စိတ်အားငယ်ခြင်းနဲ့ ချစ်ခြင်းမေတ္တာတို့ရဲ့ အင်ဂျင်များ



မိုးကောင်းကင်ဟာ စိမ်းနေတယ်။ စိမ်းနေခြင်းရဲ့အဓိပ္ပါယ်ကို ကျွန်တော်တို့သိဖို့ ဘာစာအုပ်မှလည်း
မရှိဘူး။ မိုးရွာနေတာ ဘယ်တုန်းကမှ မတိတ်ခဲ့ဘူး။ ယောက်ျားသုံးယောက်ရှိတာ၊ လေးယောက်
စကားပြောနေကြတယ်။ မိန်းမ တယောက်ဟာ လျှာအောက်မှာ တီကောင်တွေရဲ့ ဓါတ်ပုံတစ်ပုံ
သယ်ဆောင်ထားတယ်။ ကျွန်တော့်အလှည့်မရောက်သေးပဲ ကျွန်တော်ဝင်ပြောမိပြန်ပြီ။ အချိုး
အစားတွေဟာ ကိုးလိုးကန့်လန့်၊ အသေးစိတ် အချက်အလက်တွေ ကြမ်းတမ်း။ မိုးကောင်းကင်ဟာ
စိမ်းနေတယ်။ ကျွန်တော်တို့ သားသမီးတွေရဲ့ အမည်နာမတွေ သိရဖို့ ဘာစာအုပ်မှလဲ မရှိဘူး။
အရုပ်တစ်ရုပ်ကို ပွေ့ပိုက်ထားတဲ့ ယောက်ျားအလောင်းတစ်လောင်း ကို ခင်ဗျား သတိပြုမိလား။
သူမ အဲသလောက် အော်ရတာ ဘာကြောင့်ဆိုတာ ခင်ဗျား စဉ်းစားကြည့်ဖူးလား။ ပြီးတော့ ဘာ
ဖြစ်လို့၊ ဥပမာပေါ့နော်၊ ရုပ်တုတွေရဲ့ ဦးခေါင်းတွေကို ဖယ်ရှားပြီး ဆေးရုံအောက်က မြေတိုက်ခန်းထဲ
သိမ်းလိုက်သလဲ။ မိုးကောင်းကင်ဟာ စိမ်းနေတယ်။ ကျွန်တော်တို့ကိုလမ်းကြောင်းပြဖို့ ဘာစာအုပ်မှ
မရှိဘူး။ တစ်ပတ်တစ်ကြိမ် ပုံမှန်ပါပဲ။ သူ့ကားသူ ဘယ်မှာ ပါကင်ထိုးခဲ့မှန်း မသိတော့လို့
သူ့တိုက်ခန်းဆီသူ ပြန်ပြန်သွားရတယ်။ မီးဖိုချောင်စားပွဲပေါ်မှာ လိုက်နာရမယ့် လမ်းညွှန်ချက်တစ်စုံ
တင်ထားတယ်။ သူ့ရဲ့ အသက်ရှူကိရိယာဟာ မဖွံ့ဖြိုးတဲ့အတွက် ပလာဇာပေါ်ဝဲနေတဲ့ အင်္ဂတေနု
မိုးတိမ်နံရံဘေးမှာပဲ ကပ်မောင်းနှင်ဖို့ ချုပ်ချယ်ကန့်သတ်ခံထားရတယ်။ မိုးကောင်းကင် ဟာ
အစိမ်းရောင်စွက် မီးခိုး။ တစ်ယောက်ယောက်က ခင်ဗျားဆီ အခိုင်အမာလာပြောတယ်။ သူဟာ
ခင်ဗျားရဲ့ သူငယ်ချင်းပါတဲ့။


ဂျော်န် ယောဝ်
John Yau ‘ Engines of Gloom and Affection ’
Translated by Zayyar Linn

ကိုယ့်ကဗျာ ကိုယ်ဖျက်

ကိုယ့်ကဗျာကိုယ်မဖျက်လို့ ဘယ်သူလာဖျက်မလဲ
ခုဟာက ဖျက်မပစ်လို့ မရတဲ့ကိစ္စဆိုတော့
ကိုယ့်အားကိုယ်ကိုး ဖျက်ပစ်ရမှာပေါ့
ကဗျာဆိုတာ ရေးပြီးဖျက်ပစ်ရတယ်လို့ သိတာမကြာသေးဘူး
ကဗျာဆိုတာ ရေးပြီးဖျက်ပစ်ရတဲ့ အမျိုးအစား
ကိုယ့်ကဗျာကိုယ်မှ ဖျက်မပစ်နိုင်ရင်
ကိုယ့်ကဗျာဟာ ဘယ်မှမရောက်တော့တဲ့ခေတ်ရောက်ပြီ
ကိုယ့်ကဗျာ ကိုယ်မဖျက်နိုင်ရင်
သူများတွေ ဖျက်တာ ခံရလိမ့်မယ်
သူများဖျက်တာ မခံချင်ရင် ကိုယ့်ဖာသာကိုယ်ဖျက်ပေါ့
သံချေးမတက်ခင် ဖျက်ပေါ့
လူတွေ ဘဝကူးကောင်းဖို့ လိုသလို
ကဗျာတွေလည်း ဘဝကူးကောင်းဖို့ လိုတာပေါ့
ရေးပြီးသားအရုပ် ပြန်ဖျက်သလို ဖျက်ပေါ့
ဆောက်ပြီးသားအသိုက်ကို ပြန်ဖျက်သလို ဖျက်ပေါ့
ဖျက်ပြီးရင် ကိုယ့်ကဗျာကိုယ် ပြန်ဖျက်ရတာ
အပြုသဘောဆောင်တဲ့ လုပ်ရပ်ပဲလို့
တစ်နေ့ အရသာရှိရှိတွေးခေါ်လာနိုင်လိမ့်မယ်
ကဗျာဆိုတာ ဖျက်မပစ်ရင် ကျန်ခဲ့မှာပဲ
မကျန်ခဲ့ချင်ရင် ဖျက်သာဖျက်ပစ်လိုက်
ကျန်ခဲ့ချင်ရင်တော့ မဖျက်နဲ့ပေါ့
ကိုယ့်သဘောနဲ့ကိုယ် ရှိပလေ့စေပေါ့
ဖျက်ချင်ရင် ဖျက်သင်္ဘော တစ်စင်းလို
ကိုယ့်ဖာသာကိုယ်ဖျက်ပေါ့

သဘောပေါက်လား
ကိုယ့်ကဗျာကိုယ်
အမဲဖျက်သလို သဘောထားပြီး ဖျက်ပစ်လိုက်
ကိုယ့်ကဗျာကိုယ် မတရားရခဲ့တဲ့ကိုယ်ဝန်လိုသဘောထားပြီး
ဖျက်ပစ်လိုက်

ရေးရတာလွယ်ပါတယ်
ဖျက်ရတာ ခက်ပါတယ်။ ။

ကြည်ဇော်အေး

ဟန်သစ်မဂ္ဂဇင်း၊ ဇွန်လ၊ ၂၀၀၇

အဲဒီ အဖြစ်အပျက်များ


ကိုယ့်မျက်နှာကို
လူမြင်မှာစိုးတာနဲ့
ရေချိုးခန်းထဲ ဝင်ငိုခဲ့
ရှိုက်ကြီးတငင်။

ငိုသံကို အပြင်လူကြားမှာ စိုးတာနဲ့
ရေပိုက်ခေါင်းကို ကိုယ်ဖွင့်ခဲ့။

ပါးပြင်မှာ ပူနွေးနွေး
ရေသံမှာ တစ်စက်ကလေးမှ ခံစားချက်မရှိဘူး။

လူဖြစ်လျက်နဲ့လုံးလုံး
အဆုံးအရှုံးကြီးခဲ့ပါတယ် ဘဝရယ်
ကိုယ်မမြင်ရတဲ့ တောင်စွယ်မှာ
နှင်းတွေ ဝေတုန်းမို့လား။       ။

မိုဃ်းဇော်

ဥဒါန်း

ဒုက္ခတွေက ကိုယ့်အပေါ်
မိုးသီးကျသလို ကျတယ်။

ရေထုနဲ့
လေထုနဲ့
မြေထုအပေါ်တော့
မြူတစ်မှုန်တောင် မကျအောင်
အရာရာ ကိုယ်မျိုချခဲ့ရ
တစ်ဘဝလုံး ရုန်းပြီးမှ
တစ်လက္မပဲရွေ့လည်း ဘာအရေးလဲ
မိုးထဲရေထဲမှာ ကိုယ့်သွေးသားတွေက ဆူပွက်မြဲ
အဝေးက ချစ်သူရေ
မင်းရယ်သံက ကိုယ့်ရင်မှာ နေခြည်ဖြာတောက်ပမြဲ ။ ။

ဝေးခေါင်
ရနံ့သစ်၊ ၁၉၉၉

ကဗျာဆရာ

မိုးထဲ လေထဲ
ကိုယ့်အသက်ကို ပွေ့ပြီး
ကဗျာရေးသူ ဆွေးမြေ့ဘွယ် နှင်းမြူတွေနဲ့လုံးထွေးလို့။

ဘဝ၌ ရွတ်ဆိုခဲ့သမျှ မမေ့နိုင်
ဘဝ၌ မရွတ်ဆိုခဲ့ပေမယ့် ကြားနိုင်။

သေခြင်းတရားဆိုတာ
ခဲရာခဲဆစ်မဟုတ်ပါဘူး
ကိုယ့်ဘက်က လိုက်လျောနိုင်ဖို့ပဲ လိုပါတယ်။ ။

မောင်သိန်းဇော်

မိုဃ်းဇော် စီစဉ်သည့် ခေတ်ပြိုင်ကဗျာအချို့ စာအုပ်မှ ကူးယူဖော်ပြသည်

ဘလော့ဂ် ကဗျာဆရာများရဲ့နှစ်သစ်ကူး ကဗျာပွဲတော် အစီအစဉ်

Burmese poetry foundation group အနေနဲ့ ကိုယ်တိုင် အွန်လိုင်း လောကထဲက ဘလော့ဂ် တစ်ခု ဖြစ်တာနဲ့ အညီ ဘလော့ဂ် ကဗျာဆရာများရဲ့ ကဗျာများ (ဒီနေရာမှာ ကိုယ်ပိုင်ဘလော့ဂ်နဲ့ ကဗျာ ရေးနေတဲ့ ကဗျာ ဆရာများကို အဓိက ထားပြီးတော့ ကိုယ်ပိုင်ဘလော့ဂ် မရှိပေမယ့် နီးစပ်ရာ ဘလော့ဂ်တွေမှာ ရေးသားနေတဲံ ကဗျာ ဆရာများ အပါအဝင်ကို ဆိုလိုပါတယ်) ကို အမှတ်တရ အစီအစဉ် တခု အဖြစ် စီစဉ်တင်ဆက်သွားပါမယ်။


မူလ ရည်ရွယ်ရင်း ကတော့ ကဗျာ ဆရာများရဲ့ ၂၀၁၀ အတွင်း ပိုစ့်တင်ထားသမျှ ကဗျာ အားလုံးကို စေ့စပ် သေချာစွာ ဖတ်ရှုပြီး ဘီပီအက်ဖ် လက်ရွေးစဉ် ဘလော့ဂ် ကဗျာများ အဖြစ် တင်ဆက်ဖို့ ဖြစ်ပေမယ့် ဘီပီအက်ဖ် အဖွဲ့သား အချို့ ခရီးလွန်နေလို့ ပါဝင်ဆောင်ရွက် နိုင်မှု မရှိတာကြောင့်ရယ် ရတဲံ အချိန်ကာလ တိုတောင်းလွန်းတာကြောင့်ရယ်၊ လက်လှမ်းမှီသရွေ့ ဖတ်ရှုမိသမျှ ထဲက ကောင်းနိုးရာရာ ကဗျာ များကိုသာ ဖော်ပြဖြစ်ကြောင်း ပြောကြားလိုပါတယ်၊ကဗျာ ဆရာများ ဘလော့ဂ် ပိုင်ရှင်များထံ ခွင့်ပြုချက် မတောင်းခံပဲ ဖော်ပြခြင်း ကိုလည်း နားလည် ခွင့်လွှတ်ကြဖို့ ကဗျာ ဆရာ အားလုံးကို ပန်ကြားပါတယ် တပြိုင်နက်ထဲ ကဗျာများ အားလုံး ပိုစ့် တင်လိုက်တာထက် တနေ့ ၂ ပုဒ် ၃ ပုဒ် စီ တင်ဆက်တာက ပိုကောင်းမယ်လို့ ယူဆတာကြောင့် အလျဉ်းသင့်သလို ကလောင်ဦးစားပေး အစီအစဉ် မဟုတ်ပဲ တင်ဆက်လိုက်ပါတယ်။


