ဒုက္ခနဲ့တည့်တည့်က နတ်သား

ဆုတောင်းခန်းအတွင်း
အမြစ်တွေ တန်းလန်းကျ

ဒုက္ခက နောက်ပြန်ဆုတ်ဖို့ရာ
နတ်တို့မှာ
ဘ၀တစ်ခုမရှိခဲ့။

ခြေရာတွေခြောက်ကမ်းပါးဖြစ်၊
သေခြင်းကိုရှူရှိုက်တဲ့
နံရံပေါ်
င့ါဘယ်သူရေးဆွဲသလဲ

သံသရာသည် အတွေ့ထူးစွ။ ။

မောင်သိန်းဇော်
(နှင်းရည်စက်လက် + ရှုမျှော်ခင်း ၂၁) ကဗျာစာအုပ်မှ

ပရူးဖရော့က်ရဲ့ အချစ်သီချင်းကိုမှီး၍

ကျွန်တော် ပါးစပ်ဖျားတင် မေ့နေတယ်
ဟိုလူရဲ့နာမည်။
ထူထဲတဲ့ စကြ၀ဠာမှာ ခါးထောက်
သူဟာ အလုပ်များခဲ့တယ်
မဖြစ်နိုင်တဲ့အလုပ်ကို
ကျွန်တော့်လို တစ်သက်လုံးလုပ်ခဲ့တယ်။
‘ခါးထောက်မထားရင်
လက်ကို ဘယ်မှာထားရမလဲကွ’ လို့ ..
ကျွန်တော့်ကို ဂွ တိုက်ပြောတယ်။
သူကိုယ်တိုင်ပင်လျင် အဲသလိုပဲ သဘောရပါတယ်
ဒါပေမယ့် သူ အဲဒါကိုပဲ ပြောချင်တယ်။
ကျွန်တော် ပါးစပ်ဖျားတင် မေ့နေတယ်
ဟိုလူရဲ့ နာမည်။

သူ့အသက် ထက်ဝက်ကျော်လောက်မှာ
မိန်းမ ကောက်ယူတယ်။
ကောင်မလေးက သနားစရာပါ။
ထမင်းစား ကျွန်ခံပဲ။
ကိုယ့်လူက ပါရမီရင့်သန်သူ မဟုတ်မှန်း သူ့ဖာသူ သိလျက်နဲ့
ပါရမီဖြည့်ဖက်လေး ဘာလေးနဲ့
ရူးဆေး ကျွေးထားတယ်။
ကောင်မလေးက ယုံဟန်ရှိတယ်။
အဆင်တော့ ပြေနေတာပဲလေ။
ကောင်မလေးက သနားစရာပါ။
ကျွန်တော် ပါးစပ်ဖျားတင် မေ့နေတယ်
ဟိုလူရဲ့ နာမည်။

ဒါနဲ့ သားသမီး နှစ်ယောက်ပွားတော့
အမည်လှလှ အဘိဓမ္မာဆန်ဆန်မှည့်တယ်
အဲဒါတော့
သူ ကျေပွန်ပါတယ်။
လူ့ဘ၀ ဆိုတာဟာ
နှာစေးချောင်းဆိုး ဖြစ်တတ်တယ်
ဗိုက်နာတတ်တယ်
ခေါင်းကိုက်တတ်တယ်
လူရယ်စရာ ဖြစ်တတ်တယ်
နေရင်းထိုင်ရင်း ဆင်းရဲတတ်တယ်
အဲဒါလဲ သူ ပြည့်စုံခဲ့ပါတယ်။
ကျွန်တော် ပါးစပ်ဖျားတင်မေ့နေတယ်
ဟိုလူရဲ့ နာမည်။

သူဟာ ကြယ်ပွင့်တစ်ပွင့်ဖြစ်တယ်
ကောင်းကင်မှာ ကြယ်တွေ ရေတွက်မကုန်အောင်ရှိတယ်မဟုတ်လား။
ဘယ်လောက် အသုံးမကျတဲ့ကောင်ပဲဖြစ်ဖြစ်
ကြယ်ပွင့် တစ်ပွင့်တော့ဖြစ်နိုင်တာပဲ။
သူဟာ ကြယ်ပွင့်တစ်ပွင့်ဖြစ်တယ်။
ကျွန်တော် ပါးစပ်ဖျားတင်မေ့နေတယ်
ဟိုလူရဲ့ နာမည်။

