သေနတ်နဲ့ ဒိန်ခဲ


အနီရောင်စက်ဝိုင်းကနေ မစ်ကီးမောက်စ် ပုံပေါ်လာ
အပြာရောင်ဆီစိမ်စက္ကူပေါ် သင်္ဘောတစီး ပုံကြမ်းရေးခြစ်ထား
ကိုလံဘတ်စ် ရှာမတွေ့ခဲ့တဲ့ ကိုယ်ပျောက်ကျွန်းတွေဆီ
ပင်နယ်စလင် ရှာဖွေတွေ့ရှိပုံ အသုံးဝင်ပုံနဲ့ လူသားရဲ့ မပြီးဆုံးစတမ်း  နောင်တတရားများ
အနမ်းနဲ့ အနမ်းအပေါ် တင်ဆက်မှု အနုပညာများရဲ့ လျှို့ဝှက်သည်းဖို အတွေ့အကြုံ
နောင်လာနောက်သားများ အပေါ် မချောမွေ့တဲ့ အသားယူလက်ဆင့်ကမ်းချန်ရစ်မှုတွေ
ယမ်းမှုန့်ကိုထောင်းထည့်ကာ မီးပေါက်မီးကူး ကောင်းအောင် ချိန်ညှိရတယ်
ဒိန်ခဲ ကိုမအောင်မမြင်ရွှေ့မိခဲ့ပုံ။      ။

ခင်အောင်အေး

gun and cheese


mickey mouse appears out of the red circle
the sketch of a ship drawn on blue tracing paper
towards invisible islands columbus hadn't discovered
the discovery of penicillen, its usefulness, and the never-ending
regrets of humans
the mysterious experiences of a kiss and its art of presentation
the non-smooth handing down to next generations
pounding gun-powder needs adjustment to get sparks all right
the way the cheese is moved without success

khin aung aye
translated by maung tha noe

မဂ္ဂဇင်းကဗျာ


ချစ်တဲ့စိတ်ဟာဆန်းကြယ်

ဂျာမန်လက်ရွေးစင် ဘောသမား ပိုဒေါ့စကီးရဲ့နှလုံးသားဟာ ပိုလန်တစ်ခြမ်း ဂျာမန်တစ်ခြမ်းဆိုပဲ
မြန်မာတစ်ခြမ်း ဟိုဟာတစ်ခြမ်းတော့ ကျွန်တော်မလုပ်ချင်ဘူး
ကိုယ့်တိုင်းပြည်ကိုယ် လုံးလုံးလျားလျားကြီး ချစ်ချင်တယ်။

ဗြောင်ကျရင်  ရိုင်းတယ်လို့ ဆိုကြတယ်။ ဟုတ်မှာပဲ
ဘာသာစကားဟာ ဖော်ပြဖို့ထက် ဖုံးကွယ်ဖို့များ ပိုပြီးသုံးနေကြတာပဲ
သံတမန်အဆက်အသွယ်လုပ်ရာမှာ သုံးတဲ့စကားတွေကို ကြည့်ပါလား
ညာတာကိုပဲ ယဉ်ကျေးတယ်လို့ ခေါ်နေကြတာပဲ .  .  .
                                                            ဆရာကြီးတက်တိုး
                                                (ကျွန်တော့်အတွေးအခေါ် မှတ်စုများ)
မန္တလေး ဒေါက်တာအောင်ကြီးက မကောင်းမှုမှာ အလယ်လမ်းမရှိ၊ ဘုရားဟောမဇ္စျိမပဋိပဒါကို
အလွဲသုံးစားမလုပ်ကြပါနဲ့လို့ ရေးလိုက်တယ်။

ဥက္ကဋ္ဌတင်မြှောက်လိုက တင်မြှောက်၊ မတင်မြှောက်လိုက နေ .  . .
ယနေ့ဖြူသည်ထင်၍ ဖြူသည်ဟု ပြောဆိုခဲ့သည့်ကိစ္စတစ်ရပ်ကို
ပြန်လည်ဆင်ခြင်သုံးသပ်သည့်အခါ အမည်းဖြစ်နေသည်ကို တွေ့ရလျှင်
အမည်းဟု ပြင်ဆင်ပြောဆိုရမည်သာဖြစ်သည်၊ အမည်းမှန်းသိလျက်
မိမိက အဖြူဟုပြောဆိုခဲ့ဖူး၍ မိမိစကားမပျက်စေလိုသဖြင့်
အဖြူဟု ဇွတ်မှိတ်မငြင်းလို . . .။
                                                            (မစိုးရိမ်ဆရာကြီး)

