ကာနီဗယ်

သွေးကြောတွေလိုလည်ပတ်ပြီး လွင့်နေတဲ့ ရဟတ်လမ်းတွေ
အာရုံအထိအစပ်ရဲ့ ဒီလမ်းတွေပေါ်မှာ လူတစ်ယောက်
ဖျတ်ကနဲ ပျောက်သွားနိုင်သလို တောသားမြို့ရောက် အူ
ကြောင်ကြောင်ဇာတ်လမ်းတွေထဲ ပါဝင်ဆင်နွှဲနေတာမျိုး
ဖြစ်နိုင်တဲ့ သုံးမိုင်ရှည်တဲ့ ဘွတ်ဖိနပ်ဟာ လေထဲက ကုက္ကို
အပင်တွေဆီ ပျံဝဲနေတဲ့ အမည်ဆိုင်းဘုတ်ရှိ လမ်းတွေနဲ့
အသစ်ထည့်သွင်းထားစ လမ်းတွေရဲ့ထိပ်မှာ ကျွန်တော့်ရဲ့
လက်ညှိုးလက်ခလယ် လက်သူကြွယ် လက်သန်းလက်မ။

တဲကမ္ဘာကြီးအတွင်း အမိုးတလုံးထဲ အောက်မှာ ကြာဇံတွေ
ကြာဇံတွေကြော်နေတဲ့ မွေးနေ့ရှင်လို၊ နေ့တိုင်းမွေးနေတဲ့
ကလေးတွေးကာနီဗယ်ဟာ ဟောဒီ ချိတ်ဆက်မှုမှာရစ်ဝဲ
ဆိုမဆဲသေးခင်ကာလအထိ၊ ညစ်တီးညစ်ပတ်တွေ စွန့်လုပ်
နေတဲ့ စွန်းစားလူရဲ့ကိတ်မုန့်ဟာ ဘွတ်ဖိနပ်ပုံသဏ္ဍာန် ဘွား
ကနဲ လမ်းထဲက တိမ်တွေဆီ ပြေးနေတဲ့ သုံးမိုင်ရှည် အနံ့တွေ
အသစ်တင်သွင်းလာစ စတီးရိုးရဲ့ထိပ်မှာ လက်ငါးမြွာဟာ
ကြာဇံတွေကြားထဲ ပြေးလွှားသလို ရဟတ်လမ်းတွေ။

ဆိုလိုခြင်းက ရဟတ်လမ်းတွေ၊ နိမ့်တုံမြင့်တုံမြင်ရတဲ့ အသေးစား
အစိတ်အပိုင်း အဆမတန်မှ နက်နေနတ်ကိုင်းလိုထိုးထွက်တဲ့
နဂိုနဂိုင်း အယဉ်ကလေး လရောင်ပွင့် “ဝါရွှေရည်လူး” လွန့်လွင့်လန်း
လမ်းတွေ။ ။

ဝင်းမြင့်
မဟေသီ မဂ္ဂဇင်း (လ မမှတ်မိ) မှ ကူးယူဖော်ပြသည်

ကာနီဗယ်= carnival

No comments:

Post a Comment