ဂစ်တာကို နောက်ပြန်တီး

အသက်ရှူသံကို စည်းချက်ထပ်မြှင့်လိုက်တယ်။
အိမ်ရှိပေမယ့် အိမ်ပြန်ချိန်က မရှိသေးဘူး။
ရုံပြည့်ရုံလျှံ သောကတွေနဲ့
ဂစ်တာကို အကွက်စိပ်စိပ် နောက်ပြန်တီးခတ်။
ဘီယာဘူးကို ဖောက်ပစ်လိုက်ဖို့
ဘဝက သိပ်လွယ်ကူလွန်းတယ်။
အိမ်တံခါးဝဆိုတာ ဘယ်တော့မှ မအေးစက်ဘူး မိတ်ဆွေ။
ပွင့်ထွက်လာတဲ့ အမြှုပ်တွေနဲ့
ဂစ်တာကို ဆူဆူဝေဝေ နောက်ပြန်တီးခတ်။
စီးကရက်မီးခိုးငွေ့တွေက မျက်နှာကျက်ကို တွန်းရွှေ့တယ်။
မိသားစုလောက် ဘယ်ကောင်းကင်မှ ကြယ်မစုံဘူး။
ကျယ်လျား မှုန်ရီတဲ့ စင်မြင့်ပေါ်
ကြိမ်နှုန်းမြင့် ဆန္ဒကြိုးတစ်စုံစာနဲ့
ဂစ်တာကို ပင့်မြှောက် နောက်ပြန်တီး။ ။

နိုင်မွန်အောင်သွင်

Source: unknown

1 comment:

  1. ဟုတ်တယ်
    အိမ်တံခါးဝဆိုတာ ဘယ်တော့မှ မအေးစက်ဘူး...
    ခံစားဖတ်သွားပါတယ်

    ReplyDelete