ရေအိမ်



ယဉ်ကျေးခြင်းသည်
တစ်ဦးအိတ်ထဲမှ ပိုက်ဆံများ
တစ်ဦးထံသို့
ညင်သာစွာ ရောက်ရှိလာရန်လိုသည်။

ပန်းတွေ
ရေမွှေးပုလင်းထဲ ရောက်ရှိ
သစ်သီးများ
ဝိုင်ပုလင်းထဲ ရောက်ရှိ
ကျွန်းပင်များ
ဧည့်ခန်းဆောင်ထဲ ရောက်ရှိ
အဏုမြူများ
နျူကလီးယားဗုံးထဲ ရောက်ရှိ
ဘယ်လောက်သိမ်မွေ့လိုက်သလဲ။

ခေတ်လူသားသည်
ရေလောင်းအိမ်သာပေါ်မှာ
အညစ်အကြေးတွေ မမြင်ရအောင်ထိုင်နေသလိုလေ
ကျွန်တော်တို့ နေထိုင်ခဲ့ပြီ။    

သုခမိန်လှိုင်

(ပင်လယ်မှာပျောက်ဆုံးသွားသောအရာ ကဗျာစာအုပ်မှ)

No comments:

Post a Comment