အသည်းကွဲပြီးနောက် သတင်းစကားသို့ စိတ်ကြေကွဲရ၀မ်းနည်းရမှု သတင်းစကား

လှသန်းရေ..

မင်းအသားအရည်မှာ အနွေးဓါတ်တွေ ဆုတ်သွားပြီး
မင့်ခန္ဓာ အတ္တဘောကြီး ချုပ်ငြိမ်းသွားပြီလို့ ပြောလောက်ဆိုလောက်တဲ့အချိန်ရဲ့နောက်
နာရီပိုင်းအတွင်းမှာ အဲ့ဒီသတင်းဟာ ကမ္ဘာ့အနောက်ခြမ်းကို မျက်စေ့လည်လမ်းမှားရောက်နေတဲ့
ကိုယ့်ဆီ ဆိုက်ဆိုက်မြိုက်မြိုက်ရောက်လာခဲ့တယ်။
ကိုယ် အာစေးထည့်ထားခံရသူလို ဟန်ဆောင်လိုက်ရမလား
မန့်ခ်ျ ရဲ့ scream ပန်းချီကားထဲကလို အာခေါင်ခြစ် ဟစ်အော်လိုက်ရမလား။

ကျီးထိုးလောက်ကိုက် ကဗျာဆရာတွေကြားထဲ
မင်း ကဗျာတွေထိုးတက်လာခဲ့တဲ့ နေ့တွေအကြောင်း ချေးခြောက်ရေနှူးရမှာလား
မင်း ပါးစပ်ကြီးတလုံးနဲ့ မောက်မာပုံတွေကိုပဲ လိုတာထက် ဇာချဲ့ပြီး ပြောရမလား
ဗမာ့နိုင်ငံရေး ဇာတ်ခုံပေါ် မင်း ဇာတ်ခုံနောက်ကျောကနေ ၀င်ထွက်သွားလာနေခဲ့တာကိုပဲ ဇမ်းတင်ပြရမလား။

ကိုယ် ကဗျာမျက်နှာတခုကိုပဲ ကြည့်ပြီးပြောပါ့မယ်
ဘယ်တော့မှ ကဗျာကိစ္စဆို တာဝန်မယူချင်ပဲ ရှောင်လွှဲခဲ့တဲ့ ကိုယ့်ရဲ့ သူရဲဘောကြောင်စိတ်ကိုခုန်ကျော်ပြီးတော့ပေါ့
(မင့် လက်မရွံ့ကဗျာဆရာ စာအုပ်မှာ မင်း လက်မတွန့်စတမ်း ရေးခဲ့တဲ့ ကဗျာတွေ ကိုလဲ ထည့်ရေတွက်ရပေမပေါ့.. )
လှသန်းဟာ ဗမာပြည်ရဲ့ ကဗျာဆရာ..
လှသန်းဟာ ကဗျာဆရာ ကြီးငယ်ရွယ်လတ်အားလုံးအတွက် ကြီးကျယ်တဲ့ ကဗျာဆရာ
လှသန်းဟာ နောင်တ ဘယ်တော့မှ မရတတ်တဲ့ ရှေ့ထွက်မိုင်းလို ကဗျာဆရာ
လှသန်းဟာ ကိုယ့်ထက် ငယ်ပေမယ့် လှမ်းပြီး ရိုသေရတဲ့ ကဗျာဆရာ

မိချောရေ..
အကိုက ဒိထက်ပိုပြီး ဘာပြောနိုင်အုန်းမှာတဲ့လဲ..

ကိုပြည့် ကိုယ့်ကိုchatting box မှာ စာရိုက်ပြီး ပြောတယ် “ တကယ် မသေမယ့်လူက နားမလည်နိုင်ဘူး။
မနေ့ ညက မိချော ကိုယ့်ဆီဖုံးဆက်တယ်။သူ ညနေဖက်သွားတော့(ငါ့အမေ နဲ့ အဖေပြီးရင် မင်းကို
ကျေးဇူးအတင်ဆုံး ပဲ)လို့ ပြော လိုက်လို့ ဖုံးထဲမှာ ငိုလိုက်တာ။
(အိုင်လည်းအကောင်းဆုံးပြုစုပါတယ်ပြည့်ပြည့်ရယ်) တဲ့။ ကိုယ်မခံစားနိင်ဘူး။” ဆိုတာ..

ယုတ်မာရိုင်းစိုင်းသူတွေရဲ့ အမူအကျင့်မျိုးရှိသူတွေ ကြီးစိုးတဲ့ ခေတ်ကြီးထဲမှာ
ယုတ်မာရိုင်းစိုင်းတဲ့ ကံကြမ္မာကလဲ မြေနိမ့်ရာ လှံစိုက်ချင်တဲ့ သဘာဝသတ္တိကိုပြခဲ့လို့
ငါ့ကောင်တွေထဲက တစ်ယောက် မင်း “လှသန်း” ၊ အဲ့ဒီလို ကြည့်ပျော်ရှုပျော်တောင်မရှိတဲ့ လူ့လောကကို
ထိုက်ထိုက်တန်တန် ဘက်ကန်ပြီး ထွက်သွားခဲ့တဲ့ ဒီခရီးဟာ မြင့်မြတ်တဲ့ ခရီးပါကွာ..
မင့်ကဗျာနဲ့ မထိုက်တန်တဲ့ကောင်တွေ
မင့် ကဗျာကို မဖတ်မိကြပါစေနဲ့လို့
မင့်ကဗျာကို အရသာ မခံစားတတ်ကြပါစေနဲ့လို့ ယုတ်မာရိုင်းစိုင်းစွာ
ငါ..
ကျိန်စာ တိုက်လိုက်ပါရဲ့။ ။

ခင်အောင်အေး
၂၃၊ အောက်တိုဘာ၊ ၂၀၁၁ ချေလ်တန်ဂရို့ဗ် လန်ဒန် ၀၀း၃၈ နာရီ

2 comments:

  1. ယုတ်မာရိုင်းစိုင်းသူတွေရဲ့ အမူအကျင့်မျိုးရှိသူတွေ ကြီးစိုးတဲ့ ခေတ်ကြီးထဲမှာ
    ဆိုတာမပြောချင်လဲ ကမ္ဘာမှာမြန်မာသာလျှင်ယခုလက်ရှိ ထိုကဲ့သို့ပြုမူ
    နေတာပါလို့တိုက်ရိုက်ပြောလဲရပါတယ်အကိုရေ
    ခံစားရပါတယ်....စာသားတွေကတစ်ခုခုရဲ့ကိုယ်စားပြောနေတယ်လေ

    ReplyDelete