ကိလေသာအမျိုးအမျိုး
(က) အလိုကြီးခြင်း                                                            (ငြိ)
(ခ) အလိုမကျဒေါသ                                                          (ငြိ)
(ဂ) တွေဝေမိန်းမောခြင်း                                                     (ငြိ)
(ဃ) ကိုယ့်ကိုယ်ကို ဟုတ်လှပြီထင်ခြင်း                                   (ငြိ)
(င) အရာရာကို မှားယွင်းစွာမြင်ခြင်း                                       (အဲဒီလိုတော့မဟုတ်ပါဘူး)
(စ) ပစိပစပ်များခြင်း                                                          (မိန်းမကိုရန်ရှာတတ်-ငြိ)
(ဆ) လေးလံထိုင်းမှိုင်းခြင်း                                                  (ငြိ)
(ဇ) ပျံ့လွင့်ငေးမောခြင်း                                                      (ကဗျာဆရာလေဗျာ-ငြိ)
(ဈ) အကုသိုလ်ပြုရမှာမရှက်ခြင်း                                           (ရှက်ပါတယ်)
(ည) အကုသိုလ်ပြုရမှာမကြောက်ခြင်း                                    (ကြောက်ပါတယ်)

သားလုပ်တဲ့သူ (၂၉)နှစ်ကို ညတိုင်း စောင်ထခြုံပေးတယ်လို့ ကျွန်တော်ပြောတော့
သူငယ်ချင်းလုပ်တဲ့သူက “မင်းလိုကောင်မျိုး ဘယ်တော့မှ တရားအားထုတ်လို့ရမှာ မဟုတ်ဘူး”လို့ ဂုဏ်ပြုတယ်

ဘာပဲဖြစ်ဖြစ် .  . . အသည်းနှလုံးပြည့်ပြည့်၀၀တစ်ခုလုံးနဲ့
                        ခင်ခင်ညို့ကို ကျွန်တော်ချစ်နေတုန်းပဲ . . .။   ။

စိုးမြင့်သိန်း
(ဖက်ရှင်၊ ၂၀၀၉၊ သြဂုတ်)

ရောက်တတ်ရာရာ ဘာသာစကား

တစ်ယောက်ကအဖြူဆို တစ်ယောက် အမည်း
တစ်ယောက်က အ၀ိုင်းဆို တစ်ယောက်က လေးထောင့်
ကိုယ်ယုံကြည်ရာ ကိုယ်အသံထွက်ကြတာပါပဲ။
မနက်အိပ်ရာမှ ညအိပ်ရာဝင်သည်အထိ
သင့် “ဘာသာစကား”ကကော ဘာတွေလဲ။

ကိုယ့်အစာကိုယ်ရှာစားနေတာဗျဆိုတဲ့လူ
ခင်ဗျားပါးစပ်က ထွက်လာတဲ့အသံကို
ခံစားနားဆင် တွေးခေါ်ဆင်ခြင်ကြည့်တဲ့အခါ
ခင်ဗျားဟာ ယောနိသော မနသိကာရနဲ့
ထိုက်တန်လှတဲ့ လူတစ်ယောက်ဖြစ်နေလေရဲ့။
ဟဲဟဲ . . .ဟဲဟဲ . . .
ခင်ဗျားတို့ ကျွန်တော်တို့ ညာဉ်ကလေးတွေဟာ
သူများအကောင်းကြောင်း ကိုယ့်ကောင်းကြောင်းကလေးတော့
ပြောတတ်ကြတာ မဆန်းတော့ပါဘူဗျာ။

ကျုပ်လို ကမ္ဘာ့လူသားထုတစ်ရပ်လုံးကို
ကိုယ်စားပြုပြီး စကားပြောတတ်ပြီလား။
ဟုတ်ပ .  . . ကျုပ်တို့အလုပ်က
ကိုယ့်အသံတွေ သူများနားထောင်ဖို့နဲ့
သူများပြောတာတွေ ကိုယ်နားထောင်ကြည့်ဖို့အပြင်
ကိုယ်ကလည်း ဘာစကားမှမပြောဘဲ
နားရွက်ထဲ ဂွမ်းဆို့ထားလို့လည်း ရသေးတယ်လေ။    ။

ထွန်းဝေမြင့်
ဖက်ရှင်၊ ၂၀၀၉၊ သြဂုတ်

ခင်ဗျားဟာ ခင်ဗျားဘ၀ရဲ့၁/၃ကို အိပ်ရာထဲမှာဖြုန်းခဲ့တာ
အိပ်ရာခင်းဟာ အရေးကြီးတယ်လို့ ခင်ဗျားတွေးဖူးလား

