မိန်းမကိုချော့ခြင်း



ကမ္ဘာဦးလို
မီးကို စတင်တွေ့ရှိလိုက်တဲ့ အိမ်ထောင်ရေး
လေတိုက်တော့ မြည်တဲ့အသံမှာ
ခေါင်းလောင်းအိုးကို
မာကြောတဲ့အရာနဲ့ တည်ဆောက်ရတယ်
မိန်းမဟာ ယောက်ျားမရှိပဲ ပြည့်စုံမလား
မေးခွန်းက အိပ်ရာကို လုံးချေလွှင့်ပစ်လို့
ပြတင်းပေါက်တွေကို ဆောင့်ကြီးအောင့်ကြီး ပ်ိတ်လို့
လက်ထဲက မိန်းမဟာ လွတ်ကျလို့
တကယ်တော့ ပြန်ပေးဆွဲထားတာ မဟုတ်ဘူး။

စိတ်ကူးက လွန်ခဲ့သောနှစ်များဆီ ကျကွဲစဉ်
အကောင်းပြန်ဖြစ်ပါ့မလား နေ့များ
အချစ်က နှုတ်ခမ်းပဲ့လို့
အလွမ်းအဆွေးက စလောင်းရွဲ့လို့
အရာရာလှိုင်းပါတဲ့ ကြေးမုံထဲကရုပ်လို တွန့်လိမ်လို့
ဒီမျက်နှာဟာ
အရင်မြင်ဖူးတဲ့ မျက်နှာ မဟုတ်တော့ဘူး။

လမ်းထဲက ကလေးတွေ ပြေးလွှားဆော့ကစားတာကြည့်
မင်းကို စတင်တွေ့ရှိတာ အဲဒီလို ကိုယ်တုံးလုံးလေး
မီးကို စတင်တွေ့ရှိသလို
သားကောင်ကို ပစ်ခတ်ထိမှန်သွားသလို
ဟာသနဲ့
တံခါးကို မသိမသာဖွင့်ဝင်လိုက်တယ်
အထဲမှာ အရွယ်တင်နေဆဲမိန်းမတစ်ယောက် မဲ့ပြုံးပြုံးလို့။    

ဝင်းမြင့်

No comments:

Post a Comment