အခုချိန်မှာ ခင်ဗျား တစ်ခုခုမလုပ်ရင် ဘယ်တော့မှ မကျွတ်မလွတ်

ဘယ်တော့မှ ပြန်တွေ့ရတော့မှာ မဟုတ်ဘူး အသက်အန္တရာယ်နဲ့နီးနီးလေးမှာ 
ရှင်သန်မှုကို

ဘယ်လိုကဲ့ယူနေလဲ လူတစ်ယောက်ဟာ ဘ၀မှာ တစ်ခါတော့
သစ္စာဖောက်ခဲ့ဖူးမှာပဲ ခေါင်းကို


ဖောက်ပြီးသားစုဗူးခွံတစ်လုံးလို တဒေါက်ဒေါက် ခေါက်ချ 
အရာအားလုံးရဲ့ဆက်သွယ်မှုဧရိယာ

ပြင်ပ အသံတွေက အသားစိုင်ကို ကိုက်ခဲတယ် တိတ်ဆိတ်မှုက ရိုးတွင်းခြင်ဆီထိ 
စိုက်ဝင်နေတယ်

တစ်ယောက်တည်းအဖြစ်က သူ့ကိုယ်သူ တစ်စစီစုပုံ ဓာတ်ဆီလောင်းပြီး စောင့်နေ 
အင်္ဂါဂြိုဟ်သူ

တစ်ယောက်ဆီ 
စိတ်နဲ့မီးကူးထားတဲ့အလင်းထဲက ညှော်နံ့ထွက်နေတဲ့ခြေထောက်တွေ 
လွင့်ပျံလာတယ်

အရေပြားပေါ် လောင်နေတဲ့တဖျစ်ဖျစ်မြည်သံလား နားတစ်ဆုံးရိုက်သွင်းခံလိုက်ရတဲ
အပင်းဆို့မှုလား

နင်နေတာကို နင်းထုတ်ပေးသွားတာ နင့်ခနဲ မျက်စိကွယ်ရာ နားကွယ်ရာ ဘ၀ခြားခဲ့ 
(၄၃)က မြန်လွန်း

တယ် ကိုယ်က (၁၀၂)ပဲ 
ဆွဲဆန့်ခံရတဲ့မြောက်ဥက္ကလာပညတွေ ထောင်းခနဲ ပြတ်ထွက် မျက်လုံးကို

အငြိုးတကြီး ထိုးဖောက်သွားတဲ့ကြိုးစတွေ သံယောဇဉ် ပင်လယ်က ငါးဆီ 
ကူးခတ်နေတာ ရေဆုံးရေဖျား

ညဥ့်နက်သန်းခေါင် ဘတ်စ်ကားစီးရင်း လမ်းလျှောက်ရင်း 
ဘယ်ကိုသွားနေသလဲမေ့ဖူးလား မြွေကိုက်စွန်

ကုတ်ရေနစ်အဓိပ္ပာယ်နဲ့ ခပ်ဆင်ဆင်လောက်နီးပါး တွင်းဆုံးကျဖူးလား အသိဥာဏ် 
အ,သွားလောက်အောင်

ပါးစပ်ဟောင်းလောင်း ဟပြီး မှင်သက်မိခဲ့ အဖြစ်အပျက်တွေ ဖြစ်ပျက်ခဲ့တာ 
အဆံချောင်နေပြီ ဟာသဇာတ်

ကားတွေ ကြည့်ရင် မရယ်ဘူးဆို ဖုန်းကို မြင်ရင် တစ်ကိုယ်လုံး 
တုန်တုန်သွားတယ်ဆို အသေးအဖွဲလေးတွေကို

ဒေါသတကြီး မတုန့်ပြန်နဲ့ ကမ္ဘာကြီးက 
ကျဉ်းလွန်းပါတယ်(တစ်ချို့က ပြောလည်းကွယ်) စိတ်နဲ့ဝေဒနာဟာ

သဟဇာတတရားတွေဖြစ်နေလို့ စိတ်ဖြစ်တိုင်း ဝေဒနာဖြစ်နေမှာပဲ ဝေဒနာကနေ 
ငါကို ခြစ်ယူလို့မရဘူး(ဖြစ်နေ)

နာကျင်တဲ့အခါ မအော်မိအောင် နှုတ်ခမ်းကို သံဆူးကြိုးနဲ့ဖောက်ချုပ်ထားတယ် 
နားရွက်တွေကို တိခနဲ ကိုက်ဖြတ်

လျှာပေါ်တင်ငုံထားတယ် နားထင်ကို ဘလိတ်ဓားနဲ့ဖြဲပြီး 
ထိုးသိပ်လိုက်သမျှ သေခန်းဖြတ်မယ့်စကားလုံးတွေ

ဖျားနေတဲ့လူကို အငွေ့မသေအောင် တစ်ယောက်တည်း လောင်ခိုင်းထားခဲ့တယ် 
လိုအပ်နေတဲ့အနွေးဓာတ်ကို

ရဖို့ လူဟာ စောင်တစ်ထည် ဖြစ်နိုင်ရက်သားနဲ့ကွာ ကြေကွဲလွန်းလို့သာ 
ထထွက်လာခဲ့တာ ဘယ်ကိုသွားရမယ်ဆိုတာ

ငါ မသိဘူး လက်တစ်ဖက်ရရင် လက်တစ်ဖက် စကားတစ်ခွန်းရရင် စကားတစ်ခွန်း 
အရိုးမြေချပေးနိုင်တယ်

ကိုသျှား
(Face Book - Meet the Poetry စာမျက်နှာမှ ကူးယူဖော်ပြသည်)

1 comment:

  1. အသားစိုင်ကို ကိုက်ခဲ ရိုးတွင်းခြင်ဆီထိ စိုက်ဝင်
    နင်နေတာကို နင်းထုတ်ပေးသွား စိတ်ဖြစ်တိုင်း ဝေဒနာဖြစ်နေ
    စိတ်ဝေဒနာတွေနဲ့ လူ တစ်ယောက်တည်း လောင်ခိုင်း
    တွင်းဆုံးကျအသိဥာဏ်မှာ အား နာ ခဲ့ ...

    ReplyDelete