ပေးစာ

ချ ရေးလိုက်တယ်
အနှစ်နှစ်အလလ အောင်းထားတဲ့ ဝိုင်စည်တွေ
ဆောင်းညပွဲတော်မှာ အကုန် အရည်ဖျော်ချလိုက်သလို
ပျော်ပျော်ရွှင်ရွှင်ကြီး ရေးသားလိုက်တာပါ
ပေးစာဟာ အကြောင်းအရာစုံတယ်
ဂက်စ်မီးခြစ်ဟောင်းတစ်လုံး ကိုင်းကျိုးနေတဲ့ထီးတစ်လက်
ကြွက်တစ်ကောင်ရဲ့ အမြီးပြတ် ဝက်ရုပ်စုဘူးကွဲတစ်လုံး
ရည်းစားစာအဟောင်းအမြင်းတချို့ မီးကျွမ်းနေတဲ့ကျမ်းစာ
ဘောလ်ပင်တစ်ချောင်း(မင်ကုန်နေတယ်) အခန်းကျဉ်းကျဉ်းတစ်ခန်း
ခရီးဆောင်အိတ်တစ်လုံး ကုလားအုပ်တစ်ကောင်
ပြီးတော့ ... တသက်လုံးနေရာလွဲခဲ့တဲ့
မျှော်လင့်ချက်တွေ မျှော်လင့်ချက်တွေ အင်း.. မျှော်လင့်ချက်တွေ
ကျွန်မရဲ့ ပေးစာထဲမှာ သတိရကြောင်း သာကြောင်းမာကြောင်း ထည့်မရေးခဲ့ပါဘူး
သတိရခြင်းဆိုတာ လူတွေဖန်တီးထားတဲ့ ထင်ယောင်ထင်မှာရောဂါတစ်မျိုးပါ
ကားတစ်စီးကို ဘယ်လိုစက်နှိုးရမလဲ ကျွန်မ မသိခဲ့ဘူး
ချွဲကျပ်နေတဲ့ ကြောင်တစ်ကောင်ကို ကျွန်မ မချစ်တတ်ခဲ့ဘူး
လမ်းဘေးက တောင်းရမ်းသူတွေကို ငဲ့မကြည့်ပဲ ကျော်ဖြတ်ခဲ့တယ်
ကျွန်မရဲ့ ပေးစာမှာ ဒါတွေအကုန်ပါသွားခဲ့ပြီ
ကျွန်မရဲ့ လောင်စာ အကြွင်းအကျန်ကို အကုန်ထည့်ရှို့ပေးလိုက်တာပါ
လိပ်စာပျောက်နေတဲ့ ပေးစာဟာ
ပုလင်းတစ်လုံးထဲမှာ သမုဒ္ဒရာအတိုင်း သူ့ဘာသာ မျောပါသွားလိမ့်မယ်။

ပန်ဒိုရာ
၂၅.၅.၂၀၁၁

1 comment:

  1. Hi!Great and interesting blog you have:) Come and visit my site too. http://ads.com.mm/?cid=4fd60e65e4b0fa6db841e338&utm_campaign=ads_mm_lb_blog_martaste&utm_source=ads_lb_blog&utm_medium=lb_blog

    ReplyDelete