လူတစ်ယောက်ဟာ ဘ၀ရဲ့ သုံးပုံတစ်ပုံကို အိပ်ရာထဲမှာ ဖြုန်းရ/သုံးရ/အားဖြည့်ရတာ
အိပ်ရာခင်းဟာ အရေးကြီးတယ်လို့ တွေးဖူးလား? ? ? ?
(အင်တာဗျူးဟာ ကဗျာထဲကို မဆီမဆိုင်ဝင်ရောက်လာခဲ့။ ဖြေလို့ရရင် ဖြေနိုင်တယ်)
ကံ၊ စိတ်၊ ဥတု၊ အာဟာရ ‘ရင်ကြပ်’ ‘စိတ်ကြပ်’ ရောဂါသည်များ
ရာသီဥတုကြောင့်ဆိုရင် အိပ်ရာခင်းဟာ အရေးကြီးတယ်။

အိပ်ရာခင်းဝယ်ရာမှ အရေးကြီးတဲ့အချက်များကို အိပ်ရာခင်းစိတ်ဝင်စားသူ john က ဒီလိုပြောပြခဲ့ပါတယ်။
၁။ အိပ်ခန်းရဲ့အကျယ်အ၀န်း
၂။ လေအေးစက်ရှိ/မရှိ
၃။ အိပ်ရာခင်းရဲ့ အထူ/အပါး (တချို့က ထူထူကြိုက်/တချို့ကပါးပါးကြိုက်)
၎။ ရာသီဥတုနဲ့ ရင်ကြပ်ရောဂါ
၅။ အိပ်ရာခင်းရဲ့ အသားအထူအပါးနဲ့ ရာသီဥတုဓာတ်
၆။ နေ့အပူချိန်နဲ့ ညအပူချိန်
၇။ ကိုယ်လုံးလှိမ့်လို့ကောင်းမကောင်း
၈။ တာရှည်ခံနိုင်မှု
၉။ အိပ်ရာခင်းအဖုအထစ်ကင်းစင်မှု၊ ချိုင့်ဝင်မှုအနေအထား
၁၀။ အရောင်
၁၁။ လျှော်ဖွပ်လို့လွယ်ကူ/မလွယ်ကူ
ရှိတ်စပီးယားရဲ့ Macbeth ပြဇာတ်မှာ ဇာတ်ကောင်တစ်ကောင်က ဒီလိုအော်ခဲ့ပါတယ်။
“Sleep, Sleep, Sleep, . . . . . .”
အိပ်ခြင်းရဲ့အရေးကြီးပုံ ကျွန်တော်တို့လူ့ဘ၀ရဲ့ ၁/၃ကို အိပ်ရာထဲမှာ ဖြုန်းပစ်ကြတယ်
အိပ်ရာခင်း<---------> ရင်ကြပ်ရောဂါ <---------> အိပ်မက်
အိပ်ရာခင်း၊ အိပ်မက်၊ ရင်ကြပ်ရောဂါနဲ့ ကျွန်တော်တို့ရဲ့ ဘ၀စိတ်ကျပ်ကျပ်ထဲမှာ
အိပ်ရာခင်းဟာ အရေးကြီးတယ်လို့ ဘ၀ရဲ့ ၁/၃ က ထင်ပါသလား။ အင်တာဗျူးစပြီ။

