အယ်ဒီတာအကြိုက်ကဗျာကဏ္ဍ၊ ဟန်လင်း

ရန်ကုန်

မီးပွိုင့်မှာ
ခုံးကျော်တံတား ဆောက်နေကြတယ်

မီးပွိုင့်မိနေလို့
စက်နှိုးလျက်ရပ်ထားတဲ့ကားတွေ ကြားကနေ
အဖြူအစိမ်းဝတ် အလယ်တန်းအရွယ် ကျောင်းသားလေးတွေ
လမ်းဖြတ်ကူးနေကြတယ်

သူတို့အရွယ်လောက်တုန်းက
ကျွန်တော်တို့ပြောဖူးကြတဲ့စကား
နားထဲသွားကြားယောင်မိတယ်

ပြင်သစ်တော်လှန်ရေးကျက်ရမှာလား ဆရာမ
ပြင်သစ်တော်လှန်ရေးကျက်ရမှာလား ဆရာမ

မီး စိမ်းသွားတယ်

မီးပွိုင့်နားက လက်ဖက်ရည်ဆိုင်ကနေ
ကျွန်တော်တို့ထိုင်ကြည့်နေကြတယ်

ဟံလင်း
၂၊၃၊၂၀၁၃

(Facebook  စာမျက်နှာမှ ကူးယူဖော်ပြသည်)

1 comment:

  1. crony တော်လှန်ရေးကို အရင်ကျက်ဖို့ စာရင်းလုပ်ပရစေ ...

    ReplyDelete