အိမ်စောင့်



ညက သေမင်းက တံခါးလာခေါက်တယ်
သူမှန်းသိလို့ တံခါးဖွင့်ပေးလိုက်တော့ သူ တင်မဟုတ်
တစ်အုပ်လုံးခေါ်လာတယ် တစ်အုပ်လဲပါလာတယ်
အသစ်လေးတွေလေ တဲ့
အသစ်တွေ ဟာ အတွေ့တွေသစ်လို့ ဟောင်းဖို့ကိုမေ့နေကြပုံ
ရေခဲသေတ္တာကို ဖွင့်လိုက်တယ်( ရေခဲပဲ ရှိတဲ့ )
ဘာရှိရဦးမှာလဲ သူ့ပုံစံက မပျော်တာကလွဲရင် ရေခဲ ဆန်ဆန်ပါပဲ
သူက အချက်ပြလိုက်တော့ တစ်အုပ်လုံးဟာ သူ့ထက်သူ ကိုယ့်ထက်ကိုယ် ကုန်ကြတယ်
သူ ပြုံးရင်းကြည့်နေတယ် မကြာပါဘူး အကုန် ကုန်သွားတယ်
ငါမှာထားတဲ့ charm တွေ ရပြီလား ထုံးစံသံနဲ့
ရှာထားသလောက် ပေးဖြစ်လိုက်တယ် ရှိတာအကုန် တော့ ဟုတ်လို့မရ
ဒါကိုလဲ သူသိပါတယ်
အကန့် နဲ့ အသတ် ရှိမှ စည်းသေ ကမ်းသေ ရှိမှာ
ယူစရာ ရှိတာကိုယူပြီး ပြန်ဖို့ ပြင်ဆင်တယ် သူ
တစ်ခုခု ပြောဖို့ ဟန်ပြင်တယ် ပြီး သူပြန်မြိုချလိုက်တယ်
သိပါတယ်
သူ့ အလှည့်ကို မေးဦးမလို့ပဲနေမှာ
ဒီကောင် တံခါးကို ပြန် ပိတ်မသွားဘူး
သူပါလာတဲ့ တစ်အုပ်ဟာ ပွင့် လို့



သကောင့်သား

(FB စာမျက်နှာမှ ကူးယူဖော်ပြသည်)

No comments:

Post a Comment