို
နု တာလည်း အရသာ ထိမိပြန်တယ်
ဒီတော့ ငါတို့ကြက်ဖ ရှုံးရှုံး နိုင်နိုင် 
တရားက အသက်မရှိ အသက်မ၀င်တာမကောင်းပါဘူး
တရားဖြစ်လို့ တရားသေဆိုရင် ပိုလို့တောင် မကောင်းသေးတယ်

မှန်ကိုကြည့်လို့ အမှန်မြင်ရရင် လောင်းမလား
အမှန်ဟာ မှန်ထဲမှာ မရှိ၊ ပန်းကန်ထဲမှာဆိုရင်
သိပ်ကို လက်တွေ့ရွှံ့ပိတ် ပြောတော့မယ်
အဘယ်ဟင်းလျာတွေ အဖိုးထိုက်တန်ဆုံး အယဉ်ကျေးဆုံး
အဘယ်ယမကာတွေ တန်ဖိုးအကြီးဆုံး အငြိမ့်ညောင်းဆုံး
မိုးထိ ကမ္ဘာ့မြင့်မား ယဉ်ကျေးစရာများ
ပန်းကန်ပြားနဲ့ ခွက်အတွင်းမှာ
အမှန်တရားနဲ့ အရှက်ဆန်ဆန်ဆိုရင် နီးစပ်မလား

တောင်ပံရထားလို့ စကားလုံးကို တာဝန်မခံတာ
တာဝန်ခံစေချင်ရင် တာဝန်ခံ အယ်ဒီတာဆီသွား
သူကတော့ ကွန်ဒုံချွတ် လေချွန် ထွက်သွားလေပြီ။       ။

လူဆန်း
၂၀၀၅
'ဟုဆိုသူ' ကဗျာစာအုပ်မှ      

လ၀န်း


ဆွဲဖွင့်လိုက်တယ်။
မျောတက်လာတဲ့ အလင်းမှာ
အကြည်ဓါတ်ကလေး စွေ့စွေ့ခုန်လို့။
လောကထဲ
အမှောင်ဖြင့် တရေးနိုး
သွေးဆိုးတို့ စီးဆင်းခဲ့ရာ။
လမ်းတစ်လျှောက်
ပန်းတို့ ပွင့်ခဲ့ပါစေ
စမ်းတို့ စီးခဲ့ပါစေ
တောတို့ စိမ်းခဲ့ပါစေ။
ရယ်သံများ
ပျော်ရွှင်ခြင်းများ
ဒီမြေ ဒီကမ္ဘာ
ဒီအတိုင်း ရှိခဲ့ပါစေသား။  

ကိုထက်(ရေဦး)

(ကြယ်များနဲ့အတူ ခေတ်ပေါ်ကဗျာစာအုပ်မှ
ကူးယူ ဖော်ပြသည်)

ပြင်သစ်ရုပ်ရှင်



ဇာတ်လမ်းကအဲဒါပါပဲ
ထရစ်ကာကိုဆွဲညှစ် ခြောက်ချက်တိတိ
အဲဒီငနဲရဲ့ဉီးနှောက်ထဲဖိပြီး ပစ်ချလိုက်တယ်
နောက်တော့ငနဲ မီးသွေးပုံထဲမှာဖလက်

နောက်ဆိုသူဘယ်တော့မှ
ချွင်းဂမ်းဝါးတဲ့ ဘောလုံးနည်းပြ
ဖြစ်တည်မှုပဓာန၀ါဒအားကျပြီး ဘာမှဖြစ်မလာသူ
စတန်းဖို့ဒ်တံတားပေါ်က ကလပ်ပိုင်ရှင်သူဌေး
မိုးလေ၀သသတင်းကြေငြာသူ
ကြက်ဉအလုံးငါးဆယ်တိတိခွဲပြတဲ့ ပါဖောမင့်သမား
အားကစားဂျာနယ်တစ်မျိုးထဲစောင့်ဖတ်သူ
ဆွမ်းဆန်စိမ်းအသင်းဉက္ကဌ
ညနေခင်းအကောင်းမြင်သမား
စကော့ဝီစကီသောက်ပြီး လူမှုရေး ညံ့ဖျင်းသူ
နောက်ဆိုသူဘယ်တော့မှဖြစ်လာမှာမဟုတ်တော့ဘူး
ဇာတ်လမ်းကတော့ဒါပါပဲ ။

သော်ဒီဝေ
( ဒီဇင်ဘာ ဟန်သစ်၂၀၀၃)

The French Movie



This is how the story goes:
The trigger was pulled.
The gun was pressed
against the guy's head and shot six time.
Then the guy was lying dead in the charcoal box.

He would never be
a football coach who chews chewing gums,
an existentialistic loafer, The boss from Stanford bridge,
a weather forcaster, a performance artist who performs by
breaking fifty eggs, an optimist at twilight,
a misfit who likes whisky.
He in the future, will never be one.
This is how the story goes.

Thaw Di Wei
Translated by Mg Day and Tin Kyaw Oo
(2003,December Han Thit Magazine)

အယ်ဒီတာအကြိုက်ကဗျာကဏ္ဍ၊ ဟန်လင်း

ရန်ကုန်

မီးပွိုင့်မှာ
ခုံးကျော်တံတား ဆောက်နေကြတယ်

မီးပွိုင့်မိနေလို့
စက်နှိုးလျက်ရပ်ထားတဲ့ကားတွေ ကြားကနေ
အဖြူအစိမ်းဝတ် အလယ်တန်းအရွယ် ကျောင်းသားလေးတွေ
လမ်းဖြတ်ကူးနေကြတယ်

သူတို့အရွယ်လောက်တုန်းက
ကျွန်တော်တို့ပြောဖူးကြတဲ့စကား
နားထဲသွားကြားယောင်မိတယ်

ပြင်သစ်တော်လှန်ရေးကျက်ရမှာလား ဆရာမ
ပြင်သစ်တော်လှန်ရေးကျက်ရမှာလား ဆရာမ

မီး စိမ်းသွားတယ်

မီးပွိုင့်နားက လက်ဖက်ရည်ဆိုင်ကနေ
ကျွန်တော်တို့ထိုင်ကြည့်နေကြတယ်

ဟံလင်း
၂၊၃၊၂၀၁၃

(Facebook  စာမျက်နှာမှ ကူးယူဖော်ပြသည်)