ငြိဏ်းဝေ
ဖက်ရှင်၊ ၂၀၀၉၊ သြဂုတ်

မော်ဒန်ရှင်းတမ်းနောက်ဆက်တွဲ


၁။         ကျွန်တော့်သဘောထားပြောရရင်တော့ …မော်ဒန်ကိစ္စအတွက် ဒီလောက်ပူညံပူညံ ပြောနေစရာအကြောင်း မရှိလှဘူး။ ဒန်ချင်တဲ့သူကဒန်၊ မဒန်ချင်တဲ့သူကနေပေါ့။ ဒါပဲရှိတယ်။ ဒန်ချင်တဲ့လူကလည်း အားလုံး တို့လို ဒန်ရမယ်။ မဒန်ချင်တဲ့လူကလည်း အားလုံးမဒန်ရဘူးလို့ တစ်ဘက်နဲ့တစ်ဘက် ပြောနေကြတာကတော့ ၀ါဒဖြန့်တာနဲ့မတူတော့ဘဲ သွယ်ဝိုက်အမိန့်ပေးရာ ကျနေပါတယ်။ နောက်ဆုံးတော့ အခရာကျတဲ့ ရေးတဲ့သူတွေကပဲ ကိုယ်ရေးချင်တာ ကိုယ့်ဟာကို ရေးကြရုံပေါ့။ အစဉ်အလာသမားတွေကလည်း ခေတ်သစ်သမားတွေလက်ကို ကြိုးနဲ့တုတ်ထားလို့မရဘူး။ ခေတ်ပေါ် သမားတွေကလည်း အစဉ်အလာသမားတွေရှိနေကြတဲ့အတွက် ကိုယ်ရေးချင်တာရေးဖို့ နှောင့်နှေးစရာ အကြောင်းမရှိ ပါဘူး။ အဟောင်းနဲ့အသစ်ဆိုတာ အစဉ်ဒွန်တွဲနေမြဲဥစ္စာ။ အချိန်အခါနဲ့ အခြေအနေက အဆုံးအဖြတ်ပေးသွားပါလိမ့်မယ်။ ကိုယ့်သဘောကိုယ်ဆောင်ဖို့ပဲ အရေးကြီးပါတယ်။ တစ်ခုတော့ ရှိပါတယ်။ မော်ဒန်သမားကလည်း တကယ်ပီပြင်တဲ့ မော်ဒန်ခေတ်ကို ထူထောင်ချင်တယ်ဆိုရင် ကိုယ့်အလုပ်ကိုယ် ခိုင်ခိုင်မာမာလုပ်ဖို့လိုပါတယ်။ အဲသလိုလုပ်နိုင်အောင်က ပထမ ခိုင်ခိုင်မာမာသိထားဖို့လိုအပ်ပါတယ်။
၂။         တချို့ဆွေးနွေးနေကြတာတွေကျတော့လည်း မော်ဒန်ပြဿနာနဲ့ အံမ၀င်လှပါဘူး။ ဥပမာ- ကာရန်ကို လက်ထိပ် လက်ကောက်နဲ့ ပုံခိုင်းတဲ့ ကိစ္စမျိုး။ ဘာနဲ့တူသလဲဆိုတော့ ဘုန်းကြီးကျောင်းပေါ်တက်ပြီး ဆံပင်ပေါက်ဆေးရောင်းတဲ့လူ လို ဖြစ်နေတယ်။ ကျွန်တော်တို့ ကာရန်ကို ခွဲခဲ့တာဟာ ကာရန်ကို မနိုင်နင်းလို့၊ ကာရန်ကို ကိုင်တွယ်ရမှာ ကြောက်လို့မှ မဟုတ်ဘဲ။ ကျွန်တော်ဟာ ၁၉၆၅ကစပြီး ကဗျာရေးခဲ့ပါတယ်။ လေးလုံးစပ်ပီပီပြင်ပြင်တွေ၊ ဒွေးချိုးအတွဲလေးတွေ၊ လေးချိုး လေးတွေပါပဲ။ မဂ္ဂဇင်းစာမျက်နှာပေါ် မရောက်ခဲ့ပေမဲ့ အဲဒီကာလက ရတုပိုဒ်စုံတွေ၊ တေးထပ်တွေ၊ တျာချင်းတွေကိုလည်း လေ့ကျင့်ခန်းယူတဲ့အနေနဲ့ တော်တော်များများ စမ်းသပ်ရေးခဲ့ပါတယ်။ ကာရန်ကို ကြောက်လို့မဟုတ်ဘဲ စွန့်ချိန်တန်လို့ စွန့်လိုက်ကြတယ်ဆိုတာ အင်မတန်သေချာပါတယ်။ ပြီးတော့ ကျွန်တော်ထပ်တလဲလဲပြောပါတယ်။ကာရန်မဲ့တယ်ဆိုတာ မော်ဒန်ကဗျာရဲ့ သာမညလက္ခဏာတစ်ချက်ပဲဆိုတာ။