Burmesepoetryfoundation ကို ဝင်ရောက် အားပေး ဖတ်ရှုတဲ့ ကဗျာဖတ် သူများအားလုံး ကိုယ်၊စိတ် နှစ်ဖြာ ကျန်းမာ ချမ်းသာစွာဖြင့် နှစ်သစ်မှာ မိမိတို့ အလိုဆန္ဒများ ကိုယ်စီကိုယ်ငှ ပြည့်ဝ ကြပါစေကြောင်း ဆုမွန်ကောင်း တောင်းလိုက်ပါတယ်။

Burmese poetry foundation group

ဘလော့ဂ် ကဗျာဆရာများရဲ့နှစ်သစ်ကူး ကဗျာပွဲတော် အစီအစဉ် ၆ (ခင်အောင်အေး၊ ဇေယျာလင်း၊ သိုးထိန်း၊ လွန်းဆက်နိုးမြတ်)

ဘလော့ဂ်ကဗျာဆရာများရဲ့ နှစ်သစ်ကူးကဗျာပွဲတော် အစီအစဉ် ၆


၂၀၁၀၊ ဗမာကဗျာ အဆက်အပေါက်၊ ဗမာ ကဗျာဗေဒနဲ့ မသိကိန်းတခု

လ ရောင်နဲ့ နာနတ်ယို တခြမ်းစီ သုတ်ထားတဲ့ ပေါင်မုန့် ဟုတ်ကဲ့ အရေပြားနာ မူရင်းကြယ်တွေရဲ့ အရိပ်
အယောင်မျှ ဘဏ်လုပ်ငန်းဆိုတာ ဒီလိုမြန်ပြီး ဒီလိုလွယ်ကူရမယ် သိပ်ပြောချင်ဆိုချင်စိတ်တွေ ယိုဖိတ်နေတုန်း
ပန်းပွင့်ဖတ်နုနုလေးတွေ အနှေး ကြွေကျလာ (ဖတ်ပါ) အကူအညီ ပြူတင်းပေါက် စားပွဲ တန်ဆာပလာ နာရီလက်
တန် ပြောင်းပြန်လည်ရင်း ထီးများ ခမောက်များ ဘိန်းအစားထိုး ပန်းဂျုံ “ဟယ် ခရုတွေ” မီးရောင်ဟာ အဲဒီနောက်
ကို ထပ်ချပ်မကွာလိုက်ရင်း “ ဒီဟာ ကော်မရှင်နာ ချူအင်-လိုင်း ပါ” ဟု ဟစ်ကြွေးသံများ သီချင်းထဲမှာ စက္ကူစုပ်
တွေ လမ်းများထဲသို့ လေညှင်းကလေးများ သုတ်ဖြူးလာသည် ပြုံးပြကာ “ခွပ်ခွပ် ခွပ်ခွပ်နဲ့ သွားနေတုန်းပါပဲဗျာ” ဟု ပြောတတ်သည် လက်တွေ့မှာလည်း လက်တွေ့အောင် (လက်နဲ့မတွေ့သေးလည်း မတွေ့တွေ့အောင်)လုပ်
တတ်သည် ဟော ပြောရင်းဆိုရင်း ပြေးဝင်လာပြီ ရိုက်ကွင်းထဲ ဇာတ်ညွှန်းထဲမပါပဲ ဇာတ်လိုက်ဟာ ဒါဏ်ရာရ လဲ
ကျ ရွှေဘောင်သွင်း ရွှေအဆင်း ရွှေရုပ်ပုံလွှာ ကြိမ်းမောင်း ချိန်းခြောက်ခဲ့ဖူးသည် “ခင်ဗျား မြင်သားပဲလေ”
ပြောဆဲအခိုက် ဖုံးကဒ်မှာ လည်မှာဆွဲထားတဲ့လက်ဖွဲ့အဆောင်အယောင်မှာ ခုတ်ထစ်ရတော့တယ် ဓါးသွားဟာ တမဟုတ်ချင်း ရင်မှကျော ထုတ်ချင်းခတ်သွား အာလူးကြော် တဖတ်ဝါးရင်း ဟုတ်ကဲ့ပါခင်ဗျာ ဓါးသွားပေါ် အပိုး
မကျိုးတာလား အကျိုးမပေးတာလား အလိုလို ကြက်သီးတွေ ဘာတွေ ထ ပြီး လက်အုပ်ချီ ထိုင်ကန်တော့တာ
မင်း မုတ်ဆိတ်ငုတ်တိုကိုပဲ မင်းဂရုစိုက် သံသရာတလျှောက်လုံး အမှန်တကယ် အသုံးဝင်မယ့် တခုတည်းသော
အဲဒီ ‘သတိ’ တစ်လုံး မျက်မှန်အိတ်မှာ ရေးထားတဲ့ ဒီစာ inmind ကနုတ်ဖော်ထားတဲ့ ကျွန်းသား ပါတေးရှင်း နား
နှစ်ဖက်ကို အုပ်ကာ သို့တည်းမဟုတ် နားနှစ်ဖက်ကို ထောင်စွင့်ကာ ဖေ့စ်ဘွတ်ခ် ဖြောင့်စင်းသော ဆံပင်အုပ်လုံး
ပေါ် တပေါက်ချင်း ကျလာခဲ့ပုံ မွေးကင်းစ ကလေးလေး ကမ္ဘာကြီးကို အူငဲလို့ အာခေါင်ခြစ်အော်ငိုသံနဲ့နှုတ်ဆက်
လိုက်ပုံ ပျင်းစရာကောင်းလောက်အောင် ခံနိုင်ရည်ရှိပုံများလို့ သူရေးတတ်လေတယ် သူမို့ရေးတတ်ပလေတယ် “ဒါပေမယ့် ကန့်သတ်မှုကို/ကျွန်ပ်တို့ကာလည်း ကာကွယ်ချင်တယ်/ဘယ်လို ကာကွယ်ရမှန်းလည်း မသိဘူး”။ ။

ခင်အောင်အေး
၂၄၊ စက်တင်ဘာ၊ ၂၀၁၀ ဘန်ကောက် ၁၉း၅၇ နာရီ

ခင်အောင်အေးရဲ့ ကဗျာတွေကို ဒီလင့်ခ်တွေမှာ သွားရောက်ဖတ်ရှုနိုင်ပါတယ်
http://www.kaungkin.com/
http://www.linhtet.net/


* * *


အာကဒီ့ဇနီး ဇီနာ

ရုရှစကားမှာ oxota ဟာအမဲလိုက်ခြင်း
လင်းန်ဟက်ဂျီးနီးယန်နဲ့ အာကဒီတို့ လျှို့ဝှက်ထားတာ
ဇီနာသိသွားတယ် ဇီနာပဲပေးလိုက်တာ အဲဒီခေါင်းစဉ်
ဖန်နဲ့လုပ်ထားတဲ့မြားနတ်မောင် သဲထဲမျက်စိမြုပ်ခဲ့တာ
နေ့အလင်းဟာ ထင်ရတာထက်ပိုထူပိတ် ပိုသိပ်သည်း
စကားလုံးရဲ့ အနံ့ လေသံရဲ့ ခြေရာ အမူအယာလင့်စင်
နောက်ကျောတစ်ခုဟာ စွန်းထင်းနေတဲ့ အိပ်ယာခင်း
အဓိပ္ပါယ်တစ်ခုခု မိနေတဲ့ ကွန်ယက်
အဆက်အစပ်မဲ့ ဆက်စပ်ဝန်းကျင်လွင့်ညွှန်းတွေ
ဇီနာ၊ ငါသိတာကတော့ ဘယ်သူမဆိုဟာ မဲ ၃ မဲ
ကံစမ်းမဲ၊ ပလာမဲ နဲ့ ပယ်မဲ တစ်ခုခုပဲ
မနှုတ်ရသေးတဲ့ ဓါးစနဲ့ပဲ သွားလာလှုပ်ရှားနေတယ်
ဆာမူရိုင်းမဟုတ် မရီးန် အထူးတပ်ဖွဲ့ဝင်မဟုတ်
ခရမ်းရောင်နှလုံးဆုတံဆိပ်ရှင် အာဖဂန်စစ်ပြန်မဟုတ်
သာမန်လူတစ်ယောက်ပါပဲ ခိုင်းနှိုင်းစရာမလို၊ မရှိ
တစ်ချက်တစ်ချက်အောင့်တာကလွဲလို့ အသက်ရှူဝတယ်
အစားအသောက်အနေအထိုင်မပျက်ဘူး
အပြုံးတွေမှာ အချိုဓါတ်အတိုင်းအဆ ရှိတုန်းပဲ
နှုတ်လိုက်မှ သေမှာလို့ မှတ်ချက်ချတယ် လဝန်းက
ဇီနာ၊ အဲဒါကိုဘယ်မှာစိမ်၊ ဘယ်မှာ ပွတ်တိုက်သလဲ
လီနင်ဂရက်ဒ်မှာ စစ်တွေမပြီးသလို . . . ဒီလိုပါပဲ
ဂျွိုက်စ်လည်း အဲဒီမဲဇာပဲလေ
စောင်းနေတာကို စောင်းသွားမှ သိရသလိုပါပဲ
ဟာလာဟင်းလင်း နှင်းဖုံးလမ်းမှာ
မွန်းတည့်ဟာ အေးခဲပြီးတောင့်နေတယ်
အာကဒီဟာ အမေရိကားကိုလိုက်သွားခဲ့တယ်။ ။

ဇေယျာလင်း
၁၊ နိုဝင်ဘာ၊ ၂၀၁၀

မှတ်ချက်။ ။
၁။ ။ oxota ဟာ အမေရိကန် LP ကဗျာဆရာမ Lynn Hejinian ရဲ့ လီနင်ဂရက်ဒ်နေ့စဉ်ဘဝကဗျာစာအုပ်
၂။ ။ အာကဒီ ဟာ Post-Soviet ရုရှကဗျာဆရာ Arkadii Drackomomshchenko
၃။ ။ ဂျွိုက်စ်ရဲ့မဲဇာ ဟာ James Joyce ရဲ့ ပြဇာတ် The Exiles

ဇေယျာလင်း ကဗျာများကို ဒီလင့်ခ်မှာ သွားရောက်ဖတ်ရှုနိုင်ပါတယ်
http://www.equalsignpoetryetics.com/