ခုတော့ နှစ်တွေ ကြာပေ့ါ
သူ ဘာလုပ်ကိုင်စားသောက်အသက်ရှင်နေထိုင်တယ် မသိဘူး
သူရှိသေးတယ် ကြားတယ်။
ဒီလိုပဲ၊ ခလုတ်တိုက်ရင်း
ကြောက်လာရင် ဘုရားတရားကို သတိရရင်း
နေမှာပေ့ါ။
ကျွန်တော်တွေ့ချင်ပါတယ်
ရှိရင် သူဟာ ကျွန်တော့်အသက်အရွယ်လောက်ပါပဲ။
သမ္မတ ‘ဂျော့ဒဗလျူဘွတ်ရ’ှ် ‘ နဲ့ ရွယ်တူပဲ။
သူဟာ ထူးဆန်းစွာ
အသက်မွေးဝမ်းကျောင်းပညာ တစိမှ မတတ်ဘူး
ဘယ်လို ရေကူးလဲ မသိဘူး
ဒုက္ခပဲ။
ကျွန်တော်တွေ့ချင်ပါတယ်။
ကျွန်တော် ပါးစပ်ဖျားတင်မေ့နေတယ်
ဟိုလူရဲ့ နာမည်။ ။

အောင်ချိမ့်
(ကဗျာ ၁၂ ပုဒ် အမှတ် ၃ မှ ကူးယူဖော်ပြသည်)

ကဗျာ့ပရိယာယ်

အထောက်အထားခိုင်လုံမှ
သက်သေခံပစ္စည်းတင်ပြနိုင်မှဆိုလို့
ကျွန်တော်မြေကြီးကို တူးဆွကြည့်တာပါ
ဒီနေရာမှာ ဘာတွေထွက်လာတယ်တို့
ညာတွေထွက်လာတယ်တို့
စာရင်းပြုစုပြတော့မှာပဲလို့
ကျွန်တော်ကိုလျှော့မတွက်လိုက်ပါနဲ့
ဘာမှထွက်မလာပါ
ယုတ်စွအဆုံးတီကောင်လေးတောင်ထွက်မလာပါ
ကျွန်တော်ကိုယ်တိုင်ကလည်း
ဘာမှထွက်မလာစေချင်တာလည်းပါတာပေါ့လေ
ဝေဖန်ရေးဆရာတွေပြောသလို
ဗဟိုချက်မဲ့တာတို့
အဓိပ္ပယ်တွေေ၀၀ါးနေတာတို့ဘာတို့လည်း
မဟုတ်ပါ
ပျောက်ဆုံးသွားတဲ့တစ်စုံတစ်ရာကို
လိုက်ရှာနေတယ်ဆိုရအောင်ကလည်း
ကျွန်တော့်မှာ ဘာမှပိုင်ဆိုင်ခြင်းမရှိတော့
ဘာမှပျောက်ဆုံးခြင်းလည်းမရှိပါ
ပိုက်ဆံကျမပျောက်ဘဲ
ပိုက်ဆံလိုချင်လို့
ပိုက်ဆံလာရှာနေတဲ့ကလေးလို
ကျွန်တော့်ကိုယ်ကျွန်တော်လူအရယ်မခံနိုင်ပါ
ဒါဆိုမင်းက ဘာကိုဆိုလိုချင်တာလဲမေးရင်
ကျွန်တော်က ဘာကိုမှ မဆိုလိုချင်ပါဘူးခင်ဗျာလို့ဘဲ
ရိုသေလေးစားစွာပြန်ဖြေမှာပါ
ကျွန်တော်ကတော့
ဘာကိုမှ မဆိုလိုချင်တာသေချာပါတယ်
ကျွန်တော်ဘာကိုမှမဆိုလိုချင်တာကို
အနှောက်အယှက်ဖြစ်ရင်ခွင့်လွှတ်ပါ
ကျွန်တော့်အတွက်တော့ဒါဟာ
နှစ်ပေါင်းများစွာ ဘာတစ်ခုမှမဆိုလိုခဲ့ခြင်းရဲ့ အရသာပါပဲ
အထောက်အထားတို့
သက်သေခံပစ္စည်းတို့
မြေကြီးကိုတူးဆွကြည့်တို့ဆိုတာကလည်း
ဖတ်သူကိုလမ်းကြောင်းချော်ထွက်သွားအောင်
တမင်ချန်ထားခဲ့တဲ့ သဲလွန်စတွေပေါ့
အဆက်ဖြတ်ပစ်လိုက်တဲ့ နည်းစနစ်ပေါ့
ကျွန်တော်သပ်သပ်ရပ်ရပ်ကျူးလွန်ခဲ့တဲ့မှုခင်းတစ်ခုပေါ့
စဖတ်ပြီးဆိုကတည်းက
ကျွန်တော်ထောင်ချောက်ကိုနင်းလိုက်မိတာပါပဲ
အရေးယူလို့လည်းရပါတယ်
အရေးမယူလို့လည်းရပါတယ်။ ။

ကြည်ဇော်အေး
ဟန်သစ်မဂ္ဂဇင်း၊ ဇူလိုင် ၂၀၀၇
(ပထ၀ီအနေအထားကဗျာစာအုပ်)