            အဲသလိုပဲ မော်ဒန်အလံစုတ်ကလေး တလူလူနဲ့လို့ အာမနာပလောက်သာ ရေးတတ်တဲ့လူတွေကျတော့လည်း ထုံးတို့ထားရုံလောက်ပဲရှိတယ်။
၃။         နောက်မော်ဒန်ပြဿနာနဲ့ လာရှုပ်နေတဲ့ကိစ္စကတော့ ဂိုဏ်းစွဲ ပုဂ္ဂိုလ်စွဲ အငြင်းအခုံပြဿနာတွေပါပဲ။ ဒါတွေက မော်ဒန်ဝါဒတရား ကိုယ့်သဘောနဲ့ ဘာမှမပတ်သတ်တဲ့ ကိစ္စမျိုးတွေမို့ လေ့လာသူတွေက ခွဲခွဲခြားခြား သိထားကြည့်မြင် သင့်ပါတယ်။
            ကျွန်တော်တို့တွေ ညံ့ဖျင်းနေတဲ့တစ်ချက်က ဆရာမရှိရင် မနေတတ်ကြတာဘဲ။ အဲဒါဟာ အချောင်သမားစိတ် ဓာတ်က  အခြေခံပေါက်ဖွားလာတာပါပဲ။ ကိုယ်တိုင်သိစရာရှိတာ၊ လုပ်စရာရှိတာတွေကို ကိုယ်တိုင်မလုပ်တော့ဘဲ . . .ဆရာလုပ်တဲ့လူအပေါ် အားလုံးလွှဲထားလိုက်ကြတော့တယ်။ တပည့်လုပ်ရတာ လွယ်လည်းလွယ်၊ သက်လည်းသက်သာ ကြတာကိုး။ ကိုယ်ရေကြည်သောက်ဖို့ကိစ္စကို ကိုယ်တိုင်ရေးတွင်းမတူးကြတော့ဘူး။ ဆရာလုပ်တဲ့လူ တူးတဲ့ရေတွင်းရေကို ပဲ ကြည်ချင်ကြည်၊ နောက်ချင်နောက်၊ သောက်နေကြတယ်။ (ကိုယ်ပိုင်ရေစစ်ကလေးလောက်တောင် မရှိကြတာ အဆိုး ဆုံးပဲ။)
            တွေ့ပါလိမ့်မယ်။ ကျွန်တော်တို့ ခေတ်သစ်မြန်မာစာပေ သမိုင်းအစဉ်အဆက်မှာ စာပေပြဿနာထက် ဆရာမွေး တပည့်မွေး ပြဿနာက ပိုကြီးထွားလာခဲ့တာ။ အဲဒီအကြောင်းတွေကြောင့်ပါပဲ။
            မြန်မာကဗျာလောကကို ဘယ်သူက ဦးဆောင်ရေး၊ ဘယ်ဝါဒက ဦးဆောင်ရေး၊ ဘယ်နေရာက ဦးဆောင်ရေး ဆိုတာတွေကို ဘာလို့ အရေးတကြီးလုပ်ပြောနေကြတာလဲ။ ကျွန်တော်တော့ စဉ်းစားလို့တောင်မရဘူး။ သူတို့ဟာ ကဗျာရေးချင်ကြတာလား၊ ခေါင်းဆောင်လုပ်ချင်ကြတာလား။ အဲဒီနှစ်ခုမှာ ဘယ်ဟာက အဓိက ကျနေသလဲ။ ကျွန်တော့် အဖို့ကတော့ ဦးဆောင်ဖို့တို့၊ ဆရာလုပ်ဖို့ဆိုတာကို အနှစ်သုံးဆယ်လုံးလုံး သရိုးသရီတောင် စိတ်ထဲ မဖြစ်ခဲ့ဖူးဘူး။ အာရုံလည်းမ၀င်စားဘူး။ ကျွန်တော့်အတွက် ထာဝရ အဓိကကျတဲ့အရာက ကဗျာရေးဖို့ပါပဲ။ ကဗျာဆရာဖြစ်ချင်တာ တောင် မဟုတ်ပါဘူး၊ ကဗျာရေးနေရရင် တော်ပါပြီ။
