ဝန်ခံချက်



ဘုရားသခင်၊ တပည့်တော် စတော်ဘယ်ရီယို ကြိုက်ခဲ့ပါတယ်
မိန်းမသားရဲ့ မှောင်မိုက်တဲ့ချိုမြိန်မှုကို ကြိုက်ခဲ့ပါတယ်။
ပြီးတော့ အေးစိမ့်နေအောင်စိမ်ထားတဲ့ ဗော်ဒကာ၊
သံလွင်ဆီနိုင်နိုင်နဲ့ ပင်လယ်ငါးသလောက်သား၊
သစ်ကြံပိုးခေါက်၊ လေးညှင်းပွင့်တို့ရဲ့ မွှေးရနံ့။
အဲဒီတော့ တပည့်တော်ဟာ ဘယ်လိုပုရောဟိတ်မျိုးလဲ။
သန့်ရှင်းတဲ့ဝိညာဉ်တော်ဟာ တပည့်တော်ဆီ
ဘာဖြစ်လို့ လာကိန်းဝပ်ရတာလဲ။
အခြားသူတွေကို ပုရောဟိတ်လို့ခေါ်ကြတာ တရားတယ်။
အဲဒီပုဂ္ဂိလ်တွေဟာလည်း ယုံကြည်စိတ်ချရသူတွေ။
တပည့်တော်ကို ဘယ်သူယုံမှာလဲ။
သူတို့မျက်မြင်တွေ့ကြသားပဲ
တပည့်တော်ဟာ သေရည်မြင်ရင် အငမ်းမရ
အစားမြင်ရင် ငမ်းငမ်းတက်
စားပွဲထိုးမလေးရဲ့ လည်တိုင်ကြော့ကို ငတ်ငတ်မွတ်မွတ်စောင်းကြည့်
တပည့်တော်မှာ အပြစ်အနာအဆာတွေနဲ့
အမှားကျူးလွန်မှုတွေနဲ့
တပည့်တော်ကိုယ်တိုင်လည်းသိရဲ့။
ကြီးကျယ်မြင့်မြတ်မှုကို တပည့်တော်တောင့်တတယ်
တွေ့တဲ့အခါတိုင်းလည်း မြင့်မြတ်မှုမှန်းသိရတယ်
ဒါပေမယ့် တပည့်တော်ဟာ အပြည့်အဝမဟုတ်တောင်
တစ်စိတ်တစ်ပိုင်းတော့ အကြားအမြင်ရ ပုဂ္ဂိုလ်ပဲ။
ယှဉ်လိုက်ရင် သေးသေးလေးလေးတွေဖြစ်တဲ့
တပည့်တော်တို့လိုလူတွေအတွက် ဘာရရှိတယ်
တပည့်တော်သိပါတယ် --
တခဏခံ မျှော်လင့်ချက်တို့ရဲ့ စားတော်ပွဲ၊
ဝင့်ဝါသူတို့ရဲ့ စုဝေးပွဲ၊
ခါးကုန်းတို့ရဲ့ ယှဉ်ပြိုင်ပွဲနဲ့
စာပေအနုပညာ။       ။
၁၉၈၅

ချက်စလော မီလော့(ရှ်)



ဇေယျာလင်း

အလှပဆုံး စကားလုံး စာအုပ်မှ






      

No comments:

Post a Comment