ဟဲလို ပေါ(လ်)



ငါမွေးတော့ မင်းဆယ့်တစ်နှစ်ရှိနေပြီပေါ(လ်)
ဟဲလို ပေါ(လ်)
“ဘယ်သူရော သိမှာလဲဗျာ။ အသက်လေးဆယ်ဆိုရင်
သီချင်းတွေ ဘယ်လိုဆက်ရေးရမှန်းမသိတဲ့အဖြစ်ကို
ကျွန်တော်တို့ ရောက်ချင်ရောက်နေမှာပေ့ါ”
မင်း နှစ်ဆယ့်တစ်နှစ်မှာ ပြောခဲ့တဲ့စကား
မင်း အခု ခြောက်ဆယ့်လေး
ဟဲလို ပေါ(လ်)
“ကျွန်တော့်သီချင်း Let It Be ဟာ
နေရာ အတော်များများမှာ
ဘာသာရေး သီချင်းအနေနဲ့ သဘောထားခံရတယ်ဆိုပဲဗျ”
ငါတို့တွေ မင်းတို့ ဆံပင်ပုံစံမျိုး ထားကြတယ်။
မင်းတို့ သီးချင်းတွေကိုကြိုက်၊ လိုက်ဆိုတယ်
မင်းလက်ကို ကိုင်ထားချင်လှတယ် ခုထိ အလွတ်ရတယ်
RD က မေးတဲ့ မေးခွန်းတစ်ခု
(မိုးတွေ များလွန်းတယ် သီချင်းကို ရှင်ရေးတုန်းက
ဘာကိုတွေးပြီး ရေးထားတာပါလဲ။ အဲဒီ အထဲမှာ
ရှင်ပြောထားတာက “အဲဒါ မမှန်ဘူး။ ဘ၀တစ်ခုထဲမှာ
မိုးများလွန်းတာ အဲဒါ မမှန်ဘူး” လို့လေ)
မိုးတွေများလွန်းတာ မမှန်ဘူးလား ပေါ(လ်)
ကြွားကောင်းတုန်းတော့ ရွာမှာပေါ့ ပေါ(လ်)
ခွေးတွေ ကြောင်တွေ ရွာချလို့လား ပေါ(လ်)
“ပြီးတော့ ကျွန်တော်က လစ်ဗာပူး(လ်) က ယောက်ျား
တစ်ယောက်လေဗျာ၊ ကျွန်တော်တို့ မငိုကြဘူးဗျ
ကျွန်တော်တို့က သိပ်ကြမ်းတမ်းကြတာ။
ကျွန်တော်တို့ ယောက်ျားတွေက ဒီလို ငိုစရာအကြောင်းတွေ
မပြောကြဘူး
ရင်ထဲမှာပဲ သိမ်းထားကြတာ”
လစ်ဗာပူးလ် အသင်းက
ငါ့ အသည်းစွဲပဲ ပေါ(လ်)
ဂျွန်လင်နွန် အသတ်ခံရတော့
မင်း ငိုသေးလား ပေါ(လ်)
ဂျော့(ခ်ျ) ဟယ်ရစ်ဆင် ကင်ဆာဖြစ်နေတော့
မင်း ငိုသေးလား ပေါ(လ်)
အသက်ခြောက်ဆယ့်လေးနှစ်ပြည့်တော့
မင်း ငိုသေးလား ပေါ(လ်)
လင်ဒါဆုံးပြီး အနှစ်သုံးဆယ်
မင်း ငိုသေးလား ပေါ(လ်)
အခု ထပ်ဆိုစမ်းပါဦး ပေါ(လ်)
“မင်း ငါ့ကို လိုအပ်နေဦးမှာလား
ငါ့ အသက် ရှစ်ဆယ့်လေးနှစ်မှာ”

မောင်ပြည့်မင်း
ရုပ်ရှင်တေးကဗျာမဂ္ဂဇင်း မှ


No comments:

Post a Comment