            သာမန်ကြည့်ရင် ဆရာလုပ်ချင်တဲ့လူကလုပ်၊ တပည့်ခံချင်တဲ့သူက ခံ၊ ဦးဆောင်ချင်တဲ့လူက ဦးဆောင်၊ ပြဿနာ မရှိပါဘူးလို့ ဆိုနိုင်ပေမဲ့၊ ခက်တာက အဲ့ဒါတွေနဲ့ တစ်ဆက်တည်း မြန်မာစာပေလောကမှာ စာပေလက်ဝါးကြီးအုပ်ဝါဒတွေ အမြစ်တွယ်လာတာပါပဲ။ မောင်ဖြူကိုကြည်ညိုကိုးကွယ်သူတွေကလည်း တို့လိုပဲ စာပေသမားအားလုံးက မောင်ဖြူကို ကြည်ညိုကိုးကွယ်ကြရမယ်။ မောင်နီကို ကြည်ညိုကိုးကွယ်သူတွေကလည်း ဒီအတိုင်းပဲ။ သူတို့ ကြည်ညိုတဲ့သူကို မကြည်ညိုရင်ဘဲ ရန်သူလို ၀ိုင်းသဘောထားလာကြတယ်။ ပြောရေးဆိုခွင့်မှာလည်း ဒီလိုပဲ။ ဆယ်ရေးတစ်ရေးမှ မလွှဲသာ လို့ မပြောမဖြစ်လို့ ဘေးလူက၀င်ပြောရင် တစ်စိကလေးမှ မကြိုက်ကြဘူး။ စာပေကိစ္စအားလုံးကို သူတို့ပဲ အပိုင်စီး လက်ဝါးကြီးအုပ်ထားချင်ကြတယ်။ အေးချမ်းစွာသဘောကွဲလွဲခွင့်ရဲ့တန်ဖိုးကိုတော့ လေးစားသင့်ကြပါတယ်။
၎။         မော်ဒန်ကိစ္စနဲ့ပတ်သတ်လို့ စိတ်ဝင်စားတဲ့သူတွေ၊ ကိုယ်တိုင်ရေးဖွဲ့ဖို့ ကြိုးစားနေတဲ့လူငယ်တွေ၊ ဆူလွယ်နပ် လွယ် သိချင်နေတဲ့ကိစ္စကတော့ မော်ဒန်ကဗျာကို ဘယ်လိုရေးကြမလဲဆိုတာပါပဲ။ ဒီမေးခွန်းရဲ့ အဖြေကတော့ ရှည်လည်း ရှည်လျား၊ ရှုပ်လည်း ရှုပ်ထွေး၊ ခက်လည်းခက်ခဲလှပါတယ်။ မြန်မာနိုင်ငံ စာပေလောကရဲ့ အခြေအနေဟာ ပို့စ်မော်ဒန် ခေတ်ဦးထဲကို ခြေချမိနေပါပြီ။ အင်မတန်လေးနက်ပြီး ၀ိဝါဒကွဲပြား၊ ဆုံးဖြတ်ချက်မကျနိုင်သေးတဲ့ သဘောတရားတွေနဲ့ ပို့စ်မော်ဒန်အကြောင်း တစ်ထိုင်တည်းလည်း ပြောလို့မရပါဘူး။ စာအုပ်တစ်အုပ်တည်းနဲ့လည်း ပြောလို့မရပါဘူး။ ဆောင်းပါးတစ်ပုဒ်တည်းနဲ့လည်း ပြောလို့မရပါဘူး။ ကျွန်တော်တို့ထက် ပိုမိုကျယ်ကျယ်ပြန့်ပြန့် လေ့လာရေးသားနေတဲ့ ကိုဇော်(ဇော်ဇော်အောင်) ကိုယ်တိုင်လည်း ဒီအချက်ကို သူ့ဆောင်းပါးတွေထဲမှာ မကြာခဏ ထည့်သွင်းဝန်ခံလေ့ရှိပါတယ် သူ့ဆောင်းပါးတွေ ဂရုတစိုက်ဖတ်ကြဖို့ တိုက်တွန်းချင်ပါတယ်။ ကဗျာနဲ့ပတ်သတ်လာရင် မျိုးသန့်ရဲ့ဆောင်းပါးတွေကို လည်း အလေးထားသင့်ပါတယ်။ နောက်တစ်ဦးကတော့ ကွယ်လွန်သွားတဲ့ မင်းလှညွန့်ကြူးပါပဲ။ (ဒီလူသုံးယောက်နဲ့ နေရာတကာတိုင်းမှာ သဘောထားချင်းမတိုက်ပေမဲ့ သူတို့ရဲ့ ကဗျာအပေါ်မှာထားတဲ့ စေတနာကိုတော့ ကျွန်တော် တစ်စက်လေးမှ သံသယမဖြစ်ခဲ့ပါဘူး)