* * *


ဧဒင်ရဲ့ အပြင်ဖက်ကအိမ်

မြွေဟာထင်ရှူးသေတ္တာထဲမှာ ခွေခွေကလေး လှဲနေတယ်
အသက်ပြင်းတဲ့ သက်ပြင်းချသံက တော်တော်နဲ့ မသေနိုင်ဘူး
စားပွဲပေါ်မှာ ပန်းသီးတစ်လုံးက မေ့လျော့မှုရဲ့ စားသောက်ခြင်းကို စိတ်ရှည်လက်ရှည် စောင့်နေတယ်
မိုးစက်တွေက စိတ်မှန်ပြူတင်းပေါ် တပေါက်ပေါက်ကျရောက်လို့
ပိတ်ကားပေါ်က ဒဏ်ရာကြီးမှာ သွေးစသွေးနတွေ ခြောက်ကပ်သွားပါပြီ
နာကျင်မှုကတော့ တစက်စက် စီးထွက်နေတာပေါ့
အပြင်ဖက်က ရှုခင်းတစ်ခုလုံးက ဖိတ်ဖိတ်ထအောင် စိမ်းတောက်နေတယ်
ကိုယ်လုံးပေါ်မှန်ထဲမှာ တစ်ကိုယ်လုံးဖော်ထားရတဲ့ အရသာ
ရှင်သန်မှုရဲ့ တငွေ့ငွေ့ တနွေးနွေး တိုးနေတဲ့အသိ
ပီယာနိုထဲမှာ အဖြေတစ်ခုခုက မေးခွန်းတစ်ခုခုကို မျှော်လင့်နေတုန်းပဲ
တံစက်မြိတ်မှာ တွဲလောင်းချိတ်ထားတဲ့အရိပ်က တဖြည်းဖြည်းပျော့တွဲကျလာပြန်ပြီ
တိမ်အကြေးခွံတွေအောက်မှာ အတိတ်ဟာ တဖျတ်ဖျတ်လွင့်ပါလို့
သော့ပေါက်ထဲမှာ ကမ္ဘာတစ်ခုစာ ဆာလောင်မှုများ
မုတ်သုံရဲ့ သံရှည်ဆွဲပြီးအူလိုက်သံက ပန်းတွေကို ရင်ကွဲနာကျသေစေတယ်
ပိတောက်ပင်မှာ နံရိုးတစ်ချောင်းလိုနေသလိုမျိုး
ကြွေပန်းအိုးထဲမှာ အထိမ်းအမှတ်တစ်ခုခုကို ထိုးထည့်စိုက်ပျိုးဖို့လိုနေသလိုမျိုး
မြေတိုက်ခန်းတံခါးဝကြေးသော့ပေါက်ကြီးက တစ်ကိုယ်ရည်အမှောင်မှာ ကျယ်လောင်နေရသလိုမျိုး
သစ်သားစည်အိုကြီးထဲမှာ ပယင်းရောင်လက်နေတဲ့ ချစ်သူတွေရဲ့ ရမ္မက်ဆန္ဒဟာ အိပ်စက်နေတယ်
လှေကားထစ်များဟာ နက်ရှိုင်းတိတ်ဆိတ်မှုဆီကို မြွေလိမ်မြွေကောက်ရောက်ရှိသွားလောက်ပါရဲ့
ဝတ်ပြုဆုတောင်းခန်းအတွင်းက ဓမ္မသီချင်းမှာ သက်တန့်ရောင်ခြေအိတ်ချွတ်သံကို ကြားလုပြီလား
စွတ်စိုတဲ့မြက်ခင်းပေါ်က ခြေဖဝါးဗလာနှစ်ဖက်ကို ဦးတိုက်နမ်းရှိုက်ရသောအခွင့်ကိုသာပေးပါ
ပြန်လာရာလမ်းမှာ အလွမ်းကိုဖဲကြိုးဖြတ်ရန်အဆင်သင့်ဖြစ်ပါပြီ။


သိုးထိန်း (အန္တိမ)
၂ဝ၁ဝ မေလ ၂၅ရက်

သိုးထိန်းရဲ့ ကဗျာတွေကို ဒီလင့်ခ်မှာ သွားရောက်ဖတ်ရှုနိုင်ပါတယ်
http://thoehtane.wordpress.com/


* * *


အစပြုခြင်း

အစကို ဘယ်လို ပြုရမှန်းမသိ
မသိလို့ ရမ်းသမ်းပြုလိုက်တဲ့ အစဟာ လူပုဂ္ဂိုလ်တစ်ယောက်ယောက်
အဖွဲ့အစည်းတစ်ခုခု ရှိပြီးသားအနုပညာလက်ရာပစ္စည်းတစ်မျိုးမျိုး ဒါမှမဟုတ်
တည်ဆဲဥပဒေသတစ်ရပ်ရပ် အများစုလက်ခံကျင့်သုံးလျက်ရှိတဲ့ သဘောတရားကျမ်း
တစ်ဆူဆူ စတာတွေအပေါ် ထိခိုက်သွားမှာ နစ်နာသွားမှာ ခံစားသွားရမှာကို မလိုလား
ဆိုကြပါစို့ ပြုလိုက်တဲ့ အစဟာ အထက်ပါအရာ ဘာနဲ့မှ ငြိမနေ တွယ်မနေဘဲ လွတ်လပ်ကင်းရှင်း
သီးခြားဖြစ်တယ်ပဲထား အဲသလိုဆို အစဟာ အစမှာကတည်းက ပျင်းရိစရာကောင်းမနေနိုင်ဘူးလား
ပြုလိုက်တဲ့ အစဟာ သိုက်သိုက်ဝန်းဝန်း ခမ်းခမ်းနားနားကြီး မဟုတ်တောင် စည်စည်ဝေေ၀ လွင်လွင်
ဆာဆာလေးတော့ ရှိသင့်တယ်မဟုတ်လား စကတည်းက ပျင်းစရာကောင်းတဲ့ အစကို ဘယ်သူက
စိတ်ဝင်စားမှာလဲ ဘယ်သူကမှ စိတ်မ၀င်စားတော့ ဘယ်လိုလုပ်ပြီးတော့ အစဟာ အောင်မြင်
မှုရမှာလဲ မအောင်မြင်တဲ့ အစအတွက် ရွှေတံဆိပ်မရှိ မဂ္ဂဇင်းမှာ မျက်နှာဖုံးမရှိ လူကြားထဲ လက်လာ
ဆွဲမယ့်သူမရှိ အမှတ်ပေးဇယားမှာ ထိပ်ဆုံးနေရာမရှိ အစဟာ သနားဖို့တောင်ကောင်းသေးတော့
တကယ်လို့များ အစဟာ စပြီဆိုတာနဲ့ စပယ်ရှယ်ဝမ်းလို့ ကိုယ်ရည်သွေး နားလည်ရင်ဖတ် နားမလည်
ရင် မဖတ်နဲ့လို့ ခပ်ပြတ်ပြတ်ပြော နိုဘယ်ဆုကိုတောင် လက်မခံငြင်းဆန်မယ်ဆိုရင်လည်း သာမန်အသိ
လောက်သာရှိတဲ့ အနှေးယာဉ်မောင်းသမားလှကြိုင်လိုလူတွေအတွက်ကျတော့ အစဟာ သိရအတော်
ခက်မသွားပေဘူးလား စကတည်းက ယဉ်သကိုဆိုတာမျိုး ဖြစ်မသွားပေဘူးလား အများ
သူငါလည်း နားလည်လွယ် အဆင့်အတန်းလေးလည်းရှိ ဆွေဂုဏ်မျိုးဂုဏ်လည်းမသေး ဟန်ဟန်ပန်ပန်
လည်းဖြစ် အထိုက်အလျောက်လေးလည်းလူဝင်ဆံ့ အတော်အသင့်လည်းရောင်းအားကောင်းတဲ့
အစမျိုးကျတော့ ထင်သလောက် ပြုလို့မရ လွယ်မယောင်နဲ့ခက် တိမ်မယောင်နဲ့ နက်နေတတ်ပြန်
အစဟာ ၀မ်းရေးအတွက် ပရိသတ်ကြိုက်တာလေးလည်း တစ်စလုပ်ပြရ အနုပညာကျန်တာလေး
လည်း ကိုယ့်အတွက်တစ်စလုပ်ရနဲ့ အလေးချိန်မျှအောင် ပြုကျင့်နေထိုင်ချင်ပေမယ့်လည်းပေါ့နော်
ဟိုပြောမရ ဆိုမရ ပြင်မရ ပြုမရတဲ့ ခေတ်ကာလသားသမီးတွေအတွက် အမှိုက်ကစ ပြသဒ်မီးလောင်
မဖြစ်ရလေအောင် အနှောင်းဆိုတာ အစကောင်းမှသေချာမယ့်အကြောင်း တတွတ်တွတ်
ရွတ်ပြမဆုံး ဆုံးမရင်း ကိုယ့်အစကို ကိုယ်ပြန်ပြုမလို့ လှည့်ကြည့်တော့
တစ်စက ခြင်ထောင်ကြိုးချည်ဖို့ တစ်စက ဖိနပ်ကြိုးလုပ်ဖို့ပဲ
ဖြစ်ခဲ့။ ။
လွန်းဆက်နိုးမြတ်
၂၃.၆.၁၀

လွန်းဆက်နိုးမြတ်ရဲ့ကဗျာတွေကို ဒီမှာ ဝင်ရောက်ဖတ်ရှုနိုင်ပါတယ် http://lunnsetnoemyat.wordpress.com/

ဘလော့ဂ် ကဗျာဆရာများရဲ့နှစ်သစ်ကူး ကဗျာပွဲတော် အစီအစဉ် ၅ (လင်းရမ္မာ၊ ကြက်သွန်၊ တေလေ၊ သူရဿဝါ)

