ပန်းင်္ခြလမ်း



အဖြူသက်သက် စက္ကူစာင်္ကြာလေးဟာ လေမှာတဆတ်ဆတ် လည်ပတ်လို့နေရဲ့။ သူ ကဗျာစပ်နေတယ်
လို့ ကျွန်တော် တွေးဆမိပါတယ်။ မိုးရွာပြီးစ ကမ္ဘာလောကရဲ့ ညနေခင်းသက်တံဟာ ကိုယ်ရောင်ကိုယ်ဝါ
ရွှန်းလက်စွာနဲ့ လာပြီးကိုယ်ထင်ပြပါတယ်။ သူလည်း ကဗျာစပ်နေတာဖြစ်တယ်လို့ ကျွန်တော်လက္ခံပါတယ်။
ကျွန်တော်တို့ လမ်းတူရင် လူချင်းတွေ့ကြမှာပါ။

ကျွန်တော်တို့ အသက်ရှူငွေ့ကလေးတွေ ကောင်းကင်ထဲကို ရောက်ရှိသွားတော့ နဂါးငွေ့တန်းတွေဖြစ်သွား
ကြပါတယ်။ နဂါးငွေ့တန်းလမ်းမနဲ့ နဂါးငွေ့တန်းပန်းများပေါ့။ ကဗျာ ဖြစ်ပါတယ်။

ချောကလက်ရောင်တိမ်ရိပ်ကိုခိုကာ အိပ်မက်တွေကိုချိုစေဘို့ လာခဲ့ကြပါတယ်။ မသေငှက်တွေပါ..။တောမီး
ကို စီးနင်းလိုက်ပါ လာခဲ့မယ်။ မုန်တိုင်းကိုစီးနင်းလိုက်ပါလာခဲ့မယ်။ မသေငှက်တွေပါ။ အသက်မုန့် ပေးတော်
မူပါ။

ကဗျာဆရာတွေဟာ ကမ္ဘာကြီးတခုလုံးကို လှည့်ပတ်စောင့်ကြည့်နေတဲ့ မော်နီတာတွေဖြစ်ပါတယ်။ကျွန်တော်
တို့မှာ ညီမျှခြင်းတွေ ရှိပါရဲ့လား။ ကျွန်တော် အထူးသိလိုလှပါတယ်။ ဟောဒီမှာ ကျွန်တော် ရထားတဲ့
ညီမျှခြင်း

                        နတ်ဆိုးရဲ့ တန်ခိုး
                        ငါ့ ဒဏ်ရာများကို ခုခံထား
                        ငါ . . . ပြာကျ မသွား။

ကျွန်တော်တို့ရဲ့ ဒဏ်ရာများ ဖြစ်ခဲ့ပါတယ်။
လမ်းတူရင် လူချင်းတွေ့ကြမှာပါ။

မောင်ချောနွယ်

နှစ်ဆယ့်တစ် အယ်လ်ဘမ် ကဗျာစာအုပ်မှ

No comments:

Post a Comment