            ခုနမေးခွန်းကို ဖြေရရင်တော့ မော်ဒန်ကဗျာရေးသူတစ်ဦးကို ဘယ်လိုရေး၊ ဘယ်ကဲ့သို့ရေးလို့ တိတိကျကျ ညွှန်ပြဖို့ကိစ္စဟာ ခုခေတ်မှာ မဖြစ်နိုင်ပါဘူး။ ခေတ်ပေါ်အနုပညာရှင်တစ်ယောက်ကို အဲဒီလက်ရာဟာ ဘယ်လိုပေါ်ပေါက် လာသလဲလို့ မေးရင် သူဖန်တီးတဲ့ အရာဖြစ်ပေမဲ့ သူရှင်းပြနိုင်ဖို့ ခက်ခဲပါလိမ့်မယ်။ ဘာဖြစ်လို့လဲဆိုတော့ အနုပညာ ဆိုတာ အဆင့်မြင့်တဲ့ အာရုံသိနဲ့ ဆောင်ရွက်ရတဲ့ကိစ္စတစ်ခုဖြစ်လို့ပါပဲ။ သူ့မှာ ကိတ်မုန့်ဖုတ်နည်းလို အောက်ဆီဂျင် ဓာတ်ထုတ်လုပ်နည်းလို ဖော်မြူလာမျိုးရှိမနေလို့ပါပဲ။
            နောက်တစ်ချက်ကလည်း နှောင်းခေတ်ပေါ်ဝါဒရဲ့ အထူးခြားဆုံးနဲ့ တန်ဖိုးအကြီးဆုံးအရာဟာ တစ်သီးပုဂ္ဂလ တန်ဖိုး ဖြစ်နေပြန်ပါတယ်။ ကဗျာရေးဖွဲတဲ့နေရာမှာ ဟိုးလပ်၊ ရစ်ဆော့၊ ပရဲဗတ်တို့ဟာ တစ်ယောက်နဲ့တစ်ယောက် မတူကြပါဘူး။ ပန်းချီရေးတဲ့နေရာမှာ ဂျက်ဆင်ပိုးလော့၊ ရိုဇင်ဘက်၊ အင်ဒီဝါးဟိုး၊ ဒူကူးနင်းတို့ဟာ မတူကြပါဘူး။ ရုပ်ရှင် ရိုက်တဲ့နေရာမှာ ဘဂ်မင်း၊ လူချင်း နိုး၊ ဂိုးဒက်၊ ဖိုမန်တို့ဟာ မတူကြပါဘူး။ ၀တ္ထုရေးတဲ့နေရာမှာ ဂျွန်ဘက်၊ ဒေါ်နယ် ဘာသာ၊ မားကွက်စ်၊ ဂျက်ကာရိုယက်တို့ဟာ မတူကြပါဘူး။ သူတို့လက်ရာတွေမှာ တစ်ဦးချင်းရဲ့ သီးသန့်စွမ်းရည် တွေဟာ အားအကောင်းဆုံးနဲ့ အလင်းလက်ဆုံးတောက်ပနေတာ တွေ့မြင်နိုင်ပါတယ်။ ဒါပေမဲ့ သူတို့အားလုံးရဲ့ လက်ရာ တွေဟာ နှောင်းခေတ်ပေါ်ဝါဒရဲ့ ယေဘုယျလက္ခဏာတွေပေါ်မှာ အခြေခံတည်ဆောက်ခဲ့တာခြင်းကတော့ တူညီနေပြန် ပါတယ်။
            ရဟန်းလုပ်တဲ့အခါ ရဟန်းကိစ္စပြီးရမယ်ဆိုတဲ့ စကားရှိပါတယ်။ ရဟန်းဆိုတာ အရဟတ္တမဂ်ဆိုက်မှ ရဟန်းကိစ္စပြီး ပါတယ်။ ကျွန်တော်တို့ရဲ့ ဘုန်းတော်ကြီးမြတ်တော်မူတဲ့ မြတ်စွာဘုရားသခင်ဟာ မဟာကရုဏာတော်ရှင် အစစ် ဖြစ်တော် မူသော်လည်း သူ့တပည့်သား သံဃာတော်များ အားလုံးကို မဂ်ဖိုလ်ရကြစေလို့ တန်ခိုးတော်နဲ့ ဆောင်ရွက်ပေးလို့မရခဲ့ ပါဘူး။ ကိုယ်လုပ်မှသာ ကိုယ်ရမယ်လို့ ဟောတော်မူခဲ့ပါတယ်။
            ကဗျာဆရာဖြစ်ချင်တဲ့သူတွေလည်း ဗျာဒိတ်တော်သံဝေခံနေရုံနဲ့ မပြီးပါဘူး။ ကဗျာဆရာဖြစ်မှတော့ ကဗျာကိစ္စ ပြီးအောင် ကိုယ့်ဘာသာကိုယ် အားထုတ်ကြရပါလိမ့်မယ်။
သစ္စာနီ
(ဆက်လက်ဖော်ပြသွားပါမည်)