ဘလော့ဂ် ကဗျာဆရာများရဲ့ နှစ်သစ်ကူးကဗျာပွဲတော် ၅

သုံးရာ ခြောက်ဆယ့်ခြောက်

မည်သည့်အရာ မျှ မတွဲ နွယ်တစ်ပင်၏ ပေါင်တံရှည် စသည်ဖြင့် စာမျက်နှာ ၆၉ ဟာ ပျင်းရိငြီးငွေ့ဘွယ် ခါတော်မီ အချိန်နှင့်အမျှ ကိုက်ခဲမှု ဝေဒနာ၊ ခန္ဓာဗေဒ အကြောင်း အဆက်အစပ် ဆိုသော စကားပေါ် ဟက်ဂျိနိယင်းန်း ရဲ့ ကဗျာ ဆုံးသွားပြီ၊ လင်းနီညို မှ တေလေ မှ ကြက်သွန် မှ … အိပ်၊ စား၊ ကာမ ဆိုတာ တိရိစ္ဆာန် တွေပင်၊ လူ က သောက်တယ် ဆိုတာ အများကြီး ‘ငါး’ တော့ ငါး ပဲ ဘာ ငါး လဲ ၀မ်းနည်းစရာကောင်းနေရင်း သောက်မြင်ကပ်လာတော့ ငါ သွားပြီ ရှေ့မှာ “မင်္ဂလာပါ” မရှိတော့ဘူး၊ အကွန့် အညွှန့်မပါရင် ဇယားတောင် မဆွဲချင် ပျင်းစရာဟာ လောကကြီး ဖြစ်မလာပဲ ပေါင်တံရှည်ကြီးတွေထိပ် ငါတို့ အလံထူခဲ့ကြတာ ဂရင်းနစ်မှတ်တမ်းမှာ ခွေးကောင်ရေ သုံးသောင်းကျော် လမ်းလျှောက် စံချိန်ချိုးခဲ့၊ ရယ်စရာတွေ မပြောပါနဲ့ From Hand 2 Mouth၊ အရေးကြီးတာကိုသိရင် ဘာကိုမှ အရေးမထားတော့ ပလာဇာသွား ခွေရွေး၊ တစ်ယောက် ပြီး တစ်ယောက် ထွက်ပေါက်မှာ ပိတ်မိနေကြ Close Ending ဆိုတာ Open Ending ဟုတ်သော်ရှိ မဟုတ်သော်ရှိ အစကို မပြန်တတ် ကြတော့ Pipe တစ်ခုမှမဟုတ်ပဲ၊ သံသယတွေချည်း လို့ သိုးထိန်း ဖြစ်နေသူက မြင်လာ အပြင်မှာဆို ချစ်စနိုးနဲ့ ဦးလေး ဘာလေး ထည့်ခေါ်တာပေါ့၊ ပမ်းစကူး မှာတော့ အီရိုးတစ်ဆန့်စ် တွေနဲ့ အရေးဆုံးက သူပဲ ဟုတ်လား၊ ဘယ်သူလဲ အိုဟားရား လို ပေါ့(ဆန်ဆန်) အခုတော့ အမှတ်ထဲ ခင်ဗျားဝင်ရလာပြီလေ၊ ထန်းခေါက်ဖာဟာ ရိုးရာပစ္စည်းမို့ ထွက်ခွာရာမှာ သုံးတာ ရှက်စရာတော့မဟုတ်ပါဘူး၊ ဆက်ဆံရေးတွေ ကြဲလာတာ အဲဒီ ဖြူလွလွကြီး ကိုတောင် ဂရုမထားမိတော့ဘူး၊ အကြမ်းဖက်ဝါဒ အလျောက် တိုင်အကွယ်၌ “ဆိုးရွားစွာထိခိုက်စေနိုင်ပါသည်” လာတာ ရဲဆွဲလို့ ချက်ပတ် ဆေးထိုး တကယ်တော့ လွတ်လာသူက ခွေးတစ်ကောင် သူ့လက်ထက်က ဆို ၀ိနည်းလွတ်မယ်ထင်တယ်ရဲ့ အခုတော့ တကယ်တော့ နောက်တော့ လွတ်လာတာက ယခုအချိန်အထိ အမျိုးအမည်မသိရသေး ခွေးဟု သမုခ် တွေ့ရခဲတာတွေ ကဗျာထဲမှာတွေ့ရပြီးနောက် တွေ့ရှိပြီးသားတွေ ပြန်လည် စွန့်ပစ် ပြီး ပြီးသားတွေ နဲ့ ၂၀၁၁ မှာ စာအုပ်တစ်အုပ် အနေနဲ့တော့ မြင်ချင်တယ်၊ အချစ်ဆိုတာ ဆိုင်ကယ် မှောက်တာ နဲ့ ခပ်ဆင်ဆင်ရယ် ဖော်ပြပါ ရှိပြီးသား နာမ်စားတစ်ခု က အထက်ပါ ဆိုသတဲ့၊ အဲဒီအကြောင်း မင်း ပြောပြီးပြီလား သူ့ကိုတဲ့ အဲဒီ အိပ်၊စား၊ကာမ ဆိုတာ နဲ့ သောက်ကောင် တွေကိုပေါ့ ဆိုတော့ သူ့ကိုလား သူက ပြန်မေးတယ်၊ ယာဉ်ထိန်းရဲ ခေါင်းခါသွားတာ တွေ့လိုက်တယ်၊ ရပ်တဲ့ကား ရပ်ပြီး ထွက်တဲ့ကား ထွက်ကုန်တယ်၊ ကြည်ညိုလေးစားဘွယ် ထိုပုဂ္ဂိုလ် ကြည်ညိုဖွယ် ၀စ်လစ်စလစ် ပုံကြီးက ဘယ်အညွှန်းခံတွေကို ရည်ညွှန်းနေတာမှ မဟုတ်ပဲ၊ မဟုတ်တာပဲကွာ Avril Lavigne ရဲ့ အတွင်းခံဘောင်းဘီ လိမ္မော်ရောင် လေးက အရောင်တော်လှန်ရေးရဲ့ သင်္ကေတ၊ ဟူဂိုချာဗက်ပြောတော့ အရင်းရှင်နိုင်ငံတွေ ကြောင့်တဲ့ ရာသီဥတုပိုမို ထိခိုက်စေကြောင်း NHK ရဲ့သတင်းတစ်ရပ် MRTV ကပြန်လည်ထုတ်လွှင့် နိုင်ငံပေါင်းများစွာ ကိုယ်စားလှည် တော်တို့ ၀ိုင်းဝန်း လက်ခုပ်သြဘာ ချီးမြှင့် ဟာသ ဇာတ်လမ်းတွေ ရိုက်ထုတ်ရတော့မလို ကင်ဂျုံအီးရဲ့ ၀တ်စုံဟာ ဟော့အဖြစ်ဆုံး ဖက်ရှင်ပါတဲ့ ၀ါကျဟာ အတော်ရှည်လာကြောင်း သတိရလျှင်ရခြင်း ဤစာကြောင်းကို … ။ ။ လိုက်တော့လည်း ဆုံးသွားရောလား၊ စီးဆင်းသွားပုံက၊ ဇာတ်လမ်းတစ်ခု တောနက်မှ နွယ်ရှင်များ၊
ဆက်လက်၍ ကျွန်မ ယောက်ျားဟာ ကဗျာဆရာ မဟုတ်ပါဘူး၊
ဆက်လက်၍ ကျွန်မ ယောက်ျားဟာ စိတ်ရှိတဲ့ည ဆို အိမ်မပြန် ပါဘူး၊
ဆက်လက်၍ ကျွန်မ ယောက်ျားဟာ ယိုစီးနေတဲ့ ခေါင်ပေါက် စုတ် မဟုတ်ပါဘူး၊
ဆက်လက်၍ ကျွန်မ ယောက်ျားဟာ ထွက်ပေါက်ရပ်နေတဲ့ ပုဂ္ဂိုလ် မဟုတ်ပါဘူး၊
ဆက်လက်၍ ကျွန်မ ယောက်ျားဟာ တနင်္ဂနွေသမီး မဟုတ်ပါဘူး၊
ဆက်လက်၍ ကျွန်မ ယောက်ျားဟာ ပင်စင်ယူ အငြိမ်း မစားပါဘူး၊
ဆက်လက်၍ ကျွန်မ ယောက်ျားဟာ ရှပ်ဖြူဝတ် မော်ဒယ်လ်တစ်ယောက် မဟုတ်ပါဘူး၊
ဆက်လက်၍ ကျွန်မ ယောက်ျားဟာ ကျွန်မရဲ့ Middle Finger မဟုတ်ပါဘူး၊
ဆက်လက်၍ ကျွန်မ ယောက်ျားဟာ ကလေးတွေရဲ့ ဖခင်တစ်ယောက် မဟုတ်ပါဘူး၊
ဆက်လက်၍ ကျွန်မ ယောက်ျားဟာ ကျွန်မ ဆိုသူရဲ့ ယောက်ျားမဟုတ်ပါဘူး၊
အ်ိမ်ထောင်ရေး အတွက် မြေကွက် လပ် မရှိတော့ဘူး၊ အရာခပ်သိမ်း လွှမ်းမိုးထားသော ထိုပုဂ္ဂိုလ်တို့ အတွက် အရာခပ်သိမ်း မရှိတော့ဘူး၊ ဆုပ်လည်းဆူး စားလည်းရူး မည့်သူတွေအတွက် ဆုပ်/စား စရာ ဆိုတာ မရှိတော့ဘူး၊ အာဏာရှင်တွေ အတွက် အာဏာဆိုတာ မရှိတော့ဘူး၊ အလိုဆန္ဒမရှိတော့တဲ့ ယောက်ျားတစ်ယောက်အတွက် လိင်ဆက်ဆံမှုဆိုတာ…???
“The desire of the man is for the woman,
but the desire of the woman is for the desire of the man.”
Madame de Stael (1766-1817)
နိုင်ငံတိုင်းဟာ ကွန်မြူနစ်ဝါဒကို ကျင့်သုံးရင် ကွန်မြူနစ်နိုင်ငံတွေဆိုတာ မရှိတော့ဘူး၊ ကောင်ရေသုံးသောင်းကျော်ဟာ အခွံချည်းသက်သက် သရုပ်ပြမှုသာဖြစ် တယ်၊ ရှေ့၌ ရှိခဲ့သော အကြောင်းအရာတို့ ယခုအချိန်အထိ လမ်းမကြုံသေးဘူး။ ။

လင်းရမ္မာ

လင်းရမ္မာရဲ့ကဗျာတွေကို http://www.pemskool.org/ မှာဝင်ရောက်ဖတ်ရှုနိုင်ပါတယ်

* * *

ဘာအဓိပ္ပါယ်မှထည့်မပေးလိုက်ဘူး

အကြောင်းကြောင်းကြောင့် (ဂျောင့်) ဘာ
မီတွန် နှစ်ပြား တန် တန် မ တန် တန် သောက်အိပ်လိုက်ရတယ်
ဘတ်စ် ပေါ်က အမှိုက်က ကား ကျလာ
အမှိုက်မပစ်ရ စာသားက ကားပေါ်ပါသွားတယ်
အမှိုက်မပစ်ရ ဆိုတဲ့ အဓိပ္ပါယ်ကို နားမလည်ဘူး
သံသယရှိလာတယ် ငါပေးလိုက်တဲ့ မက်ဆေ့ခ်ျ ရသလား
ရသွားသလား ကွမ်းတံတွေးမထွေးရ စာသား အဓိပ္ပါယ်
မရှိဘူးချည်းပဲလား အဓိပ္ပါယ်ပြောင်းသွားတာလား
မဲ့သွားတာလား ခပ်ပြုံးပြုံးနေပါ မော်ဒယ်လ်
ထမင်းစားနားချိန် လက်ဖက်ရည်ဆိုင်ကို တိုးလျိုပေါက်
အဓိပ္ပါယ် အကျိအချွဲ အရိအရွဲ တွေပဲထွက်ထွက်ကျလာ
ပေါ့ဆိမ့်တစ်ခွက်မှာသောက်မယ်
ဟစိ ဟစိ ဟစ်ဟစ် အော်သံကြမ်းပေါ်မှာ အတုံးလိုက်အတစ်လိုက်
ချိုင်းထောက်ကြီးနဲ့ အဓိပ္ပါယ်ဟာ သူ့ကိုယ်သူ
သူတောင်းစားပါလို့ အတင်းပြောနေတယ်
ယုံလိုက်ရမလား သံသယကို အမှိုက်ကားပေါ်တင်ပေးလိုက်ပြီ
ပေါ့ လက်ထဲကအမှိုက်ကို ခဏကိုင်ထားဦး
အမှိုက်မပစ်ရစာသားကို အရင်ပစ်လိုက်ဦးမယ် ဟုတ်ပြီလား
သစ်ပင်တစ်ပင်ခုတ် ထောင်ဒဏ်သုံးနှစ် သစ်ငုတ်တိုပေါ်မှာ
အရိပ်မရှိဘူး အရိပ်တွေဟာ လိုအပ်တာထက်ပိုရှည်တတ်လို့ဖြတ်ပစ်လိုက်ပြီ
အတိအကျရသလား ကြားခံ မီဒီယံ / မီဒီယာကိုမယုံရလို့
ဘာအဓိပ္ပါယ်မှ ထည့်မပေးလိုက်ဘူး
ဟက်ကာတွေရှိနေတယ် သူတို့ဟာ
အဓိပ္ပါယ်သူခိုးတွေ ခိုး ခိုးထားလို့ ( ခိုး ခိုးစားလို့ )
ခင်ဗျားဆီရောက်ရင် ဘာအဓိပ္ပါယ်မှကျန်တော့မှာမဟုတ်ဘူး
သေနေလောက်ပြီ ရောက်သော်ရှိ မရောက်သော်ရှိ
ခင်ဗျားဆီရောက်ရင် အဓိပ္ပါယ်ဟာ ….


