မေးခွန်းများသို့




ကျွန်တော် ထုတ်လွှင့်နေသည်မှာ
ခေတ်ပေါ်အနုပညာ မဟုတ်
ခေတ်ပေါ်ကဗျာ မဟုတ်၊ ကဗျာ မဟုတ်
ဝတ္ထု မဟုတ်၊ စကားပြေ မဟုတ်
ဘာမှ မဟုတ်။

ဘာမှမဟုတ်, ဟုတ်လား
ဘာမှ မဟုတ်ဘူးလား။

မပြည့်စုံဘူး။
အပြည့်အစုံက
ဘာမှမဟုတ်ကို ရွှေဖြစ် အဂ္ဂိရတ်ထိုးတာ။

ဒါဖြစ်ရင်။
နို့
လှုပ်လှုပ် လှုပ်လှုပ် လှုပ်လှုပ် လှုပ်လှုပ် လှုပ်လှုပ်
လုပ်ပြီးရင်း လုပ်
လုပ်ပြီးရင်း လုပ်
ခင်ဗျား အလုပ်လုပ်နေတာ
ကျွန်တော်တို့ မျက်မှောက်မှာ
စာကြောင်းတွေစီ
စာကြောင်းတွေသီ။

အဲဒါ
အေး။
ငါလုပ်တာ လိုက်မလုပ်နဲ့
မင်းလုပ်ချင်တာ မင်းလုပ်။   

အောင်ချိမ့်

အယ်ဒီတာ မှတ်ချက်

အထက်ပါ ကဗျာကို ဇေယျာလင်း၏ ကဗျာဗိသုကာဂျင်နီယာ အောင်ချိမ့်’
ဆောင်းပါး (ရုပ်ရှင်တေးကဗျာ-၂၀၀၈ ဇူလိုင်လထုတ်)မှ ကူးယူဖော်ပြပါသည်။
ကဗျာလေ့လာချက်သဘောအရ သင်္ကေတဖြင့် လိုင်းစီထားသောကဗျာကို
လိုင်းပြန်ဖြည်၍ တဆင့် ကူးယူဖော်ပြရခြင်း ဖြစ်ပါသည်။ မူရင်းကဗျာမှာ
ပိတောက်ပွင့်သစ် ၂၀၀၈ ဧပြီဟု ရည်ညွှန်းဖော်ပြထားပါသည်။


No comments:

Post a Comment