အဆက်မပြတ်ညည်းချင်း

ပြောစမ်း
ငါဆက်စဉ်းစားတယ်
ခြေရာတွေထပ်နေတဲ့အကြောင်း
အသက်ကြီးလာတဲ့အကြောင်း
တစ်ခါတလေပြန်ဆုံတဲ့အကြောင်း

ဆက်ပြော
ဒီဇန်န၀ါရီကအစ
ဧပြီ ဂျွန် သြဂတ်စ် နိုဝင်ဘာ
ဘတ်စ်မှတ်တိုင်မှာမိုးခိုတုန်းကအကြောင်း
သဲတရှပ်ရှပ်အတောင်ပံတစ်စုံအကြောင်း
ခပ်နိမ့်နိမ့်ပျက်ကျခဲ့တဲ့အကြောင်း
သံရည်ကျိုစက်ထဲကအချိန်တွေလိုလေးလံပိကျ
သံမဏိလက်ရန်းတွေအနောက်မှာ
နောက်တစ်ခါဆံပင်ညှပ်ခဲ့
အရက်နည်းနည်းသောက်ခဲ့တဲ့အကြောင်း
မင်းကမှန်ပြီး ငါကမမှားတဲ့အကြောင်း

ဆက်ပြော
ညတစ်ည
ခြေလေးချောင်းနဲ့ဘူတာရုံတစ်ရုံအကြောင်း
အမောဖောက်လာတဲ့ရေနွေးငွေ့အကြောင်း
တိုးတက်တဲ့သဘာဝဓါတ်ငွေ့တွေအကြောင်း

မင်းနားမလည်ဘူးပြောပေမယ့်
ငါကဆက်ပြော
ငါ့ကိုယ်ငါတွေးတောအရေခွံခွာ
ငါ့ကိုယ်ငါအခါခပ်သိမ်း
ငါ့ကိုယ်ငါတော်ပါတော့ဆိုတဲ့အကြောင်း ။ ။

ဝင်းလွင်
ပိတောက်ပွင့်သစ်
April 2006

No comments:

Post a Comment