ကြက်သွန်


* * *

စာမျက်နှာပေါင်း

မခင်မေဟာ သံဝေဂလင်္ကာလေးကို စာမျက်နှာ ၂၆ မှာ ရွတ်ပြလေရဲ့
စာမျက်နှာ ၄၂ ဟာ လောကထဲ စ၀င်လာပေါ့
လက်သုတ်ဗန်းကြီးရွတ်ပြီး စာမျက်နှာ ၅၀ ပေါ်မှာ ဈေးရောင်းထွက်ကြတယ်။
စာမျက်နှာ ၅၅ ဟာ အရပ်ငါးပေလေးလက်မလောက်ရှိပြီး ခါးသေးရင်ချီ ကြည်လင်ရုပ်ချောတဲ့ တစ်ယောက်
တစ်ကျွန်းပြန်ဖိုးအေးဟာ စာမျက်နှာ ၅၇ ကို ပြန်ရောက်လာတယ် ။
မခင်မေဟာ စာမျက်နှာ ၇၄ ကြောင့် မြို့ပိုင်ဦးရွှေကြိုင်ကို ငြင်းလွှတ်လိုက်လေရဲ့ ။
စာမျက်နှာ ၈၆ က သိန်းမောင်နဲ့ မိတ်ဆက်ပေးပြန်တယ် ။
ကြီးကြီးကို အမေလို သဘောထားပြီး စာမျက်နှာ ၁၂၇ ဟာ ကပ်ချွဲနေပြီ ။
မောင်သိန်းမောင်နဲ့ မခင်မေတို့ကို ၁၀ အရိယာတို့ဧ။် အရပ် ၆ မျက်နှာ မှာ အမိန့်တော်ရ ရှေ့နေကြီး ဦးသိန်းမောင် ဒေါ်သန်းတင်တို့က လက်ထပ်ပေးတယ် ။
ည ဆယ်နာရီထိုးပြီး ဆယ့်နှစ်နာရီခန့် နှင့် သုံးနာရီထိုးလောက်တွင် စာမျက်နှာ ၁၆၇ က ပြုံးပြသည် ။
ဒီ စာမျက်နှာ ၁၇၂ ဟာ အရသာတေ့ာ အတော်ထူးတယ် ၊ နိဗာန်နဲ့ ဝေးသထက် ဝေးအောင်လည်း သတ္ဆိထူးပါတယ် ။
- စာမျက်နှာ ၁၈၃ ဆိုတဲ့ ပုံသဏ္ဍာန်ကို မြင်အောင်လုပ်ပေးတာ ၀ိညာဉ်ခန္တာ
- စာမျက်နှာ ၁၈၃ ကို သိအောင်လုပ်ပေးတာ သညာခန္တာ
- စာမျက်နှာ ၁၈၃ ကို မြင်ပြီး ၀မ်းသာတာက ဝေဒနာခန္တာ
- ၀မ်းသာပြီး စာမျက်နှာ ၁၈၃ ကို ပြုံးပြလိုက် ၊ အနားသွားလိုက်လို့ တိုက်တွန်းတာ သင်္ခါရခန္တာ
သွားချင်ရာသွား လာချင်ရာလာ စာမျက်နှာ ၂၁၁ ကို စာသားတွေ အဓိပါယ်တွေ ဆိုပြီး တွယ်တာနေဖို့ မကောင်းပါဘူး ။ စာသားတွေက အဓိပါယ်ရှိချင်ဟန်ဆောင်နေတာကို ဘာလို့ တန်ဖိုးထားချင်နေရတာလဲ ။
စာမျက်နှာ ၂၃၀ ဟာ ကာမတဏှာဆိုတဲ့ ဘီလူးကို ကြောက်တယ် ။
ဒါကြောင့် စာမျက်နှာဆိုရင် မီးလောင်ပြီး စာသားတွေ ခပ်ရေးရေးသာ မြင်ရေတေ့ာတဲ့ စာမျက်နှာ ၂၃၂ ကိုတောင် မကိုင်တွယ်အပ်ဘူး ။
မတင်မေကို ကာမဆက်ဆံဖို့ စာမျက်နှာ ၂၄၅ ကို ခေါ်သွားတယ် ။
သံဝေဂလင်္ကာလေးကို စာမျက်နှာ ၂၈၆ မှာ မိသားတစ်စု သံပြိုင်ရွတ်ကြပြန်တယ် ။
လှိုက်လှိုက်လှဲလှဲ ဖြစ်လွန်းလို့ စာမျက်နှာ ၃၀၂ ဟာ မျက်ရည်တွေ ၀ဲနေတယ် ။
စာမျက်နှာ ၃၁၂ သုံးကြိမ်ခေါ်ပြီးကာမှ အမေက…..
မခင်လှဟာ ၃၁၅ လို့ ရေးထားတဲ့ စာမျက်နှာတွေကို မောင်မြင့်ဆွေကို ပေးတယ် ။
ငွေမျက်နှာကြောင့် စာမျက်နှာ ၃၂၃ က အစီရင်ခံစာထဲမှာ တစ်မျိုးတစ်ဖုံဖြစ်နေပေမယ့် သတင်းအစစ်အမှန်ကိုတေ့ာ ဖုံးလို့ဖိလို့ မရပါဘူး ။
၃၄၀ (၀ိဇ္ဖာ) စာမျက်နှာ (စရဏ) တို့နဲ့ ပြည့်စုံတော်မူသော
ဖတ်တက်ကြမယ်ဆို စာမျက်နှာ ၃၇၅ ဆိုတာ ချမ်းသာတစ်ပဲ ဆင်းရဲတစ်ပိဿာပါပဲ ။
စာမျက်နှာ ၃၈၈ မှာ ချိန်းထားတဲ့အတိုင်း ဦးသိန်း ရဟန်းခံတယ် ။ ။
အရက်သောက်တာနဲ့ မယားနှိပ်စက်တာကို မဖြတ်ရင် စာမျက်နှာ ၄၀၅ မှာ အလုပ်မလုပ်ရတေ့ာဘူး ။
မောင်မြင့်ဆွေလည်း ၄၂၇ လို့ ရေးထားတဲ့ စာမျက်နှာတွေကို မခင်လှဆီ ပြန်ပေးရှာတယ် ။
အကြည်ဟာ စာမျက်နှာ ၄၇၀ ကို ဆွဲပြီး အိမ်ကိုလိုက်လာတယ် ။
ငယ်ငယ်တည်းက ရွတ်လာတဲ့ သံဝေဂလင်္ကာလေးကို စာမျက်နှာ ၂၉၈ မှာ ပြန်ကြားယောင်နေပါတေ့ာတယ် ။

တေလေ

ကိုးကား ။ ။ ဦးနု ရေးသားသော ကာမတဏှာ ၀တ္တု ဒုတိယအကြိမ်မှ

* * *


ကြယ်အောက် လအောက် လမ်းထွက်လျှောက်ခြင်း


အိပ်မက်နဲ့တည့်တည့်က (လက်ရှိကိစ္စ)ရဲ့
အရင်းကို အမြစ်က ဆွဲလှန်ဖို့
လမ်းလျှောက်ထွက်လာတဲ့လူငယ် . . .
ကမ္ဘာတည်သ၍ လရောင်ကို မစွဲငင်နိုင်
`တကယ်တော့ ကြယ်ကြွေတယ်ဆိုတာ မဟုတ်ပါဘူး´ ဆိုရင်
ကြယ်ကြွေတုန်းက တောင်းတဲ့ဆုတွေ
ဘယ်မှာလွင့်ပြယ်သွားခဲ့ပြီလဲ
သေချာတွေးကြည့်ရင် စကြာဝဠာအကြောင်းဟာ
လွမ်းစရာကောင်းပါတယ်
ငယ်ရွယ်စဉ်ဘ၀မှာ လက်ဖက်ရည်ဆိုင်ထိုင်တာ
ယဉ်ကျေးမှုတစ်ခုဆိုရင်
လူငယ်တွေ အသည်းကွဲကြတာလည်း လူငယ်အထာပါပဲ
တိုးတိုးဆိတ်ဆိတ်ယဉ်ကျေးမှုပါပဲ
ညဟာ သူ့ကို နာရီတွေထဲ ထည့်ထည့်ရေတာ
သိပ်တော့မနှစ်မြို့လှဘူးပေါ့
ထားပါ . . . ရယ်စရာကောင်းတဲ့ (လက်ရှိ)ကိစ္စတွေ
လရောင်ကိုမြစ်ထဲဘယ်သူဆွဲချခဲ့သလဲ ၊ တွေးမရဘူး
ကြယ်ကြွေတယ်ထင်ခဲ့တဲ့ တောင်းဆုတွေ အာကာသထဲ ၀ဲများနေမလား ၊ တွေးမရဘူး
လွမ်းစရာကောင်းတာဟာ ရင်ထဲ . . . စကြာဝဠာလိုနက်ရှိုင်း
လူငယ်ဓလေ့ယဉ်ကျေးမှုတွေ
တက္ကသိုလ်နေ့ရက်များမှာ နေရစ်ခဲ့ပြီ
အဲဒီလို အိပ်မက်တွေ တထမ်းကြီးနဲ့ လမ်းလျှောက်ထွက်လာတဲ့လူငယ်
စက္ကန့်တံများထဲ `ည´ ရောက်လာတဲ့အထိ
လမ်းလျှောက်မထွက်ရသေးမှန်း သူ့ကိုယ်သူမသိသေးဘူး ။


သူရဿဝါ
အောက်တိုဘာ ၁၅ ရက် ၊ ၂၀၁၀ ခုနှစ်

သူရဿဝါရဲ့ကဗျာတွေကို ဒီမှာ ဝင်ရောက်ဖတ်ရှုနိုင်ပါတယ်
http://www.thurathawah.net/

ဘလော့ဂ် ကဗျာဆရာများရဲ့နှစ်သစ်ကူး ကဗျာပွဲတော် အစီအစဉ် ၄ (တည်ရ၊ အောင်ပိုင်စိုး၊ သူရနီ၊ ညိမ်းညို)

ဘလော့ဂ် ကဗျာဆရာများရဲ့ နှစ်သစ်ကူးကဗျာပွဲတော် ၄


လက်မထိပ်မှာ သွေးပန်းထွက်သွားတုန်းက ခင်ဗျားရပ်နေတာ ဟိုဘက်မှာလား ဒီဘက်မှာလား


လက်ဖမိုးယှက်ပြီး ပြုံးတုံ့တုံ့ လုပ်နေတယ်
သူဟာ ဖော်မြူလာ အမှားကြီး
ကောင်းကင်မှ မြေကြီး ငြိစွန်းနေတာ ဥပဒေ
မဟုတ်ဘူး သတ်မှတ်ချက်အရ ရောက်ရှိ
လာခြင်းကို ပြုတ်ကျလာသည်။
ကြွေကျလာသည်။
ခုန်ဆင်းလာသည်။
ထိုးဆင်းလာသည်
တစ်ဦးမှ အခြားတစ်ဦး အထူးသဖြင့် ကောင်လေးမှ ကောင်မလေး (ကောင်မလေးမှ ကောင်လေး)
မေတ္တာသက်ဝင်ချစ်ခင်ခြင်းသည်လည်း စတင်၍
ကြွေပြီးရင်းကြွေ
အတွင်းကြေ
အပြင်ကြွေ အစိုင်အခဲများ ဝေလည်းမွှေး
ကြွေလည်းမွှေး မိုးကြိုးသွား အုန်းပင် ဘာဖြစ်ဖြစ်
ကြွေတယ်ဆိုရင် နုနုရင့်ရင့်
အသွားအလာ အနေအထိုင် အစားအသောက် ဆင်ခြင်
နေပြောက်မထိုး မြင်နေတုန်း
ဘူး နေရာမှာ နေဟာ နှင်းဆီပွင့်လို နီနီ ရဲရဲ ချည်လုံးထဲ
တောကြီးမျက်မည်း ပျောက်နေခဲ့တယ်
တ၀ဲလည်လည် လက်ညှိုးတစ်ချောင်း ထောင်
ဝါးနဲ့ဆောက်တဲ့ အိမ်ကလေး ကားတွေ ဖြတ်မောင်းသွားရင် သိမ့်သိမ့် တုန်
ခဲတံထဲ ခဲဆံဟာ အမြှောင်းလိုက်
နစ်မြုပ် တုံးနေရင် သွေးလိုက် ချွန်လိုက်
အပူချိန်က တဖြည်းဖြည်း အလံဖျားဟာ တိုင်ထိပ်ကို
လျှောကျလာတယ် မြင့်တက်လာတယ်
တံခါးလေး စေ့နေရုံ
ဂရုတစိုက် ပိတ်ပေးပါလား အပူတွေ
အခန်းပိတ်ပြီး ကျွန်တော် သိမ်းထားတယ်
ငါးကန်ထဲ ငါးတွေ မြူးနေတယ်တဲ့
ရေ အော်သံ ည
လှိုင်းမထန်ဘူး အိပ်ပျော်သွားတယ် ဆိုရင် အဝေးက
သယ်ဆောင်လာတဲ့ သူတို့ အနံ့ကို ရတော့တာပဲ ပင်လယ်လေ ရှုရှိုက်ရသလို
ဆံပင်စုတ်ဖွားဖွား မျက်လုံး ပြူးထားသူများ
ဖုံးမြည်သလို တုန်တုန်သွားတဲ့အခါ ခေါင်းညိတ်ခေါင်းခါ မေးဆတ်ပြကာ
ဝါကျတွေ အရမ်းရှည်တယ်
စကားပြေ အရမ်းဆန်တယ်
စကားပြောရစ်သမ် ပုံးပေါလအောသုံးထားတယ်
အကြောင်းအရာ မယ်မယ်ရရ
အဓိပ္ပာယ်ဖွယ်ဖွယ်ရာရာ
ပစ်မှတ် လိုရင်းမရောက်
တိမ်ထူတဲ့အခါ အနွေးထည်တွေ လိုတော့တာပဲ
အထီးအမ ခွဲခြားမရဘူး အမျိုးအစားက
အဖြူအမည်း မကွဲပြားဘူး
နွေ သစ်ရွက် ဓာတ်ပုံ အပြင် အတွင်း တိုက်ဆိုင် စစ်ဆေး နိမိတ်တစ်ခု အဖြစ်တစ်ခု
သင်္ကေတတစ်ခု စကားလုံးများ ဆက်စပ်ယူမှု
တစ်စုနဲ့ တစ်စု ကွန်ရက်တွေ လိုတယ် ကေဘယ်လ်တွေ လိုတယ်
ရရှိဖို့ ဖမ်းစက်တွေလိုတယ်
ဖြည့်လို့ရတဲ့ ကုန်ပစ္စည်း သိုလှောင်ရုံလေး
အချက်အလက်များ ကြွသွားတဲ့အခါ
ဘာသာစကား(တခုခု)မှာ စီးနေတဲ့ကား မောင်းနေတဲ့ကား အထီးအမ ခွဲခြားခံထားရတယ်ဆိုတာ
အထီးလား အမလား ကား ဟာ ။ ။

