ငါတို့ လူငယ်ဘ၀

နှင်းတွေက အနှစ်တွေချည့်ပဲ
စကြ၀ဠာကြီး ခိုက်ခိုက်တုန်လို့
အမေ့ကို ထားခဲ့ပြီး
သူမနဲ့ကျွန်တော် ညထဲ ပြေးဆင်းခဲ့ကြ
ညရဲ့ညထဲမှာ ညကိုဖွင့်ကြည့်လိုက်တော့
သေနတ်တစ်လက်နဲ့ နှင်းဆီတစ်ပွင့်
စွင့်ကား ကြွတက် အန်ထွက်လာ
တ၀ုန်းဝုန်း
ချစ်ခြင်းမေတ္တာတွေ ပြိုကျလာတဲ့အထိ
ကျွန်တော်က သေနတ်နဲ့ပစ်လို့
နှင်းဆီပွင့်ကို
သူမက ခေါင်း၌ပန်လို့
အဲဒီလို ကျွန်တော်တို့
ဆည်းဆာကို ခါယမ်းပစ်လိုက်တဲ့လမ်းမှာ
ကြယ်တွေ တဂျွမ်းဂျွမ်းမြည်အောင် မီးလောင်လို့။ ။

ခရမ်းပြာထက်လူ
မြန်မာသစ် ရသစုံမဂ္ဂဇင်း ဇွန်၊ ၂၀၁၁

No comments:

Post a Comment