ပိုက်ဆံရှာခြင်း ယဉ်ကျေးမှုပြ ပန်းပု (၁)


အာရုံခံစားမှု အားနည်းတယ်ပဲပြောပြော သမိုင်းမရှိဘူးပဲ ပြောပြော
ကြေးအိုးထဲမှာ အသားနည်းလာတယ် ပေါက်စီတွေသေးလာတယ်
အမျိုးသမီးရင်သားထွားဆေးတွေ ခွဲစိတ်ထည့်သွင်းမှုတွေ ခေတ်စားလာတယ်
မန်ယူပွဲဦးထွက်ညံ့တယ် မောင်ပြည့်မင်းနဲ့အောင်ပြည့်စုံ တယောက်ချင်း’ ထွက်တယ်
လုံးချောဟာ ရန်ကြီးအောင်ကို ၅ ချီမှာနိုင်တယ် ဧရာဝတီမှာဆန်ဈေးကျတယ်
အဆင့်မြင့်အနုပညာနဲ့ လူပြိန်းကြိုက်အနုပညာ စည်းပြိုကွဲလာတယ်
ပါးစပ်ဖျားမှာ ၀ိုင်းစုခိုင်သိန်း သဉ္စာဝင့်ကျော် စိုးပြည့်သဇင် ဗီတာမင်တွေ
အများကြိုက် ယဉ်ကျေးမှုဟာ  တက္ကသိုလ်တွေမှာ သိက္ခာရှိလာတယ်
မိုးဟေကိုမှာ အောင်ပွဲတွေ ဇယားချထားတဲ့အတိုင်း တန်းစီနေတယ်
ကယ်လ်ဆမ်ကွေကာ ကြော်ငြာရဲ့ ဗလကြီးပုံထဲမှာ အရိုးတွေပေါ်နေတယ်
နာဂစ်ဘေးဒဏ်ခံဒုက္ခသည်ရေလုပ်သားကြီးတွေ ငါးဖမ်းစက်လှေသစ်တွေရကြတယ်
မူလထက်သာလွန်ကောင်းမွန်တဲ့ လူနေမှုဘ၀အထိုက်အလျောက်အဆင်ပြေလာကြတယ်
ဆူပါမင်းနဲ့ ဂျိမ်းစဘွန်းမှာ အားနည်းချက်တွေရှိပေမယ့် အမှန်တရားက အနိုင်ရတယ်
‘မြန်မာ နိုင်ပြီ၊ ဒို့ မြန်မာ နိုင်ပြီ’ ဟာ သွေးထဲမှာ လျှပ်စစ်ဓါတ်တဖြန်းဖြန်း
ဘာအာရုံခံစားမှုမှ မရှိဘူး ဘာသမိုင်းမှ မရှိဘူး ဘာ ဘ၀မှ မရှိဘူးပဲ ပြောပြော
တစ္ဆေတစ်ကောင်လို နေ့စဉ်တွေ့ကြုံသိရှိဝေဖန်ပိုင်းခြား သင်ယူဖြတ်သန်းမှုပဲရှိတယ်
အဲဒါနဲ့ ပြည့်စုံလုံလောက်တယ်ဆိုတာ လမ်းပေါ်က အခြားလူတွေလိုပဲ
ဦးလည်မသုံ စွဲမြဲယုံကြည်စွာ နှလုံးသွင်းလက်ခံထားရှိတယ်
ဘာစားမလဲ ဘာသောက်မလဲ ကိုယ့်ဖာသာမှာစား ကိုယ့်ဖာသာကိုယ်ရှင်း
အချင်းချင်းပဲ အိုက်ဒီယော်တွေ ဖီလော်တွေနဲ့ လာပိန်းမနေနဲ့
အမှောင်ထဲမှာ လင်းအောင်နေ (ပိုးစုန်းကြူးလောက်ပဲဖြစ်ဖြစ်)
ကြောင်မှန်ရင် အခင်းသွားပြီးပြန်ဖုံးတယ်( အဲဒါအသံငဲ့လိုက်တာ)
ရုံးတွေဘာတွေသွားရင် အလှူငွေထည့်ဖို့မမေ့နဲ့(အဲဒါလူမှုအသိတရား)
ဒါမှမသိရင် ခေတ်ကို ဘယ်လိုထင်ဟပ်မလဲ ဆုတွေ ဘယ်လိုမျှော်မှန်းမလဲ
ဒီစာမျက်နှာကို ၁၉ စက်တင်ဘာ ၂၀၀၈၊ ၆း၃၅ မှာ ပြုပြင်ထားပါတယ်
ဒါနဲ့ သင်တန်းတွေ ဘာတွေကော ဆင်းပြီးပြီလား ခေတ်မီစွာ မွမ်းမံနည်း
အလန်ကင်းန်စ်ဘာ့ဂ်(ဘယ်က အလန်ဂင်းန်စ်ဘာ့ဂ်လဲ) ကပြောတယ်
ကဗျာဟာ ပွင့်လင်းမှု တစ်ခုခုနဲ့ အဆုံးသတ်ရမယ်
အဲဒါ သူ့ကဗျာသူပြောတာ လူတိုင်းဟာ အလန်ဂင်းန်စဘာ့ဂ်မဟုတ်ဘူး
ဘေဂျင်းကဗျာအိုလံပစ်မှာလည်း ပြိုင်ပွဲဝင်ဖို့ စိတ်မကူးဘူး
ယောက်ျားတိုင်းဟာ သူ့ရဲ့  တစ်ခုမဟုတ်တစ်ခုတော့ ကြီးထွားချင်ကြတာပဲ
ငါကတော့ ငါ့ဆိုက်ကားဘီး လေအပြည့်ရှိဖို့နဲ့
ရွာက ငါ့အဘလယ်မှာ စပါးအထွက်ကောင်းပြီး ဈေးကောင်းရဖို့ပဲ
နွေရာသီမှာ အဆင်ပြေရင် ရွာပြန်ပြီး သားကို ရှင်ပြုပေးဦးမယ်
မြွေကိုက်ပါတယ်ဆိုမှ ဘယ်ဗေဒကို တစ်ပါတည်းဖမ်းဆီးခဲ့ရမှာလဲဟ ။     ။

ဇေယျာလင်း
၁၉ သြဂုတ် ၂၀၀၈