တည်ရ

တည်ရရဲ့ ကဗျာတွေကို http://www.tyalife.com/
မှာ ဝင်ရောက်ဖတ်ရှုနိုင်ကြပါတယ်

* * *

ဒီသတ္ထုဟာ အဖိုးတန်တယ်လို့ ဘယ်သူပြောခဲ့တာလဲ

ဒီသတ္ထုဟာအဖိုးတန်တယ်
ဘီယာဆိုင်ထိုင်ပြီးအိမ်ပြန်နောက်ကျတယ်
တစ်ခုခုတော့လုပ်ရမယ်လို့အချိန်ပြည့်စဉ်းစားတယ်
လက်တွေ့ဘာတစ်ခုမှ ရေရေရာရာမရှိသေးဘူး
အိပ်မက်တွေကိုပဲ ခဲရာခဲဆစ်ကျင်ယူနေမိတယ်။

ဒီသတ္ထ္တုဟာအဖိုးတန်တယ်
ကောင်းလွန်းအားကြီးတော့ပြောရခက်တယ်
ကန်းမာရေးချူချာတဲ့ အင်ဂျင်နီယာကြီး
သစ်ပင်ပန်းမာန်တွေကို စိုက်ပျိုးမွေးမြူသူ
ခူးယူရန်အသင့်ပန်းပွင့်လေးတွေကိုတိုင်းတစ်ပါးကိုတင်ပို့တယ်။

ဒီသတ္ထုဟာအဖိုးတန်တယ်
အစတုန်းကGTCတက်ပြီးအဆုံးမှာ ကွန်ပျူတာနဲ့ပြီးတယ်
စစ်တွေမြို့ကိုမြန်မာ့လေကြောင်းလိုင်းနဲ့သွားဖူးတယ်
နိုင်ငံခြားထွက်ကျောင်းတက်ဖို့ကြိုးစားနေတယ်
ဖုန်းဘေလ်သွင်းဖို့ ပုသိမ်ကိုခဏခဏပြန်တယ်။

ဒီသတ္ထုဟာအဖိုးတန်တယ်
တစ်ချိန်တုန်းက ကျော်ကြားတောက်ပတဲ့ ကျူရှင်ဆရာ
ကျောင်းတက်တော့ အတန်းထဲမှာ Roll No.1
ချစ်ခြင်းမေတ္တာကို အင်တိုက်အားတိုက်ဂရုမစိုက်ချင်ဘူး
နောက်ဆုံးရည်းစားလေးတစ်ယောက် ကောက်ရထားတယ်။

ဒီသတ္ထုဟာအဖိုးတန်တယ်
အချစ်ဆုံးလူနဲ့ အမုန်းဆုံးလူနှစ်ယောက်ရှိတယ်
ကဗာရေးတယ်၊ကားစီးတိုင်းခေါင်းမူးတယ်၊အားနည်းတယ်
ရုံးပိတ်ရက်တိုင်းလှည်းတန်းမှာ ဂျူတီစောင့်ရတယ်
ကျိုက်ဝိုင်းမှတ်တိုင်မှာ သိစိတ်မဲ့လမ်းကိုဖြတ်ကူးနေတယ်။

ဒီသတ္ထုဟာအဖိုးတန်တယ်
ဘုရင့်နောင်မှာနေတယ်၊စကားနည်းပြီးအားနာတယ်
ကျော်သူဆိုတဲ့ ညီအစ်ကိုသူငယ်ချင်းတစ်ယောက်ရှိတယ်
ရည်ရွယ်ထားတဲ့ ကျောင်းဆရာမလေး ပျောက်ကွယ်သွားတယ်
မရည်ရွယ်ပဲလိပ်ပြာလှလှလေးတစ်ကောင်ဖမ်းမိခဲ့တယ်။

ဒီသတ္ထုဟာအဖိုးတန်တယ်
ကမ္ဘာမှာလိုက်နာနိုင်စရာနှစ်မျိုးပဲရှိတယ်
“မီမီအပေါ်သစ္စာစောင့်သိခြင်းနဲ့ ကဗျာမရေးခြင်း”
ညနေခင်းလေးညှို့ရှင်၊မြေနီကုန်းကျောက်တုံးကမ္ဘာ
ရွှေမဟုတ်၊ကြေးမဟုတ်ကြယ်လေးတစ်လုံးဖြစ်နေတယ်။

ဒီသတ္ထုဟာအဖိုးတန်တယ်
နယ်မြို့လေးတစ်မြို့မှာအင်တာနက်ဆိုင်ဖွင့်ထားပြီး
အရာအားလုံးနဲ့အဆက်အသွယ်ပြတ်တောက်နေတယ်
အဝေးကြီးကိုခရီးသွားပြီးဘယ်ကိုမှမရောက်ခဲ့ဘူး
ဘုရားသခင်နဲ့ချစ်သူတစ်စုံတစ်ရာရွေးရခက်နေတယ်။

ဒီသတ္ထုဟာအဖိုးတန်တယ်
ထားခဲ့တဲ့ ဆံပင်ရှည်ကိုဖြတ်ပစ်လိုက်တယ်
အမှန်တစ်ရားဟာ တစ်ခုမကဘူးလို့ ယုံကြည်ထားတယ်
အင်တာနက်ဆိုင်မှာ တစ်နေကုန်ထိုင်တယ်
တက္ကသိုလ်ပညာရေးကို စံချိန်တင်တက်ရောက်ထားတယ်။

ဒီသတ္ထုဟာအဖိုးတန်တယ်
နေ့ဖက်ဆိုတစ်ချိန်လုံးအိပ်နေတယ်
ချံပီယံဖြစ်ချင်လို့ချံပီယံလိဂ်ကြည့်တယ်
ဂလိုဘယ်ဆန်ဖို့ AUTO CAD တက်တယ်
ဖောင်ဖျက်ပြီး စင်္ကာပူဖက်ထွက်သွားတယ်။

ဒီသတ္ထုဟာအဖိုးတန်တယ်
ဒီသတ္ထုဟာ
ဘီယာဆိုင်ထိုင်ပြီး အိမ်ပြန်နောက်ကျတယ်
ဒီသတ္ထုဟာ
ကျန်းမာရေးချူချာတဲ့အင်ဂျီနီယာကြီး
ဒီသတ္တုဟာ
ဖုန်းဘေလ်သွင်းဖို့ ပုသိမ်ကိုခဏခဏပြန်တယ်
ဒီသတ္ထုဟာ
ချစ်ခြင်းမေတ္တာကိုအင်တုက်အားတိုက် ဂရုမစိုက်ချင်ဘူး
ဒီသတ္ထုဟာ
ကျိုက်ဝိုင်းမှတ်တိုင်မှာသိစိတ်မဲ့လမ်းကိုဖြတ်ကူးနေတယ်
ဒီသတ္ထုဟာ
မရည်ရွယ်ပဲလိပ်ပြာလှလှလေးတစ်ကောင်ဖမ်းမိခဲ့တယ်
ဒီသတ္ထုဟာ
ရွှေမဟုတ်၊ကြေးမဟုတ် ကြယ်လေးတစ်လုံးဖြစ်နေတယ်
ဒီသတ္ထုဟာ
ဘုရားသခင်နဲ့ချစ်သူ တစ်စုံတစ်ရာရွေးရခက်နေတယ်
ဒီသတ္ထုဟာ
တက္ကသိုလ်ပညာရေးကို စံချိန်တင်တက်ရောက်ထားတယ်
ဒီသတ္ထုဟာ
ချံပီယံဖြစ်ချင်လို့ ချံပီယံလိဂ်ကြည့်တယ်
ဒီသတ္ထုဟာအဖိုးတန်တယ်လို့ ဘယ်သူပြောခဲ့တာလဲ။ ။


အောင်ပိုင်စိုး
၉၊ဧပရယ်၊၂၀၁၀

အောင်ပိုင်စိုးရဲ့ ကဗျာတွေကို ဒီလင့်ခ်မှာသွားရောက်ဖတ်ရှုနိုင်ကြပါတယ်
http://aungpaingsoemyint.blogspot.com/


* * *

ခင်ဗျားရယ်၊ကျွန်တော်ရယ်၊ဖရန့်ခ်အိုဟားရားရယ် တစ်ခါလောက်တွေ့ကြမယ်

ကောင်လေးတစ်ယောက် ဂေါ်လီလုံးတွေ
လွှတ်ချရာကနေ
ဖရန့်ခ်အိုဟားရား အကြောင်းရောက်သွားသလို
ကမ်းခြေဘက်ဆီမှာ
သဲပြင်ပြေးတဲ့ ကားတိုက်ခံရပြီး
ကျန်းမာရေးအခြေအနေ တိုးတက်မှု/ဆုတ်ယုတ်မှု
ကဗျာ/ ခင်ဗျားတို့ကျွန်တော်တို့ အရးကြီးတယ်
ဖရန့်ခ်လည်း အရာသာနောက်တရှိုက်မက်မက်ပဲ
ပိုးလော့ခ်တစ်ယောက်ကိုလည်း
ကားတိုက်ခံရသလိုလို ဘာလိုလို ပြောနေကြတယ်
နယူးယော့ခ်ကဗျာဂိုဏ်းသားတစ်ဦးအနေနဲ့
မနေ့ညက နေမကောင်းဘူး
ဒီနေ့မနက် ပိုဆိုးလာပုံရတယ်
ခင်ဗျားသွားကိုက်တာ ဘယ်လိုနေသေးလဲ
ကဗျာအဆောက်အဦ အချို့ဟာဟောင်းနွမ်းပြီး
နေထိုင်လို့မရတဲ့အကြောင်း... စသည်ဖြင့်...
ကဗျာအဆောက်အဦအချို့အား
အန္တရာယ်ရှိအဆောက်အဦများအဖြစ်
သတ်မှတ်လိုက်တဲ့အကြောင်း...စသည်ဖြင့်...
ဆက်ပြော / ခင်ဗျားဆက်ပြော ...
သူ့ချည်းသက်သက်ခံစားလို့မရတဲ့အကြောင်း
ခံစားမှုမှာ သိမှုကပ်တာနဲ့ စကားလုံးတွေက ထပ်ချပ်မကွာ
လိုက်လာပြီဘာသာစကားက “ဖတ်” ကနဲ “ဖတ်” ကနဲ ကပ်လိုက်တဲ့
အကြောင်း
ဆက်ပြော / ဆက်ပြောခင်ဗျား ...
အင်္ကျီလည် တအားဟိုက်ကျနေတဲ့
ဟိုဘက်စားပွဲဝိုင်းက ဖုန်းပြောနေတဲ့ ဟိုမိန်းမအကြောင်း
ဆက်ပြော / ခင်ဗျားဆက်ပြော
နားနောက်နှစ်ဖက်ကို လက်နဲ့အုပ်ပြီး
အောင်ပွဲခံကြတဲ့ ဘောလုံးသမားတွေအကြောင်း
ခင်ဗျားဆက်ပြော / ဆက်ပြော
ကျွန်တော့်ဆီရောက်လာတဲ့
ခင်ဗျားရဲ့ ပေါ့ပေါ့ပါးပါးကျေးဇူးတရားတွေ
ကဗျာရဲ့ လိုင်းတွေထဲမှာ နေလို့ထိုင်လို့ ကောင်းကြပါတယ်
ပထမယုံကြည်မှုထဲ နောက်ထပ်ယုံကြည်မှုတစ်ခုတိုးဝင်သွားရင်
ယုံကြည်မှုအနေနဲ့ ပိုမိုအင်အားတောင့်တင်းသွားမယ်
လုံးဝပြိုကွဲပျက်ဆီးသွားမယ်/ အခြားနောက်ထပ်အခြေအနေတစ်ခု
ဖရန့်ခ် အမေလို အရက်စွဲမယ်တော့မထင်ဘူး
ခင်ဗျားက ကျွန်တော့်ကို တစ်ဝက်မျိုပြီး
တစ်ဝက်ထွေးထုတ်သူလို့ ပြောချင်တာလား
ကျွန်တော့်အထင်တော့ အကုန်လုံးမျိုပြီး
တစ်ဝက်ထွေးထုတ်တဲ့ လူဆိုတာမျိုးပေါ့
နောက်လိုက်ပြောင်လိုက်နဲ့
ကော်ဖီတွေအေးကုန်မယ်
အချိန်သိပ်မရှိတော့ဘူး/အများကြီးရှိပါသေးတယ်
ငါးသေတ္တာပြီးတော့ ဖရန့်ခ်ရဲ့ လိမ္မော်တွေအကြောင်း
စလိုက်ကြရအောင်။ ။

သူရနီ
၂၇ မတ် ၂၀၁၀

* * *

အမေးအမြန်း၊ စပ်စပ်စုစု၊ ကျီးကြည့်ကြောင်ကြည့်၊ ဟိုပြောဒီပြောထူထပ်တောင်ကုန်းများနှင့် အသားလွတ်တရားခံလိုစစ်ဆေးအရသာခံချင်သော အာတာလွတ်ဥများ

ရေထဲပြုတ်ကျရတဲ့ဖြစ်စဉ်မှာ
- မိမိကိုယ်တိုင် အနေအထိုင်မတတ်လို့ ဖြစ်နိုင်သလို
- တခြားလူက တွန်းချလို့လည်း ဖြစ်နိုင်တယ်
ဘယ်လိုပဲဖြစ်ဖြစ် တခြားလူတွန်းချလို့ရေနစ်သေရရင်တော့ မတန်ဘူး
ရအောင်ရုန်း ရအောင်လှုပ်ပြီး ကူးခပ်ရမှာပဲ။

“လူဆိုတာ အဖွဲ့အစည်းနဲ့နေရတဲ့သတ္တ၀ါ”
အာတာလွတ်ဥတွေထဲရောက်သွားတဲ့အခါ
ဒီစကားပုံကို ခင်ဗျားရယ်မိမှာပဲ။

သူများတွေအနွေးထည်ကိုယ်စီနဲ့ မင်းကော
သူများတွေအင်္ကျီပါးလေးတွေနဲ့ မင်းကျမှ အနွေးထည်ကြီးတဖားဖား
သောက်လေကွာ ဆေးဖြစ်ဝါးဖြစ်၊ ဘာလဲကံငါးပါးထိန်းနေတာလား(သရော်တော်တော်)
စားစမ်းပါဟ ဒီရောက်တုန်း၊ သေရင်ကိုယ့်နောက်ဘာမှမပါဘူး
အဲဒီမျက်မှန်ကြီးက လိုလို့လား(မျက်စိနာနေတာကို သူမသိဘူး)
ဘာလဲ အိမ်ကဘိုးတော်ကို ရှိန်နေတာလား(အဖေကိုရည်ညွှန်းမှန်း တော်တော်ကြာကြာမှ သိရ)
ဝိုး..ဒီလူကြီးက စာလည်းရေးတာပဲလား၊ သူရေးတာ ရင်သိမ့်တုန်လေးတွေရောပါရဲ့လား(ဆရာတို့ရေ စာအုပ်တွေသိမ်းမထားမိတာကိုသာ ခွင့်လွှတ်ပါတော့)
အများကြီး အများကြီး
ငါမှတ်မထားချင်လို့ မေ့ပစ်လိုက်တဲ့စကားတွေအများကြီး
မနက်အိပ်ယာထ ငါ့ခေါင်းနောက်မှာ ရေဒါတစ်ခုတပ်ဆင်လို့
ပုံရိပ်တွေစုပ်ယူရုံအားမရသေးပဲ
သွားတယ် လာတယ် စားတယ် သောက်တယ်
အသံလှိုင်းများဟာမေးဖျားတဆတ်ဆတ်တုန်ခါလို့ အထိုင်စက်ကြီးများ
ထိုမှတဆင့် ကိုယ်တိုင်ဖော် စံချိန်စံညွှန်းများဘောင်ထဲ
ငါဟာ သူတို့ရဲ့ လွဲချော်နေသော သနားစရာသတ္တ၀ါတကောင်
ငေါင်စင်းလို့ ပေစောင်းလို့ ရွဲ့စောင်းလို့
ဒီမိုးဟာ တို့မြို့ကစရွာတာ ဒီအရုပ်ဟာ တို့ဆီကဆေးစက်စကျတာ
ဒီသီချင်းဟာ တို့စပြီးတီးတာ
ဒီဂိမ်းဟာ တို့ရိုးသွားလို့အောက်လိုက်တာ
ဒီဘောင်းဘီဟာ….ဒီအင်္ကျီဟာ…ဒီပလေယာဟာ...ဘာဟာ...ညာဟာ
ကလေးကလားပဲ ကလေးကလားပဲ
လေတယ် လေတယ်၊ ပင့်ကူအိမ်ထဲငြိနေတဲ့ယင်တစ်ကောင်လို ငါလေတယ်
စာမတတ်ဘူး စာမတတ်ဘူး
စာမတတ်တော့ ဒီစာတွေကို ဘယ်လိုဖတ်ရမလဲ ငါမသိဘူး။

ဘိန်းရှူနေတာလားဆိုတော့လည်း
ဘိန်းရှူနေတာပါပဲပေါ့
အရေမရအဖတ်မရတွေပါကွာဆိုတော့လည်း
ဟုတ်ပါတယ်ပဲပေါ့
နားအေးချင်တယ်
ဘာမှပြန်မပြောတာ အဖက်မလုပ်တာလားဆိုလာပြန်တော့
ငါ ငုတ်တုတ်သေတာပဲ။

ဆက်လျှောက်သွားတဲ့နှစ်ယောက်က
ဖိနပ်ကြိုးထိုးဖို့ကျန်ခဲ့တဲ့ တယောက်အကြောင်းကိုပြောဆိုလို့
အာတာလွတ်ယဉ်ကျေးမှုဟာ ကမ္ဘာပေါ် ဓားသွားလိုမြိလို့။

ညိမ်းညို

ညိမ်းညိုရဲ့ကဗျာတွေကို http://nyeinnyo.blogspot.com/
မှာဝင်ရောက်ဖတ်ရှုနိုင်ပါတယ်

ဘလော့ဂ် ကဗျာဆရာများရဲ့နှစ်သစ်ကူး ကဗျာပွဲတော် အစီအစဉ် ၃ (အောင်သာငယ်၊ မောင်ဖုန်းမြင့်၊ အောင်ရင်ငြိမ်း၊ ကမ်းယံ)

ဘလော့ဂ် ကဗျာဆရာများရဲ့ နှစ်သစ်ကူးကဗျာပွဲတော်အစီအစဉ် ၃


အူသံရှည် နေ့စွဲများ

ညဥ့်က စိတ်ရူးပေါက်တဲ့ ခွေးတကောင်လို ဟောင်နေ...
အနက်ရောင်တွေကို တထပ်ပြီး တထပ် ခေါ်လာနေ...
သည်မှာတော့ ငါက ထိုင်ရုံလေး ထိုင်နေတာပါလေ...
ဇော်ကြီးရယ်...
မင်းက မတ်တတ်ကြီး ဘာထိုင် လုပ်နေတာလဲ...
လမ်းလျှောက်ဦးလေ...
ဒွတ်ခပါပဲကွာ...
မင်းကို ငါ အားမရတော့ဘူး...
ငါ့ကို သည်မြို့တော်ထဲကနေ... မင်း ဆွဲ မထုတ်တော့ဘူးလား....
နေပေါ့ကွာ...
ငါ့ဘာသာ ငါထွက်ခဲ့မယ်... သည်မြို့တော်ထဲက...
“မဟုတ်ဘူး... ကျနော်ကိုယ်တိုင် စိတ်ပျက်နေတာ”လို့ မပြောနဲ့
သည်ညတော့ လမင်းကို ငါ ဓါးနဲ့ခွဲထုတ်ပြီ...
မင်း မတားနဲ့တော့...
ညထဲကနေ လမင်းကို ငါ
ဓါးနဲ့ ခွဲထုတ်နေတုန်း
ခွေးလေခွေးလွင့်တွေ သက်တန့်ပျက်တွေကို မင်းစိတ်ပျက်ရင်
သူတို့ဗိုက်တွေကို ဓါးတချောင်းစီ စိုက်ပစ်လိုက်ကွာ...
ပင်လယ်ရေလေးတစလောက် သွေးတွေလို ထွက်ကျလာရင်
အနီးနားက ရွက်ကျပင်ပေါက်နဲ့ ကောက်သုတ်လိုက်ကွာ...
လမင်းကို ငါ့လက်ထဲမှာ ရယူပြီးတဲ့အခါ
နှစ်ပေါင်းများစွာ မအူခဲ့ရတဲ့ ၀ံပုလွေတကောင်လို
ငါ အူမယ်...
အဲဒါဟာ
ငါ့ရဲ့ ကိုယ်ပိုင်သံစဉ်သီချင်းပေါ့
မင်းက စည်းချက်လိုက်ပါ ဇော်ကြီး...
ငါ့အူသံကို မင်းကြားတဲ့အခါ...
“အကို အဲဒါကဗျာရေးတာမလား...”လို့ မမေးနဲ့...
အခုက
ဝံပုလွေတကောင်လို အရှည်လျားဆုံးအူနေတာ...
ငါက အူတူတူ ငနဲဆိုတော့ ငါ့အူသံက ပိုရှည်လျားတာပေါ့လေ...
မင့်က စိတ်ရှည်ရှည်ထားပြီး လိုက်အူ လိုက်ရုံပါ ဇော်ကြီး...
ငါတို့ အူသံတွေက နံရံတွေကို ဖောက်ထွက်သွားတာပါ... ..

အောင်သာငယ်
(ကဗျာခေါင်းစဉ်ကို သစ်ကောင်းအိမ်က အမည်ပေးပါသည်)

အောင်သာငယ်ရဲ့ကဗျာတွေကို ဒီမှာ ဖတ်ရှုနိုင်ပါတယ်
http://aungthange.blogspot.com/

* * *

ဒီကဗျာ ခင်ဗျား ဘယ်က ရလာတာလဲ ( အပါယ်လေးဘုံသား ကဗျာ )

ဒီမှာ. . .
ဒီကဗျာကို ခင်ဗျား ဘယ်ကရလဲ
ခင်ဗျား က မသင်္ကာ မျက်လုံးတွေနဲ့ ကြည့်နေပြန်ပြီ
ဒီ ကဗျာထဲမှာ ဘာတွေ ပါဝင် ပက်သက်မှုရှိလဲ
ခင်ဗျားး ခြေရာ လက်ရာတွေ ဒီကဗျာ မှာ ကျန်နေခဲ့သေးလား
ဒီ ကဗျာရဲ့ အမျိုးအစား က ဘာလို့ခေါ်လဲ
ဘယ်နှစ်ခုနှစ် ဖွားလဲ .. မွေးသက္ကရဇ် မလွဲအောင် ဖြေပါ
ဒီကဗျာ ရဲ့ . . အိုင်ဒီ နံပါတ်ကိုပြော
ဒီကဗျာ ရဲ့ ပုံပန်းသဏ္ဍန်ကို အကြမ်းပြောပြ
လိင်=ကျား/မ
ပညာအရည်အချင်း
အိမ်ထောင် ရှိ/မရှိ
အရပ် (ရှည်/ပု/သင့်) အသား အရည် ( ဖြူ/ ညို/ မဲ)
ဆံပင် အရောင် ၊ မျက် လုံး အရောင်
ကိုးကွယ်သည့် ဘာသာ ၊ ပညာ အရည်အချင်း
သူအကြိုက်ဆုံး အရောင်က ဘာလဲ . .
ထင်ရှားသည့်အမှတ်အသား ဘာရှိလဲ
ဘာကို စွဲစွဲ မြဲမြဲ ကြိုက်နှစ်သက်လေ့ရှိလဲ . . .
ဒီကဗျာမှာ ရည်ရွယ်ချက် ရည်မှန်း ချက်ဆိုတာ ရှိလား
သူကြီးပြင်းရင် ဘာဖြစ်ချင်တယ်လို့ပြောခဲ့ဘူးလား
ဒီကဗျာ ကို စောင့်ကြည့်ခြင်းအားဖြင့် မျှော်လင့်ချက်ဆိုတာရှိလား
ဒီကဗျာမှာ မျက်ရည်စတွေ စွန်းထင်းပေကျံဘူးလား
ဒီကဗျာ ရဲ့ သောကြာဂြိုဟ်ခုံ အရမ်းမို့မောက်လွန်းနေလား
ဒီကဗျာနဲ့ရော လိင်ဆက်ဆံခဲ့ဘူးလား
ဒီကဗျာရဲ့ ထုတ်လုပ်ရာ အရပ်ကဘယ်ကလဲ
( တချို့ကတော့ ရင်ဘတ်ကြီးပါလို့ ခဏခဏပြောကြတယ် ဆရာ )
ဒီကဗျာရဲ့ သက်တမ်း ဘယ်လောက်ကျန်နေသေးလဲ
အစားထိုးစရာ အစိတ်အပိုင်းရော အလွယ်တကူ ရှာကြံဝယ်လို့ရလား
ဒီကဗျာ က ကလျာဏမိတ်ကောင်း၊ဆွေကောင်းလား
ဒီကဗျာရဲ့လားရာဂတိ ဘယ်လဲ အထက်ဘုံလား / အောက်ဘုံလား
ဒီကဗျာ နေ့စဉ်မှီဝဲသုံးစွဲနေရတဲ့ဆေးတွေရော သူနဲ့အတူ ပါသွားသေးလား
ဒီကဗျာရဲ့ အကြိုက်ဆုံးသီချင်း၊ ရုပ်ရှင်ကား ၊ကော်ဖီအမျိုးအစား ၊ စာအုပ်တွေက ဘာလဲ
ဒီကဗျာနဲ့ နောက်ဆုံးတွေ့ခဲ့တာ ဘယ်အချိန်လဲ
ဒီကဗျာရဲ့ နောက်ဆုံးစကားကဘာလဲ
နောက်ဆုံးမေးခွန်းတခုမေးမယ်
ဒီကဗျာက ခင်ဗျားရင်အုံတည့်တည့်ကို ဓါးနဲ့ထိုးစိုက်ခဲ့တာလား
ခင်ဗျားနဲ့ရော ရန်ငြိုးရန်စ ရှိခဲ့ကြလား . . .
“အခု ဒီကဗျာသေဆုံးသွားရမှု မှာ ဘယ်သူ တာဝန် အရှိဆုံးလဲ”

မောင်ဖုန်းမြင့်

မောင်ဖုန်းမြင့်ကဗျာတွေကို http://mgphonemyint.blogspot.com/
မှာ ဝင်ရောက်ဖတ်ရှုနိုင်ပါတယ်


* * *


အိပ်မက်ထဲမှာ အပြေးအလွှား

အပြင်လောကရဲ့အမှောင် အိပ်မက်ထဲထိထိုးကျနေတယ်၊ လက်တွေ့ဘ၀က ထွက်ပြေးသွားဖို့ လမ်းညွှန်၊
လောကအပြင်ဆီ ရောက်သွားနိုင်မယ့် လမ်းသွယ်များ၊ ပင့်ကူမျှင်တွေနဲ့ ဟင်းလင်းပြင်၊ တစ်စုံတစ်ယောက်ဟာ
နောက်ကျောဆီက ချောင်းမြောင်းကြည့်နေသလို၊ နာရီလက်တံများ တစ်ချိန်တည်းရပ်တန့်နေကြ၊
အသံမထွက်တဲ့ စန္ဒရားတွေ၊ စက်နှိုးမရတဲ့ မော်တော်ဆိုင်ကယ်တွေ၊ အမြဲလွဲချော်နေတဲ့ အချိန်ဇယားတွေ၊
လေဟာနယ်ထဲ အော်သံတစ်ခု ပဲ့တင်မျောလွင့်၊ ကန္တာရပန်းပွင့်များ စက်ယန္တရားဆန်ဆန် ဖူးပွင့်လာ၊
ကမ္ဘာမြေဆီက ပန်းထွက်လာတဲ့လိမ္မော်၊ သစ်ပင်တွေဆီက အရည်ပျော်လာတဲ့ အစိမ်း၊
အက်ဆစ်မိုးတိမ်တွေဆီက မီးခိုး၊ အရောင်တွေအောက် လူတစ်ယောက်နစ်မြုပ်သွား၊ မီးလောင်ပြင်ထဲ
သားရဲတိရစ္ဆာန်တွေ ပြေးလွှားအော်ဟစ်၊ ကိုယ်တစ်ပိုင်းပြတ် ရုပ်တုတွေ၊ အတိတ်ဘဝ ရုပ်ပုံလွှာတွေ၊ နံကြားထဲ
စိုက်ဝင်နေတဲ့ ဓားမြောင်တွေ၊ တစ်နေရာရာမှာ အလင်းရောင်ရှိနေမလား၊ နတ်မိစ္ဆာများရယ်သံ၊
အော်ဂလီဆန်စရာ အနံ့အသက်နဲ့၊ ကိုယ်ခန္ဓာထဲ ဖြတ်ဝင်သွားတဲ့မိန်းမ ကိုယ်ခန္ဓာ၊ ထူးခြားဆန်းကြယ်
ဖောဌပ္ပအာရုံ၊ အိပ်မက်နှင့် အစစ်အမှန်နယ်ခြားမျဉ်းများ ရောထွေး၊ မိုးပျံပူဖောင်းတွေ တစ်လုံးပြီးတစ်လုံး
ပေါက်ကွဲ၊ ဘာသာစကားရဲ့ ပရိယာယ်၊ အန္တရာယ်မှ လွတ်ကင်းရာသို့ အမြန်ပြောင်းရွှေ့ပါ၊ အချက်ပြမီးရောင်၊
အဆုတ်ထဲမှာ ကာဗွန်မိုနော့ဆိုက်တွေ ပြည့်နေပြီ၊ အသက်ဇီဝဟာ လည်ချောင်းဝမှာ တစ်ဆို့နေ၊
တစ်ဟုန်ထိုးကြွေကျသွားတဲ့ ကြယ်တံခွန်များ၊ လေယာဉ်ပျံတွေ အုပ်ဖွဲ့ပျံသန်းလာ၊ ဒီနေရာက အမြန်ထွက်ခွာမှ
ဖြစ်မယ်၊ ကောင်းကင်ပေါ် ကိုယ်ခန္ဓာပျံဝဲ၊ ကျောက်ဆောင်ကျောက်သား ပိရမစ်များဖြတ်ကျော်၊ ချော်ရည်ပူတွေ
ဖြာထွက်နေတဲ့ ရေပန်းများ၊ မကောင်းဆိုးဝါးသင်္ကေတများ၊ လင်းနို့လိုဏ်ဂူများ စဉ်ဆက်မပြတ်၊ ဆွဲငင်သော
ဝင်္ကပါမှအလွန်၊ နေရောင်ရဲ့ သဲလွန်စကိုမြင်ရပြီ၊ ရုတ်တရက် မီးတောင်သေများပေါက်ကွဲ၊ သံသရာမှ
လွတ်မြောက်အောင် ခုန်ထွက်ရာ၊ ကိုယ်ခန္ဓာဆဲလ်များ တစ်စစီပြိုလွင့်၊ မီးခိုးငွေ့တွေလို၊ ကျွန်တော်ဟာ
သေခြင်းတရားဆီ အငွေ့ပျံသွားတဲ့ သုညအမှုန်လေးတစ်မှုန်။

အောင်ရင်ငြိမ်း

အောင်ရင်ငြိမ်းကဗျာတွေကို http://www.aungyinnyein.co.cc/
မှာ ဝင်ရောက်ဖတ်ရှုနိုင်ပါတယ်


* * *


ပျော်သလိုနေမယ်ဆို ပျော်ရဲ့လား

စားပွဲရဲ့တစ်ဘက်
ကော်ဖီခွက်ရဲ့တစ်ဘက်
အမှုန်အမွှားများရဲ့တစ်ဘက်
ကျနော့်ဘက်က တတ်နိုင်တာလည်း
အိပ်ခ်ျစီ သို့မဟုတ် စပယ်ရှယ်ရီဆာ့ဗ်
ခင်ဗျားအဆွေးတွေ
ပျော်မပျော်တော့မသိဘူး
အတိတ်တစ္ဆေတွေ သေမသေတော့ မသိဘူး
ပင်လယ်လေကို ခင်ဗျားဖြတ်လာခဲ့တာ
ပလက်ဖောင်းပေါ် ခင်ဗျားလျှောက်လာခဲ့တာ
ဘယ်လိုပဲဖြစ်ဖြစ်
ခင်ဗျားရွေးထားတဲ့ အခြေအနေ
ခင်ဗျားရွေးထားတဲ့ အမျိုးသမီး
ကျနော်ပြောတာ လွန်ကောင်းလွန်မယ်
ဒါပေမယ့် နောက်ဆုံးအီးမေးတစ်စောင်မှာ
တွေ့ရတဲ့အရေးအသားအရ
ခင်ဗျား သီချင်းမညဉ်းတော့တဲ့ အကြောင်း
သိဟောင်းကျွမ်းဟောင်းနဲ့ လမ်းမှာတွေ့ရင်
ပခုံးတွန့်ပြတတ်တဲ့အကြောင်း
ပြောရရင်
ကျွန်တော်လည်း လွတ်တဲ့ငါး ကြီးဖူးတာ
ထီတိုက်ဖူးတာ
စုထားတဲ့ စာအုပ်အဟောင်းတွေ ချရောင်းဖူးတာ
အစရှိသည်ဖြင့်ပေါ့
သွေးမတိတ်သောအနာတွေ
စိတ်မှာ ရှိပေမယ့်
အဲဒီနေရာရောက်ရင်
ကျော်ပစ်လိုက်တယ် ရစ်ပစ်လိုက်တယ်
ညနေခင်း ရဲ့ မှုန်တိမှုန်မွှား အလင်းရောင်အောက်မှာ
တခြားအရာတွေနဲ့ အတူ
ပျောက်ဆုံးပစ်လိုက်တယ်
အခုလို
လှမ်းမြင်နေရလည်း
ဆက်သွယ်ရန် ဘာသာစကား မတွေ့နိုင်
ခံစားဖူးတဲ့
အအေးဓာတ်ကစလို့
ထုံထိုင်းသွားလောက်တဲ့ နာကျင်မှု
လက်လွတ်စပယ်ဖြစ်စေလောက်တဲ့ ငြီးငွေ့မှုတွေထဲ
ဆံပင်အစိုတွေလို
ကောက်ရိုးခြောက်တွေလို
ထိုးဖွရှာဖွေ
အခုထိတော့ နေထူးနေ့မြတ်တစ်ရက်ရက်အကြောင်းပြုပြီး
အဆက်အသွယ်ပြန်လည် ရရှိခဲ့လျှင်တောင်မှ
ခင်ဗျားအရေးအသားကို ကျွန်တော်တခါပြန်ဖတ်ကြည့်ရမှာ
ညဘက်တွေ ပြတင်းပေါက်အပြင်ကို ကြည့်ရင်း
ဒါမမဟုတ်လည်း ခြင်ထောင်ထဲ လူးလွန့်ရင်း
ပြန်တွေးမိတဲ့အတွေးတွေ
ပြန်မတွေးမိတဲ့ အတွေးတွေ
သပ်သပ်စီ
ခင်ဗျားအတွက်လည်း
အထောက်အကူ တစ်စုံတစ်ရာဖြစ်မလား
ကျွမ်းကျင်မှု တစ်စုံတစ်ရာလိုအပ်တဲ့
အခိုက်အတန့်မှာ
ကျွန်တော်လည်း အတတ်နိုင်ဆုံး
သရုပ်ဆောင်ပြနေရတာ
ခုလို
ခင်ဗျားအတွက် ဒိပလီးကွန်ဆာန်း ဖြစ်တယ်ဆိုတဲ့အကြောင်း
မြို့လယ် မြို့ပတ်ရုံတွေမှာ ပြသနိုင်တဲ့အထိ

ကမ်းယံ

ကမ်းယံရဲ့ ကဗျာတွေကို ဒီမှာ ဖတ်ရှုနိုင်ပါတယ်
http://kanyan.wordpress.com/